完整藏文原文 · 德格版页 当前仅加载第 59 函德格 186b 版页；藏文 NFD、目录标记与异常页序保留在来源切片中，重复版页行以稳定序号区分。
ཐེག་པ་ལ་མོས་པ་ཡིན་ན་ཡང་སྤྱོད་པ་དེ་ཁོ་ན་བཞིན་དུ་ཤེས་ཏེ། ཆོས་ཀྱི་དབྱིངས་འབྲིང་དུ་ཡང་མི་བྱེད་དོ། །གལ་ཏེ་འཁོར་ཐེག་པ་ཆེན་པོ་ལ་མོས་པ་ཡིན་ན་ཡང་སྤྱོད་པ་དེ་ཁོ་ན་བཞིན་དུ་ཤེས་ཏེ། ཆོས་ཀྱི་དབྱིངས་མཆོག་ཏུ་ཡང་མི་བྱེད་དོ། །དེ་སེམས་ཅན་ཐམས་ཅད་ཀྱི་
D167.059.0186b01.01སེམས་ཀྱི་ཁམས་ཀྱི་སྤྱོད་པ་ཤེས་པས་ཀྱང་ཆོས་སྟོན་ལ། སེམས་ཀྱི་རང་བཞིན་ལ་རྣམ་པར་རྟོག་པར་ཡང་མི་བྱེད་དོ། །ཐེག་པ་ཐམས་ཅད་རྣམ་པར་འཇོག་པས་ཀྱང་ཆོས་སྟོན་ལ་ཆོས་ཀྱི་དབྱིངས་ཐ་དད་པར་ཡང་མི་བྱེད་དོ། །ཆོས་ཀྱི་དབྱིངས་ཐ་དད་པ་མེད་པས་ཀྱང་
D167.059.0186b02.01སེམས་ཅན་ཐམས་ཅད་ཀྱི་སྤྱོད་པ་རབ་ཏུ་ཤེས་སོ། །དེ་སེམས་ཀྱིས་སེམས་ལ་རྣམ་པར་ལྟ་ལ། སེམས་ཀྱིས་སེམས་ལ་སྤྱོད་པར་ཡང་མི་བྱེད་ཅིང་མི་འཐུན་པར་ཡང་མི་བྱེད་དོ། །སེམས་ཅན་ཐམས་ཅད་ཀྱི་སེམས་ཀྱི་དབྱིངས་དེ་དག་ཀྱང་རབ་ཏུ་ཤེས་ཏེ། ཆོས་ཀྱི་
D167.059.0186b03.01དབྱིངས་གང་ཡིན་པ་དེ་སེམས་ཀྱི་དབྱིངས་ཡིན་པར་རབ་ཏུ་ཤེས་སོ། །རྣམ་པར་འཕྲུལ་པའི་རྒྱལ་པོ་དེ་ལྟར་ན་བྱང་ཆུབ་སེམས་དཔའ་ཕ་རོལ་གྱི་སེམས་ཤེས་པའི་མངོན་པར་ཤེས་པ་ཐོབ་སྟེ། མངོན་པར་ཤེས་པ་དེས་ལྷ་དང་བཅས་པའི་འཇིག་རྟེན་གྱི་ཁམས་མངོན་པར་ཤེས་
D167.059.0186b04.01སོ། །རྣམ་པར་འཕྲུལ་པའི་རྒྱལ་པོ་གཞན་ཡང་བྱང་ཆུབ་སེམས་དཔའ་སྔོན་གྱི་གནས་ཤེས་པ་མངོན་སུམ་དུ་བྱེད་པའི་མངོན་པར་ཤེས་པ་འཐོབ་ཅིང་དེ་བརྗོད་པ་མེད་ལ། དབང་པོ་མཉམ་པར་བཞག་པས་སྔོན་གྱི་གནས་རྗེས་སུ་དྲན་ཏེ། དེ་བདག་དང་གཞན་དག་གི་སྔོན་གྱི་གནས་
D167.059.0186b05.01ལ་བསྐལ་པ་གང་གཱའི་ཀླུང་གི་བྱེ་མ་སྙེད་ནས་བརྩམས་ནས་ཆོས་སྟོན་ཏོ། །ཆེ་གེ་མོ་ཞིག་ན་བདག་མིང་འདི་ཞེས་བྱ་བར་གྱུར་རིགས་ནི་འདི་ཞེས་བྱ། ཚེའི་ཚད་ནི་འདི་ཙམ་ཞིག་ཐུབ། བདེ་བ་དང་། སྡུག་བསྔལ་ནི་འདི་ལྟ་བུ་ཞིག་མྱོང་ཞེས་བྱ་བ་དང་། སེམས་ཅན་
D167.059.0186b06.01གཞན་རྣམས་ཀྱི་ཡང་དེ་བཞིན་དུ་རབ་ཏུ་ཤེས་སོ། །དེ་སེམས་ཅན་རྣམས་སྔོན་གྱི་དགེ་བའི་རྩ་བ་རྒྱུ་ལས་བྱུང་བ་རབ་ཏུ་ཤེས་ཏེ། སེམས་ཅན་འདི་དག་ནི་རྒྱུའི་སྟོབས་ཅན། འདི་དག་ནི་རྐྱེན་གྱི་སྟོབས་ཅན། སེམས་ཅན་འདི་དག་གི་རྒྱུ་ནི་ཉན་ཐོས་ཀྱི་ཐེག་པ། སེམས་
D167.059.0186b07.01