完整藏文原文 · 德格版页 当前仅加载第 59 函德格 205b 版页；藏文 NFD、目录标记与异常页序保留在来源切片中，重复版页行以稳定序号区分。
དང་དེ་བཞིན་གཤེགས་པ་རྣམས་དང་། ལྷ་དང་། ཀླུ་དང་། གནོད་སྦྱིན་དང་། དྲི་ཟ་དང་། མི་དང་མི་མ་ཡིན་པ་རྣམས་མི་སླུ་བ་ཡིན། ཕྲ་མའི་ཚིག་མེད་ཅིང་འཁོར་མི་ཕྱེད་པ་ཡིན། བདག་གི་འཁོར་ལ་རྗེས་སུ་ཆགས་ཤིང་ཚིག་རྩུབ་པོ་མེད་པ་ཡིན། དགའ་བར་སྨྲ་བ་ཡིན། འཇམ་
D167.059.0205b01.01པོར་སྨྲ་བ་ཡིན། ཚིག་མི་བརླང་བ་ཡིན། ཚིག་སྐྱོན་མེད་པ་ཡིན། རིགས་པར་སྨྲ་བ་ཡིན། ཚིག་ཉུང་བ་ཡིན། གསོང་པོར་སྨྲ་བ་ཡིན། བཞིན་འཛུམ་པ་ཡིན་ཏེ། གང་ཚིག་མི་གསལ་བ་དང་། གཏུམ་པ་དང་། བརླང་བ་དང་། རྩུབ་པ་དང་། འཇིགས་པར་བྱེད་པ་དང་། ཕ་རོལ་པོ་མི་
D167.059.0205b02.01དགའ་བར་འགྱུར་བ་དང་། བདག་དང་གཞན་ལ་གནོད་པར་འགྱུར་བའི་ཚིག་དེ་དག་མི་སྨྲ། ཚིག་ཀྱལ་པར་མི་སྨྲ་བ་ཡིན་ཏེ། གང་མེད་པ་ལ་ནི་མེད་ཅེས་སྨྲ། གང་ཡོད་པ་ལ་ནི་ཡོད་ཅེས་སྨྲ་སྟེ། དེ་ཚིག་གང་བསམ་པ་དང་། ལྷག་པའི་བསམ་པ་ཡོངས་སུ་དག་པ་དེས་མ་འདྲེས་པའི་
D167.059.0205b03.01ཆོས་འདི་རབ་ཏུ་འཐོབ་བོ། །ཚིག་སྨྲས་པ་གང་གིས་མ་དད་པ་རྣམས་དད་པར་འགྱུར། དད་པ་རྣམས་ཀྱང་གོང་དུ་མཆོད་པ་བྱེད་པར་འགྱུར་ཞིང་། སྐྱེ་བ་ཐམས་ཅད་དུ་འདི་ལྟ་བུའི་ཆོས་ཀྱི་ཚུལ་སྨྲ་བའི་ཚིག་འཐོབ་པར་འགྱུར། ལྷག་པའི་བསམ་པ་མ་འདྲེས་པ་དེས་ཀྱང་བདེན་པའི་རྗེས་
D167.059.0205b04.01སུ་འཇུག་པའི་ཚིག་འཐོབ་པར་འགྱུར་ཏེ། སྨྲ་བ་གང་སྨྲས་པ། དེ་དེ་བཞིན་དུ་འགྱུར་གྱི་གཞན་དུ་མི་འགྱུར་ཏེ། རྣམ་པར་འཕྲུལ་པའི་རྒྱལ་པོ་དེ་ནི་བྱང་ཆུབ་སེམས་དཔའི་ཆོས་མ་འདྲེས་པ་བརྒྱད་པའོ། །དེ་དག་གི་སེམས་ལ་དབང་དུ་གྱུར་པ་ཡིན་ཏེ། བརྣབ་སེམས་མེད་ཅིང་གནོད་
D167.059.0205b05.01སེམས་ཀྱི་སེམས་མེད་པ་ཡིན། ཡང་དག་པར་ལྟ་བ་ཡིན། བྱང་ཆུབ་ཀྱི་སེམས་མི་མཉམ་པ་དང་མཉམ་པའི་སེམས་དེ་ལས་ནམས་ཀྱང་ཉམས་པར་མི་འགྱུར་ཏེ། དེ་སེམས་ཀྱི་གྱ་གྱུ་ཐམས་ཅད་དང་། སེམས་ཀྱི་གཡོ་ཐམས་ཅད་དང་། སེམས་ཀྱི་དམུ་རྒོད་ཐམས་ཅད་ཡོངས་སུ་དག་
D167.059.0205b06.01ཅིང་། བྱམས་པའི་རྗེས་སུ་འབྲང་བའི་སེམས་ཀྱིས་ཉིན་མཚན་འདས་པར་བྱེད་དེ། རྣམ་པར་འཕྲུལ་པའི་རྒྱལ་པོ་དེ་ནི་བྱང་ཆུབ་སེམས་དཔའི་ཆོས་མ་འདྲེས་པ་དགུ་པའོ། །དེ་སྐྱེས་མ་ཐག་ཏུ་བསྟན་བཅོས་དང་། གསང་སྔགས་དང་། རིག་སྔགས་དང་། སྨན་དང་། རྩིས་
D167.059.0205b07.01