完整藏文原文 · 德格版页 当前仅加载第 59 函德格 191a 版页；藏文 NFD、目录标记与异常页序保留在来源切片中，重复版页行以稳定序号区分。
ཤེས་པ་དེ་ནི་ཕུང་པོ་ཤེས་པ་ཞེས་བྱའོ། །རྣམ་པར་འཕྲུལ་པའི་རྒྱལ་པོ་དེ་ལ་ཁམས་ཤེས་པ་གང་ཞེ་ན། སའི་ཁམས་ཆོས་ཀྱི་དབྱིངས། ཆུའི་ཁམས་ཆོས་ཀྱི་དབྱིངས། མེའི་ཁམས་ཆོས་ཀྱི་དབྱིངས། རླུང་གི་ཁམས་ཆོས་ཀྱི་དབྱིངས་ཏེ། དེ་
D167.059.0191a01.01ཅིའི་ཕྱིར་ཞེ་ན། ཁམས་བཞི་པོ་དེ་དག་ཐམས་ཅད་ཆོས་ཀྱི་དབྱིངས་སུ་ཁམས་གཅིག་སྟེ། འདི་ལྟ་སྟེ། ནམ་མཁའི་ཁམས་ཡིན་ལ། ནམ་མཁའི་ཁམས་དང་། ཆོས་ཀྱི་དབྱིངས་དེ་ནི་དབྱིངས་མ་ཡིན་ཏེ། དེ་ནི་སའི་ཁམས་མ་ཡིན། ཆུའི་ཁམས་མ་
D167.059.0191a02.01ཡིན། མེའི་ཁམས་མ་ཡིན། རླུང་གི་ཁམས་མ་ཡིན་པའི་ཕྱིར་རོ། །དེ་ཅིའི་ཕྱིར་ཞེ་ན། འགྱུར་བ་མེད་པའི་དབྱིངས་ནི་ཆོས་ཀྱི་དབྱིངས། གཉིས་སུ་མེད་པའི་དབྱིངས་ནི་ཆོས་ཀྱི་དབྱིངས། སྐྱེ་བ་མེད་པའི་དབྱིངས་ནི་ཆོས་ཀྱི་དབྱིངས། ཀུན་ནས་ཉོན་མོངས་པ་
D167.059.0191a03.01མེད་པའི་དབྱིངས་ནི་ཆོས་ཀྱི་དབྱིངས། ཤིན་ཏུ་རྣམ་པར་དག་པའི་དབྱིངས་ནི་ཆོས་ཀྱི་དབྱིངས་ཡིན་པའི་ཕྱིར་ཏེ། ཆོས་ཀྱི་དབྱིངས་ཅི་འདྲ་བ་བདག་གི་དབྱིངས་ཀྱང་དེ་བཞིན། སེམས་ཅན་གྱི་དབྱིངས་ཀྱང་དེ་བཞིན། སྲོག་གི་དབྱིངས་ཀྱང་དེ་བཞིན། གང་ཟག་གི་
D167.059.0191a04.01དབྱིངས་ཀྱང་དེ་བཞིན། འཁོར་བའི་དབྱིངས་ཀྱང་དེ་བཞིན། མྱ་ངན་ལས་འདས་པའི་དབྱིངས་ཀྱང་དེ་བཞིན་ཏེ། མྱ་ངན་ལས་འདས་པའི་དབྱིངས་ཇི་ལྟ་བ་དེ་བཞིན་དུ་འདོད་པའི་ཁམས་ཀྱང་དེའི་ཁམས། གཟུགས་ཀྱི་ཁམས་ཀྱང་དེའི་ཁམས། གཟུགས་མེད་
D167.059.0191a05.01པའི་ཁམས་ཀྱང་དེའི་ཁམས། འདུས་བྱས་ཀྱི་ཁམས་ཀྱང་དེའི་ཁམས། འདུས་མ་བྱས་ཀྱི་ཁམས་ཀྱང་དེའི་ཁམས་ཏེ། དེ་བས་ན་མྱ་ངན་ལས་འདས་པའི་དབྱིངས་ཞེས་བྱའོ། །རྣམ་པར་འཕྲུལ་པའི་རྒྱལ་པོ་གཟུགས་ཀྱི་ཁམས་རྣམས་ལ་དེ་ལྟར་གཞན་གྱི་དྲིང་ལ་མི་
D167.059.0191a06.01འཇོག་པར་ཤེས་པ་གང་ཡིན་པ་དེ་ནི་ཁམས་ཞེས་བྱའོ། །རྣམ་པར་འཕྲུལ་པའི་རྒྱལ་པོ་དེ་ལ་སྐྱེ་མཆེད་ཤེས་པ་གང་ཞེ་ན། མིག་ནི་རང་བཞིན་ལས་མ་སྐྱེས་ཤིང་མ་བྱུང་བ་སྟེ། དེ་ལ་བྱེད་པ་པོ་གང་ཡང་མེད་དོ། །རྣམ་པར་འཕྲུལ་པའི་རྒྱལ་པོ་དེ་བཞིན་དུ་རྣ་
D167.059.0191a07.01