完整藏文原文 · 德格版页 当前仅加载第 59 函德格 203b 版页；藏文 NFD、目录标记与异常页序保留在来源切片中，重复版页行以稳定序号区分。
ནི་བྱང་ཆུབ་སེམས་དཔའི་སྟོབས་བཅུ་པོ་དག་གོ། །རྣམ་པར་འཕྲུལ་པའི་རྒྱལ་པོ་དེ་ལ་བྱང་ཆུབ་སེམས་དཔའ་རྣམས་ཀྱི་མི་འཇིགས་པ་བཞི་པོ་དག་གང་ཞེ་ན། ཐོས་པ་ཐམས་ཅད་འཛིན་པས་གཟུངས་ཐོབ་སྟེ། བརྗེད་པ་མེད་པས་བྱང་ཆུབ་སེམས་དཔའ་འཇིགས་པ་མེད་པར་འཁོར་
D167.059.0203b01.01རྣམས་ལ་ཆོས་སྟོན་པ་དང་། ཆོས་ཐམས་ཅད་རབ་ཏུ་དབྱེ་བ་དང་། སྤོབས་པ་ཐོགས་པ་མེད་པ་དང་། སྤོབས་པ་བར་ཆད་མེད་པ་དང་། སྒྲ་ཐམས་ཅད་ཤེས་པས་བྱང་ཆུབ་སེམས་དཔའ་འཇིགས་པ་མེད་པར་འཁོར་རྣམས་ལ་ཆོས་སྟོན་པ་དང་། གནས་ཐམས་ཅད་ལ་མོས་པ་རྣམ་པར་གྲོལ་བས་
D167.059.0203b02.01བསམ་པ་ཇི་ལྟ་བ་བཞིན་དུ་སྨན་སྦྱོར་བ་ཤེས་པ་དང་། སེམས་ཅན་ཐམས་ཅད་ཀྱི་དབང་པོ་ཡོངས་སུ་ཤེས་པ་དང་། ཇི་ལྟར་སོ་སོར་འོས་པར་ཆོས་འཆད་པས་བྱང་ཆུབ་སེམས་དཔའ་འཇིགས་པ་མེད་པར་འཁོར་རྣམས་ལ་ཆོས་སྟོན་པ་དང་། དེ་འཁོར་གྱི་འཇིགས་པ་དང་བྲལ་བ་ཡིན་ཏེ། འགའ་
D167.059.0203b03.01ཞིག་ཤར་དང་། ལྷོ་དང་། ནུབ་དང་། བྱང་གི་ཕྱོགས་རྣམས་ནས་འོངས་ཤིང་བདག་ལ་དྲི་བ་མི་འདྲི་གྲང་། བདག་གིས་ནི་དེ་བསྟན་མི་ནུས་སོ། །སྙམ་པའི་མཚན་མ་ཡང་བྱང་ཆུབ་སེམས་དཔའ་ཡང་དག་པར་རྗེས་སུ་མི་མཐོང་ཞིང་། སེམས་ཅན་ཐམས་ཅད་འདྲི་བའི་སྐབས་ཀྱང་འབྱེད་དེ།
D167.059.0203b04.01དྲི་བ་ཇི་སྐད་དྲིས་པའི་ལན་ཀྱང་འདེབས་ཤིང་དེ་འཇིགས་པ་དང་བྲལ་ལ། ཐེ་ཙོམ་ཐམས་ཅད་གཅོད་པ་ལ་མཁས་པ་ཡིན་ཞིང་། འཇིགས་པ་མེད་པར་ཡང་འཁོར་རྣམས་ལ་ཆོས་སྟོན་པ་སྟེ། རྣམ་པར་འཕྲུལ་པའི་རྒྱལ་པོ་དེ་དག་ནི་བྱང་ཆུབ་སེམས་དཔའི་མི་འཇིགས་པ་བཞི་པོ་དག་གོ། །རྣམ་པར་
D167.059.0203b05.01འཕྲུལ་པའི་རྒྱལ་པོ་དེ་ལ་བྱང་ཆུབ་སེམས་དཔའ་རྣམས་ཀྱི་ཆོས་མ་འདྲེས་པ་{བཅྭ་,བཅོ་}བརྒྱད་པོ་དག་གང་ཞེ་ན། བྱང་ཆུབ་སེམས་དཔའ་ནི་མ་བསྟན་པའི་སྦྱིན་པ་ཅན་ཡིན་ཏེ། དེ་སྦྱིན་པ་བྱིན་ཅིག་ཅེས་སུས་ཀྱང་བསྐུལ་མི་དགོས་ཀྱི། སྐྱེས་མ་ཐག་ཏུ་སྦྱིན་པ་ལ་སེམས་འཇུག་པ་ཡིན་ཏེ། གལ་ཏེ་
D167.059.0203b06.01བདུད་རང་གི་གཟུགས་ཀྱིས་འོངས་ནས་དེ་ལ་འདི་སྐད་དུ་ཁྱོད་སྦྱིན་པ་དེ་བྱིན་པས་ཅི་ཞིག་བྱ། གང་སྦྱིན་པ་སྦྱིན་པར་བྱེད་པ་དེ་ནི་སེམས་ཅན་དམྱལ་བ་རྣམས་སུ་སྐྱེའོ། །ཞེས་ཟེར་ཡང་བྱང་ཆུབ་སེམས་དཔའ་དེ་སེར་སྣ་བྱེད་པའི་གནས་སྐབས་མེད་ཀྱི། དེ་བདོག་པ་ཐམས་ཅད་ཡོངས་སུ་གཏོང་བ་ལ་
D167.059.0203b07.01