完整藏文原文 · 德格版页 当前仅加载第 59 函德格 199b 版页；藏文 NFD、目录标记与异常页序保留在来源切片中，重复版页行以稳定序号区分。
པ་ལ་སྤྱོད་པ་ཉི་ཁྲི་ཆིག་སྟོང་ཡོད་པ་དེ་དག་གི་དབང་པོ་བརྒྱད་ཁྲི་བཞི་སྟོང་དེ་བཞིན་གཤེགས་པའི་ཡེ་ཤེས་ཀྱིས་མཁྱེན་ཏེ། དེ་ལ་དེ་བཞིན་གཤེགས་པ་ལ་ནི་དབང་པོ་ཐམས་ཅད་སོ་སོར་སྣང་ངོ་། །དེའི་རྗེས་སུ་འབྲེལ་པ་ནི་བྱང་ཆུབ་སེམས་དཔའ་ལ་སོ་སོར་སྣང་སྟེ། དེ་ནི་
D167.059.0199b01.01སྤོབས་པ་སོ་སོ་ཡང་དག་པར་རིག་པ་ཞེས་བྱའོ། །རྣམ་པར་འཕྲུལ་པའི་རྒྱལ་པོ་དེ་ལ་དོན་སོ་སོ་ཡང་དག་པར་རིག་པ་གང་ཡིན་པ་དང་། ཆོས་སོ་སོ་ཡང་དག་པར་རིག་པ་གང་ཡིན་པ་དང་། ངེས་པའི་ཚིག་སོ་སོ་ཡང་དག་པར་རིག་པ་གང་ཡིན་པ་དང་། སྤོབས་པ་སོ་སོ་ཡང་
D167.059.0199b02.01དག་པར་རིག་པ་གང་ཡིན་པ་དང་། བྱང་ཆུབ་སེམས་དཔའི་སོ་སོ་ཡང་དག་པར་རིག་པ་དེ་དག་ཐམས་ཅད་ཀྱི་རྩ་བ་ནི་ཤེས་རབ་ཡིན། གཞི་ཤེས་རབ་ཡིན། ཤེས་རབ་ཏུ་ཡང་དག་པར་འདུ་བ་ཡིན་ཏེ། བྱང་ཆུབ་སེམས་དཔའ་ཤེས་རབ་ཅན་ནི་རྣམ་པར་འཕྲུལ་པ་འདི་དག་དང་།
D167.059.0199b03.01གཞན་དག་ཀྱང་རྣམ་པར་བྱེད་དོ། །བཅོམ་ལྡན་འདས་ཤེས་རབ་ཀྱི་རྩ་བ་གང་ལགས། གཞི་གང་ལགས། ཡང་དག་པར་འདུ་བ་གང་ལགས། རྣམ་པར་འཕྲུལ་པའི་རྒྱལ་པོ་ཤེས་རབ་ཀྱི་རྩ་བ་ཐོས་པ། གཞི་ཐོས་པ། ཐོས་པར་ཡང་དག་པར་འདུ་བའོ། །ཐོས་པའི་རྩ་བ་
D167.059.0199b04.01གང་ལགས། གཞི་གང་ལགས། ཡང་དག་པར་འདུ་བ་གང་ལགས། རྣམ་པར་འཕྲུལ་པའི་རྒྱལ་པོ་ཐོས་པའི་རྩ་བ་ནི་དགེ་བའི་བཤེས་གཉེན་ཡིན། གཞི་ནི་དགེ་བའི་བཤེས་གཉེན་ཡིན། ཡང་དག་པར་འདུ་བ་དགེ་བའི་བཤེས་གཉེན་ཡིན་ནོ། །དགེ་བའི་བཤེས་
D167.059.0199b05.01གཉེན་གྱི་རྩ་བ་གང་ལགས། གཞི་གང་ལགས། ཡང་དག་པར་འདུ་བ་གང་ལགས། རྣམ་པར་འཕྲུལ་པའི་རྒྱལ་པོ་དགེ་བའི་བཤེས་གཉེན་གྱི་རྩ་བ་ནི་གུས་པ་ཡིན། གཞི་ནི་གུས་པ་ཡིན། ཡང་དག་པར་འདུ་བ་ཡང་གུས་པ་ཡིན་ནོ། །གུས་པའི་རྩ་བ་གང་ལགས། ཡང་དག་
D167.059.0199b06.01པར་འདུ་བ་གང་ལགས། རྣམ་པར་འཕྲུལ་པའི་རྒྱལ་པོ་གུས་པའི་རྩ་བ་ནི་ལྷག་པའི་བསམ་པ་ཡིན། གཞི་ནི་ལྷག་པའི་བསམ་པ་ཡིན། ཡང་དག་པར་འདུ་བ་ཡང་ལྷག་པའི་བསམ་པ་ཡིན་ནོ། །ལྷག་པའི་བསམ་པའི་རྩ་བ་གང་ལགས། ཡང་དག་པར་འདུ་བ་གང་
D167.059.0199b07.01