完整藏文原文 · 德格版页 当前仅加载第 59 函德格 200a 版页；藏文 NFD、目录标记与异常页序保留在来源切片中，重复版页行以稳定序号区分。
ལགས། རྣམ་པར་འཕྲུལ་པའི་རྒྱལ་པོ་ལྷག་པའི་བསམ་པའི་རྩ་བ་ནི་སྒྱུ་མེད་པ་ཡིན། གཞི་ནི་སྒྱུ་མེད་པ་ཡིན། ཡང་དག་པར་འདུ་བ་ཡང་སྒྱུ་མེད་པ་ཡིན་ནོ། །སྒྱུ་མ་མཆིས་པའི་རྩ་བ་གང་ལགས། གཞི་གང་ལགས། ཡང་དག་པར་འདུ་བ་གང་ལགས། རྣམ་པར་
D167.059.0200a01.01འཕྲུལ་པའི་རྒྱལ་པོ་སྒྱུ་མེད་པའི་རྩ་བ་ནི་སྙིང་རྗེ་ཆེན་པོ་ཡིན། གཞི་ནི་སྙིང་རྗེ་ཆེན་པོ་ཡིན། ཡང་དག་པར་འདུ་བ་ཡང་སྙིང་རྗེ་ཆེན་པོ་ཡིན་ནོ། །སྙིང་རྗེ་ཆེན་པོའི་རྩ་བ་ནི་གང་ལགས། གཞི་ནི་གང་ལགས། ཡང་དག་པར་འདུ་བ་གང་ལགས། རྣམ་པར་འཕྲུལ་པའི་རྒྱལ་པོ་སྙིང་རྗེ་ཆེན་པོའི་
D167.059.0200a02.01རྩ་བ་ནི་སེམས་ཅན་ཐམས་ཅད་ཡིན། གཞི་ནི་སེམས་ཅན་ཐམས་ཅད་ཡིན། ཡང་དག་པར་འདུ་བ་ཡང་སེམས་ཅན་ཐམས་ཅད་ཡིན་ནོ། །དེ་ཅིའི་ཕྱིར་ཞེ་ན། རྣམ་པར་འཕྲུལ་པའི་རྒྱལ་པོ་སེམས་ཅན་ཐམས་ཅད་རབ་ཏུ་དགྲོལ་བའི་ཕྱིར། བྱང་ཆུབ་སེམས་དཔའི་སྙིང་རྗེ་ཆེན་པོ་ལས་
D167.059.0200a03.01ཐམས་ཅད་མཁྱེན་པ་ཉིད་ཀྱི་སེམས་སྐྱེ་བའི་ཕྱིར་ཏེ། རྣམ་པར་འཕྲུལ་པའི་རྒྱལ་པོ་འདི་ཡང་བྱང་ཆུབ་སེམས་དཔའི་ཤེས་རབ་ཀྱི་རྣམ་པར་འཕྲུལ་པའོ། །རྣམ་པར་འཕྲུལ་པའི་རྒྱལ་པོ་གཞན་ཡང་བྱང་ཆུབ་སེམས་དཔའི་ཤེས་རབ་ཀྱི་རྣམ་པར་འཕྲུལ་པ་ནི་གང་ཆོས་ཀྱི་སྒོ་གཅིག་ལས་བརྩམས་
D167.059.0200a04.01ནས་བསྐལ་པའམ། བསྐལ་པ་ལས་ལྷག་པར་བཤད་པ་གཞན་དང་། གཞན་དག་གིས་འཆད་ཅིང་འདུག་པ་ན་ཆོས་གང་ཡང་ཆོས་ཉིད་དང་འགལ་བར་མི་བྱེད་དེ། དེ་འདོད་ན་ལུས་མི་སྣང་བས་སེམས་ཅན་རྣམས་ལ་ཆོས་སྟོན། སྤུའི་ཁུང་བུ་ཐམས་ཅད་ནས་ཀྱང་ཆོས་སྟོན་པ་འབྱིན།
D167.059.0200a05.01སེམས་ཅན་གྱི་བསམ་པ་དང་སྦྱོར་བ་ཇི་ལྟ་བ་བཞིན་དུ་དེ་ཆོས་སྟོན་པ་སྤོབས་པར་བྱེད། དེ་ཡིད་ཀྱི་ཚུལ་སྟོན་པས་ཀྱང་སེམས་ཅན་རྣམས་ལ་ཆོས་སྟོན་ཏེ། ཕས་ཀྱི་རྒོལ་བ་ཐམས་ཅད་ཀྱིས་མི་ཐུབ་པ་ཡིན་ནོ། །ཕྱི་རོལ་གྱི་མངོན་པར་ཤེས་པ་ལྔ་དང་ལྡན་པ་རྣམས་ཀྱི་བསྟན་བཅོས་སམ།
D167.059.0200a06.01ཉི་མ་དང་། ཟླ་བ་དང་། གཟའ་དང་། སྐར་མ་ཤེས་པའམ། རྨི་ལམ་དང་མཚན་མ་ཤེས་པའམ། རིག་བྱེད་དམ། སྔགས་སམ། རིག་སྔགས་སམ། སྒྲའམ། མངོན་པར་ཤེས་པ་ལ་འཇུག་པའམ། ས་གཡོ་བའམ། འགྲོ་ལྡིང་བའི་སྔགས་ཀྱི་སྦྱོར་བའམ། བྱ་རོག་
D167.059.0200a07.01