完整藏文原文 · 德格版页 当前仅加载第 59 函德格 206a 版页；藏文 NFD、目录标记与异常页序保留在来源切片中，重复版页行以稳定序号区分。
ཤེས་པ་དང་། ཡི་གེ་དང་། ལག་རྩིས་དང་། གྲངས་དང་། རྩིས་རྣམས་མ་ཐོས་ཤིང་སློབ་དཔོན་མེད་པར་ཡང་མངོན་དུ་འགྱུར་ཏེ། དེ་བསྟན་བཅོས་དང་བཟོ་ཐམས་ཅད་ལ་མཁས་ཤིང་། འཇིག་རྟེན་ལས་འདས་པའི་ཆོས་རྣམས་ལ་གཞན་གྱི་དྲིང་ལ་མི་འཇོག་
D167.059.0206a01.01པའི་ཤེས་པ་དང་ལྡན་ལ་གཞན་གྱི་ངོར་ལྟ་བ་མ་ཡིན་གྱི་ལྷ་དང་བཅས་པའི་འཇིག་རྟེན་འདི་ཅི་ཞིག་འཆང་། བདག་ཅག་གིས་མཉན་ཏེ་བསླབ་པོ་སྙམ་ནས་དེ་ཉིད་ཀྱི་ངོར་ལྟ་བར་འགྱུར་ཏེ། རྣམ་པར་འཕྲུལ་པའི་རྒྱལ་པོ་དེ་ནི་བྱང་ཆུབ་སེམས་དཔའི་ཆོས་མ་འདྲེས་པ་བཅུ་པའོ། །གང་གི་
D167.059.0206a02.01ཚེ་སེམས་ཅན་གཞན་དག་དང་། གང་ཟག་གཞན་རྣམས་ལ་འཇིག་རྟེན་པའི་གསོ་བ་སྦྱོར་བ་དེའི་ཚེ་རྙེད་པ་དང་། བཀུར་སྟི་དང་། གྲགས་པ་ལ་མི་རེ་བར་སྦྱོར་ཞིང་། སྙིང་རྗེ་ཆེན་པོ་སྔོན་དུ་འགྲོ་བའི་སེམས་ཀྱིས་འཇིག་རྟེན་ལས་འདས་པའི་ཆོས་ཉིད་རྗེས་སུ་དྲན་ཞིང་། འཇིག་རྟེན་
D167.059.0206a03.01པའི་གསོ་བ་སྦྱོར་བ་ནི་བྱང་ཆུབ་སེམས་དཔའ་ནི་བདག་གིས་ནམ་ཞིག་ན་ཁམས་མི་འཐུན་པའི་ནད་འདི་ལས་སེམས་ཅན་རྣམས་ཐར་བར་བྱ་ཞིག་གུ །ཐར་བར་བྱས་ནས་ཀྱང་ཉོན་མོངས་པའི་ནད་ཤིན་ཏུ་སྤང་ཞིང་། སྡུག་བསྔལ་ཐམས་ཅད་ཉེ་བར་ཞི་བའི་མྱ་ངན་ལས་འདས་པ་ལ་
D167.059.0206a04.01དགོད་པར་བྱའོ། །སྙམ་པ་དེ་ལྟ་བུའི་དྲན་པ་ཐོབ་པར་འགྱུར་ཏེ། རྣམ་པར་འཕྲུལ་པའི་རྒྱལ་པོ་དེ་ནི་བྱང་ཆུབ་སེམས་དཔའི་ཆོས་མ་འདྲེས་པ་བཅུ་གཅིག་པའོ། །དེ་སྨོན་ལམ་མ་བཏབ་ཅིང་། རེ་བ་མེད་པ་ཉིད་དུ་བརྒྱ་བྱིན་ཉིད་དང་། ཚངས་པ་ཉིད་དང་། འཁོར་ལོས་སྒྱུར་བའི་རྒྱལ་སྲིད་
D167.059.0206a05.01ཀྱང་མངོན་པར་འགྲུབ་ཅིང་། བྱང་ཆུབ་སེམས་དཔའ་དེ་བརྒྱ་བྱིན་ཉིད་དང་། ཚངས་པ་ཉིད་དོན་དུ་གཉེར་བ་མ་ཡིན། འཁོར་ལོས་སྒྱུར་བའི་རྒྱལ་སྲིད་ཀྱང་དོན་དུ་གཉེར་བ་མ་ཡིན་མོད་ཀྱི། དེའི་དེ་དག་བསྒྲིམ་མི་དགོས་ཤིང་ལྷུན་གྱིས་གྲུབ་པ་ཉིད་དུ་མངོན་པར་འགྲུབ་པར་འགྱུར་ཞིང་། བྱང་
D167.059.0206a06.01ཆུབ་སེམས་དཔའ་དེ་གཟུགས་འདོད་པའི་ཕྱིར་ཚངས་པར་སྤྱོད་པ་མི་སྤྱོད། ལོངས་སྤྱོད་འདོད་པའི་ཕྱིར་མ་ཡིན། རྒྱལ་སྲིད་འདོད་པའི་ཕྱིར་མ་ཡིན། གཡོག་འཁོར་འདོད་པའི་ཕྱིར་མ་ཡིན། གྲགས་པ་དང་། བརྗོད་པ་དང་། སྒྲ་འདོད་པའི་ཕྱིར་ཚངས་པར་སྤྱད་པ་སྤྱོད་པ་ཡང་མ་ཡིན་
D167.059.0206a07.01