完整藏文原文 · 德格版页 当前仅加载第 59 函德格 210a 版页；藏文 NFD、目录标记与异常页序保留在来源切片中，重复版页行以稳定序号区分。
བདེན་པར་གསུངས་པའོ། །ཞེས་ཚིག་དེ་སྐད་སྨྲས་སོ། །རྣམ་པར་འཕྲུལ་པའི་རྒྱལ་པོ་འདི་ཇི་སྙམ་དུ་སེམས་དེའི་ཚེ་བྱང་ཆུབ་སེམས་དཔའ་དྲི་མེད་རྣམ་དག་འོད་ཅེས་བྱ་བར་འགྱུར་བ་དེ་གཞན་ཞིག་ཡིན་པ་སྙམ་ན་དེ་ལྟར་མི་བལྟའོ། །དེ་ཅིའི་ཕྱིར་ཞེ་ན། ང་ཉིད་དེའི་ཚེ་བྱང་ཆུབ་སེམས་
D167.059.0210a01.01དཔའ་དྲི་མེད་རྣམ་དག་འོད་ཅེས་བྱ་བར་གྱུར་ཏོ། །རྣམ་པར་འཕྲུལ་པའི་རྒྱལ་པོ་དེའི་ཚུ་རོལ་ན་དེ་བཞིན་གཤེགས་པ་རབ་གསལ་ཞེས་བྱ་བ་ངས་མཉེས་པར་བྱས་ཏེ། དེ་ལས་ཀྱང་ཆོས་ཀྱི་རྣམ་གྲངས་འདི་ཐོས་སོ། །ཐོས་ནས་ཀྱང་བཟུང་ངོ་། །སྣང་བའི་ཕྱག་རྒྱ་ཞེས་བྱ་བའི་ཏིང་ངེ་འཛིན་ཀྱང་ཐོབ་བོ། །
D167.059.0210a02.01དེའི་ཚུ་རོལ་ན་དེ་བཞིན་གཤེགས་པ་རྒྱལ་ཞེས་བྱ་བ་མཉེས་པར་བྱས་ཏེ། དེ་ལས་ཀྱང་ཆོས་ཀྱི་རྣམ་གྲངས་འདི་ཐོས་སོ། །ཐོས་ནས་ཀྱང་བཟུང་ངོ་། །སྣང་ལྡན་ཞེས་བྱ་བའི་ཏིང་ངེ་འཛིན་ཀྱང་ཐོབ་བོ། །དེའི་ཚུ་རོལ་ན་དེ་བཞིན་གཤེགས་པ་སྐར་རྒྱལ་ཞེས་བྱ་བ་མཉེས་པར་བྱས་ཏེ། དེ་ལས་
D167.059.0210a03.01ཀྱང་ཆོས་ཀྱི་རྣམ་གྲངས་འདི་ཐོས་སོ། །ཐོས་ནས་ཀྱང་བཟུང་ངོ་། །རྣམ་པར་སྣང་བྱེད་ཅེས་བྱ་བའི་ཏིང་ངེ་འཛིན་ཀྱང་ཐོབ་བོ། །དེའི་ཚུ་རོལ་ན་དེ་བཞིན་གཤེགས་པ་རབ་ཏུ་གདུང་བ་ཞེས་བྱ་བ་མཉེས་པར་བྱས་ནས། དེ་ལས་ཀྱང་ཆོས་ཀྱི་རྣམ་གྲངས་འདི་ཐོས་ཏེ། ཐོས་ནས་ཀྱང་བཟུང་ངོ་། །རྗེས་
D167.059.0210a04.01སུ་འཐུན་པའི་བཟོད་པ་ཐོབ་པོ། །དེའི་ཚུ་རོལ་ན་དེ་བཞིན་གཤེགས་པ་མར་མེ་མཛད་ཅེས་བྱ་བ་མཉེས་པར་བྱས་ནས། དེ་ལས་ཀྱང་མི་སྐྱེ་བའི་ཆོས་ལ་བཟོད་པ་ཐོབ་སྟེ། ཚུལ་ཁྲིམས་ཀྱི་རྣམ་པར་འཕྲུལ་པ་དང་། མངོན་པར་ཤེས་པའི་རྣམ་པར་འཕྲུལ་པ་དང་། ཤེས་པའི་རྣམ་པར་འཕྲུལ་
D167.059.0210a05.01པ་དང་། ཤེས་རབ་ཀྱི་རྣམ་པར་འཕྲུལ་པ་ཞེས་བྱ་བ་དང་། རྣམ་པར་འཕྲུལ་པ་བཞི་པོ་དེ་དག་མངོན་སུམ་དུ་བྱས་སོ། །རྣམ་པར་འཕྲུལ་པའི་རྒྱལ་པོ་རྣམ་གྲངས་དེས་འདི་ལྟར་རིག་པར་བྱ་སྟེ། ད་ལྟར་རམ་ང་འདས་པའི་འོག་ཏུ་ཡང་རུང་བྱང་ཆུབ་སེམས་དཔའི་ཐེག་པ་པའི་རིགས་ཀྱི་
D167.059.0210a06.01བུའམ། རིགས་ཀྱི་བུ་མོ་གང་སུ་དག་ཆོས་ཀྱི་རྣམ་གྲངས་འདི་འཛིན་པ་དང་། འཆང་བ་དང་། ཀློག་པ་དང་། ཀུན་ཆུབ་པར་བྱེད་པ་དང་། གཞན་དག་ལ་ཡང་རྒྱ་ཆེར་ཡང་དག་པར་སྟོན་པ་དེ་དག་ཐམས་ཅད་ཡང་དག་པར་རྫོགས་པའི་བྱང་ཆུབ་ཀྱི་ཕྱིར་མངོན་པར་ཤེས་པ་མྱུར་བ་དང་ལྡན་པར་
D167.059.0210a07.01