完整藏文原文 · 德格版页 当前仅加载第 59 函德格 192b 版页；藏文 NFD、目录标记与异常页序保留在来源切片中，重复版页行以稳定序号区分。
ཤི་སྐྱེད་དོ་སྙམ་དུ་མི་སེམས་ཏེ། རྣམ་པར་འཕྲུལ་པའི་རྒྱལ་པོ་གང་གི་ཚེ་བྱང་ཆུབ་སེམས་དཔའ་དེ་ལྟར་རྟེན་ཅིང་འབྲེལ་པར་འབྱུང་བ་ལ་སོ་སོར་རྟོག་པ་ནི། དེ་ལས་ཆད་པར་ལྟ་བའམ། རྟག་པར་ལྟ་བའི་ལྟ་བ་གཉིས་ལ་གནས་པར་མི་འགྱུར་རོ། །དེ་འདི་སྙམ་དུ་ཆོས་འདི་
D167.059.0192b01.01དག་ཐམས་ཅད་ནི་རྒྱུ་དང་རྐྱེན་ལ་རག་ལས་པའོ་སྙམ་དུ་སེམས་ཤིང་། དེ་རྒྱུ་དང་རྐྱེན་དེ་དག་ཚོལ་ཏེ་བཙལ་ན་ཡང་མི་རྙེད་དོ། །དེ་ནས་རྟེན་ཅིང་འབྲེལ་པར་འབྱུང་བ་ལ་མཉམ་པར་འཇུག་གོ། །ཤེས་པ་ཇི་ལྟ་བུ་ཞིག་འཇུག་ཅེ་ན། རྟེན་ཅིང་འབྲེལ་པར་འབྱུང་བ་དང་སྐྱེ་བ་མེད་
D167.059.0192b02.01པར་མཉམ་པ་སྟེ། སྟོང་པ་ཉིད་གང་དང་མཉམ་པ་རྟེན་ཅིང་འབྲེལ་པར་འབྱུང་བ་ཡང་དེ་དང་མཉམ། མཚན་མ་མེད་པ་གང་དང་མཉམ་པ་རྟེན་ཅིང་འབྲེལ་པར་འབྱུང་བ་ཡང་དེ་དང་མཉམ། སྨོན་པ་མེད་པ་གང་དང་མཉམ་པ་རྟེན་ཅིང་འབྲེལ་པར་འབྱུང་བ་ཡང་དེ་དང་མཉམ་མོ། །
D167.059.0192b03.01མཉམ་པ་དེ་ཉིད་གང་གིས་དེ་བཞིན་གཤེགས་པས་ཆོས་ཐམས་ཅད་མངོན་པར་རྫོགས་པར་སངས་རྒྱས་པ་དེ་རྟེན་ཅིང་འབྲེལ་པར་འབྱུང་བ་དང་མཉམ་མོ། །རྟེན་ཅིང་འབྲེལ་པར་འབྱུང་བ་གང་མཉམ་པ་དེ་ལ་བདག་སྐྱེ་བ་མེད། སེམས་ཅན་སྐྱེ་བ་མེད། སྲོག་སྐྱེ་བ་མེད།
D167.059.0192b04.01གང་ཟག་སྐྱེ་བ་མེད་ལ་ཆོས་གང་ཡང་སྐྱེ་བ་མེད་དེ། དེ་བས་ན་རྟེན་ཅིང་འབྲེལ་པར་འབྱུང་བ་ཞེས་བྱའོ། །རྟེན་ཅིང་འབྲེལ་པར་འབྱུང་བ་ནི་འབྱུང་བ་མེད་པར་བལྟ་བར་བྱ་སྟེ། གང་འབྱུང་བ་མེད་པར་ཤེས་པ་དེ་ནི་རྟེན་ཅིང་འབྲེལ་པར་འབྱུང་བ་ཤེས་པ་ཡིན་མོད་ཀྱི་ཡང་མ་
D167.059.0192b05.01རིག་པ་དང་། རིག་པ་དེ་གཉིས་སུ་མེད་ཅིང་གཉིས་སུ་དབྱེར་མེད་དེ། གང་དེ་ཤེས་པ་དེ་ནི་རྟེན་ཅིང་འབྲེལ་པར་འབྱུང་བ་ཤེས་པའོ། །འདུ་བྱེད་དང་། འདུ་བྱེད་མ་ཡིན་པ་དེ་དག་གཉིས་སུ་མེད་ཅིང་གཉིས་སུ་དབྱེར་མེད་དེ། གང་དེ་ཤེས་པ་དེ་ནི་རྟེན་ཅིང་འབྲེལ་པར་
D167.059.0192b06.01འབྱུང་བ་ཤེས་པའོ། །རྣམ་པར་ཤེས་པ་དང་། རྣམ་པར་ཤེས་པ་མ་ཡིན་པ་དེ་ནི་གཉིས་སུ་མེད་ཅིང་གཉིས་སུ་དབྱེར་མེད་དེ། གང་དེ་ཤེས་པ་དེ་ནི་རྟེན་ཅིང་འབྲེལ་པར་འབྱུང་བ་ཤེས་པའོ། །མིང་དང་གཟུགས་དང་། མིང་དང་གཟུགས་མེད་པ་དེ་ནི་གཉིས་སུ་མེད་ཅིང་
D167.059.0192b07.01