完整藏文原文 · 德格版页 当前仅加载第 59 函德格 199a 版页；藏文 NFD、目录标记与异常页序保留在来源切片中，重复版页行以稳定序号区分。
ཐམས་ཅད་སོ་སོར་སྣང་བ་དང་སྒྲ་ཐམས་ཅད་སོ་སོར་སྣང་བ་དང་། མིང་བསྟན་པ་ཐམས་ཅད་སོ་སོར་སྣང་བའོ། །ཇི་ལྟར་སོ་སོར་སྣང་ཞེ་ན། གསལ་བ་ཉིད་དུ་སོ་སོར་སྣང་། ཆོས་སུ་སོ་སོར་སྣང་། འདུལ་བར་སོ་སོར་སྣང་། ཡང་དག་པར་སོ་སོར་སྣང་ངོ་། །མདོའི་
D167.059.0199a01.01སྒྲ་དབྱངས་ལ་མོས་པ་རྣམས་ལ་མདོའི་སྒྲ་དབྱངས་སོ་སོར་སྣང་ངོ་། །དེ་བཞིན་དུ་དབྱངས་ཀྱིས་བསྙད་པ་དང་། ལུང་བསྟན་པ་དང་། ཚིགས་སུ་བཅད་པ་དང་། ཆེད་དུ་བརྗོད་པ་དང་། གླེང་གཞི་དང་། རྟོགས་པ་བརྗོད་པ་དང་། དེ་ལྟ་བུ་བྱུང་བ་དང་། སྐྱེས་པའི་རབས་དང་། ཤིན་
D167.059.0199a02.01ཏུ་རྒྱས་པ་དང་། རྨད་དུ་བྱུང་བ་དང་། ཆོས་གཏན་ལ་བབ་པར་བསྟན་པ་ལ་མོས་པ་རྣམས་ལ་དེ་བཞིན་དུ་སོ་སོར་སྣང་ངོ་། །སྔོན་གྱི་སྦྱོར་བ་ལ་མོས་པ་རྣམས་ལ་སྔོན་གྱི་སྦྱོར་བ་རྣམས་སོ་སོར་སྣང་ངོ་། །སེམས་ཅན་ཐམས་ཅད་ཀྱི་དབང་པོ་རྣམས་སོ་སོར་སྣང་སྟེ། དད་པ་དང་ལྡན་པ་
D167.059.0199a03.01རྣམས་ལ་དད་པའི་དབང་པོ། བརྩོན་འགྲུས་བརྩམས་པ་རྣམས་ལ་བརྩོན་འགྲུས་ཀྱི་དབང་པོ། དྲན་པ་དང་ལྡན་པ་རྣམས་ལ་དྲན་པའི་དབང་པོ། ཏིང་ངེ་འཛིན་དང་ལྡན་པ་རྣམས་ལ་ཏིང་ངེ་འཛིན་གྱི་དབང་པོ། ཤེས་རབ་ཅན་རྣམས་ལ་ཤེས་རབ་ཀྱི་དབང་པོ་སོ་སོར་སྣང་ངོ་། །
D167.059.0199a04.01འདོད་ཆགས་སྤྱོད་པ་ཉི་ཁྲི་ཆིག་སྟོང་ཡོད་པ་དེ་དག་གི་དབང་པོ་བརྒྱད་ཁྲི་བཞི་སྟོང་དེ་བཞིན་གཤེགས་པའི་ཡེ་ཤེས་ཀྱིས་མཁྱེན་ཏེ། དེ་ལ་དེ་བཞིན་གཤེགས་པ་ལ་ནི་དབང་པོ་ཐམས་ཅད་སོ་སོར་སྣང་ངོ་། །དེའི་རྗེས་སུ་འབྲེལ་པ་ལ་ནི་བྱང་ཆུབ་སེམས་དཔའ་ལ་སོ་སོར་
D167.059.0199a05.01སྣང་ངོ་། །ཞེ་སྡང་སྤྱོད་པ་ཉི་ཁྲི་ཆིག་སྟོང་ཡོད་པ་དེ་དག་གི་དབང་པོ་བརྒྱད་ཁྲི་བཞི་སྟོང་དེ་བཞིན་གཤེགས་པའི་ཡེ་ཤེས་ཀྱིས་མཁྱེན་ཏེ། དེ་ལ་དེ་བཞིན་གཤེགས་པ་ལ་ནི་དབང་པོ་ཐམས་ཅད་སོ་སོར་སྣང་ངོ་། །དེའི་རྗེས་སུ་འབྲེལ་པ་ནི་བྱང་ཆུབ་སེམས་དཔའ་ལ་སོ་སོར་སྣང་ངོ་། །
D167.059.0199a06.01གཏི་མུག་སྤྱོད་པ་ཉི་ཁྲི་ཆིག་སྟོང་ཡོད་པ་དེ་དག་གི་དབང་པོ་བརྒྱད་ཁྲི་བཞི་སྟོང་དེ་བཞིན་གཤེགས་པའི་ཡེ་ཤེས་ཀྱིས་མཁྱེན་ཏེ། དེ་ལ་དེ་བཞིན་གཤེགས་པ་ལ་ནི་དབང་པོ་ཐམས་ཅད་སོ་སོར་སྣང་ངོ་། །དེའི་རྗེས་སུ་འབྲེལ་པ་ནི་བྱང་ཆུབ་སེམས་དཔའ་ལ་སོ་སོར་སྣང་ངོ་། །ཆ་མཉམ་
D167.059.0199a07.01