完整藏文原文 · 德格版页 当前仅加载第 59 函德格 206b 版页；藏文 NFD、目录标记与异常页序保留在来源切片中，重复版页行以稳定序号区分。
ལ། དེའི་དེ་དག་ཀྱང་ལྷུན་གྱིས་གྲུབ་ཅིང་བཙལ་མི་དགོས་པ་དང་། རེ་བ་མེད་པར་འགྲུབ་པར་འགྱུར་ཏེ། རྣམ་པར་འཕྲུལ་པའི་རྒྱལ་པོ་དེ་ནི་བྱང་ཆུབ་སེམས་དཔའི་ཆོས་མ་འདྲེས་པ་བཅུ་གཉིས་པའོ། །དེ་རྒྱལ་སྲིད་ཀྱི་དབང་ཕྱུག་ལ་གནས་པ་ན་ཡང་གང་སྔོན་སངས་རྒྱས་མཐོང་བའི་ལྷ་དེ་དག་
D167.059.0206b01.01བྱང་ཆུབ་སེམས་དཔའ་དེའི་དྲུང་དུ་ལྷགས་ནས་དྲན་པར་བྱེད། སྐུལ་མ་འདེབས་ཏེ། དེ་ལ་འདི་སྐད་སྟོན་ཏོ། །འདི་ནི་བྱ་བ་ཡིན། འདི་ནི་བྱ་བ་མ་ཡིན། ལས་འདི་ནི་བྱང་ཆུབ་ཏུ་འགྱུར། འདི་ནི་ཡོངས་སུ་ཉམས་པར་འགྱུར་རོ། །ཁྱོད་དེ་ལྟར་སྤྱོད་ཅིང་དེ་ལྟར་གནས་ན་དབང་པོ་རྣམས་བླ་ན་
D167.059.0206b02.01མེད་པ་ཡང་དག་པར་རྫོགས་པའི་བྱང་ཆུབ་དང་འཐུན་པར་འགྱུར་རོ། །ཞེས་ལྷ་དེ་དག་ཀྱང་དེ་ལ་སྐུལ་ལ། དེ་ཡང་རང་བཞིན་གྱིས་བྱང་ཆུབ་སེམས་དཔའི་ལམ་ལས་མི་གཡོ་སྟེ། རྣམ་པར་འཕྲུལ་པའི་རྒྱལ་པོ་དེ་ནི་བྱང་ཆུབ་སེམས་དཔའི་ཆོས་མ་འདྲེས་པ་བཅུ་གསུམ་པའོ། །ཇི་ཙམ་
D167.059.0206b03.01དུ་ཁྲོས་ཤིང་རབ་ཏུ་སྡང་བ་དང་། ཐ་བ་དང་། ཞེ་སྡང་དང་། གནོད་སེམས་མང་བ། རང་བཞིན་གྱིས་མི་སྲུན་པའི་རིགས་ཅན་གྱི་སེམས་ཅན་རྣམས་ཀྱིས་ཀྱང་བྱང་ཆུབ་སེམས་དཔའ་དེ་ལ་ལུས་དང་། ངག་དང་། ཡིད་ཀྱིས་ཀྱང་གནོད་པར་བྱ་མི་ནུས་ཏེ། ཁྲོས་ཤིང་ཐ་བ་དང་། ཞེ་སྡང་དང་། གནོད་
D167.059.0206b04.01སེམས་མང་བའི་སེམས་ཅན་དེ་དག་ཀྱང་དེ་མཐོང་བ་ཙམ་གྱིས་དད་པར་འགྱུར་རོ། །གང་དག་དེ་ལ་ལོག་པར་བྱེད་པ་དེ་དག་ལ་དེ་ལོག་པར་མི་བྱེད་ཀྱི། སླར་དེ་དག་ཆོས་ལ་སྦྱར་བའི་ཕྱིར་ཡང་དག་པར་དད་པར་བྱེད་དོ། །དེ་ལ་ལོག་པར་བྱེད་པའི་སེམས་ཅན་རྣམས་ངན་འགྲོ་ལོག་པར་ལྟུང་བར་
D167.059.0206b05.01ཡང་མི་འགྲོའོ། །དེ་ཅིའི་ཕྱིར་ཞེ་ན། འདི་ལྟར་སེམས་ཅན་གང་དག་ལུས་སམ། ངག་གམ། ཡིད་ཀྱིས་བདག་ལ་ལོག་པར་བྱེད་པའི་སེམས་ཅན་དེ་དག་གཞི་དེས་ངན་འགྲོར་ལྟུང་བར་མ་གྱུར་ཅིག །ཅེས་བྱང་ཆུབ་སེམས་དཔའ་དེས་ཐོག་མ་ཉིད་དུ་ཚུལ་ཁྲིམས་མ་འདྲེས་པའི་ཆོས་ཡོངས་སུ་དག་
D167.059.0206b06.01པ་ཡོངས་སུ་རྫོགས་པར་བྱས་པའི་ཕྱིར་ཏེ། ཚུལ་ཁྲིམས་དང་ལྡན་པ་དེའི་སེམས་ཀྱིས་སྨོན་ལམ་བཏབ་པ་ཡང་འགྲུབ་པར་འགྱུར་ཏེ། རྣམ་པར་འཕྲུལ་པའི་རྒྱལ་པོ་དེ་ནི་བྱང་ཆུབ་སེམས་དཔའི་སྨོན་ལམ་ལས་བྱུང་བའི་ཆོས་མ་འདྲེས་པ་བཅུ་བཞི་པའོ། །སེམས་ཅན་གང་དག་མ་དད་པར་
D167.059.0206b07.01