完整藏文原文 · 德格版页 当前仅加载第 59 函德格 183a 版页；藏文 NFD、目录标记与异常页序保留在来源切片中，重复版页行以稳定序号区分。
རྒྱས་བཅོམ་ལྡན་འདས་དེ་དག་གི་ཉན་ཐོས་གང་དག་མཐོང་བ་དེ་དག་ཀྱང་སངས་རྒྱས་མཐོང་བ་རྣམ་པར་དག་པ་ལས་གཞན་མ་ཡིན་པར་རབ་ཏུ་ཤེས་སོ། །དེ་ཉན་ཐོས་མཐོང་བས་སངས་རྒྱས་མཐོང་ལ། སངས་རྒྱས་མཐོང་བས་ཀྱང་ཉན་ཐོས་མཐོང་སྟེ། ཡང་
D167.059.0183a01.01དག་པར་མཐོང་བས་མཉམ་པར་མཐོང་ངོ་། །འཇིག་རྟེན་གྱི་ཁམས་མཐའ་ཡས་མུ་མེད་པ་དག་ན་འཁོད་པའི་སེམས་ཅན་གང་དག་སེམས་ཅན་དུ་བསྡུ་བས་བསྡུས་པའི་སེམས་ཅན་དམྱལ་བའམ། དུད་འགྲོའམ། {ཡི་དགས་,ཡི་དྭགས་}སམ། ལྷ་མ་ཡིན་ནམ། ལྷའམ། མི་ཡང་རུང་སྟེ།
D167.059.0183a02.01གཟུགས་མེད་པ་ན་སྤྱོད་པ་མ་གཏོགས་པར་དེ་དག་ཐམས་ཅད་ཀྱི་འཆི་འཕོ་དང་། སྐྱེ་བ་དང་། ཁ་དོག་བཟང་པོ་དང་། ཁ་དོག་ངན་པ་དང་། བདེ་འགྲོ་དང་། ངན་འགྲོ་དང་། ངན་པ་དང་། བཟང་པོ་རྣམས་མཐོང་ཞིང་སེམས་ཅན་དེ་དག་གི་སྣང་བ་ཙམ་དུ་རབ་ཏུ་ཤེས་སོ། །
D167.059.0183a03.01གཟུགས་སུ་སྣང་བ་དེ་དག་ཐམས་ཅད་ཀྱང་ལས་ཀྱི་རྣམ་པར་སྨིན་པར་ཐམས་ཅད་ཀྱང་རབ་ཏུ་ཤེས་ཤིང་ཁོང་དུ་ཆུད་དོ། །དེ་སེམས་ཅན་རྣམས་མཐོང་ཞིང་ལས་ཀྱི་རྣམ་པར་སྨིན་པ་རབ་ཏུ་ཤེས་ཀྱང་བདག་མེད་པའི་མཐའ་ཚད་མར་བྱས་ནས་སེམས་ཅན་རྣམས་ལ་སེམས་ཅན་གྱི་འདུ་
D167.059.0183a04.01ཤེས་སུ་མི་འགྱུར་རོ། །དེ་ལྷའི་མིག་དེས་གཟུགས་སུ་གཏོགས་པ་ཐམས་ཅད་མཐོང་སྟེ། དངོས་པོ་མེད་པ་ཉིད་ཀྱི་ཕྱིར་གཟུགས་སུ་སྣང་བ་དེ་དག་ཐམས་ཅད་ཀྱང་སྣང་བ་ཙམ་དུ་རབ་ཏུ་ཤེས་སོ། །གཟུགས་སུ་སྣང་བ་དེ་དག་ཐམས་ཅད་ཀྱང་སྔོན་གྱི་མཐའ་སྐྱེ་བ་མེད་པའི་ཕྱིར་
D167.059.0183a05.01ཡང་དག་པ་མ་ཡིན་པར་རབ་ཏུ་ཤེས་ལ། ལྷའི་མིག་སྒྲིབ་པ་མེད་པ་དེ་མངོན་པར་སྒྲུབ་པ་མ་ཡིན་ནོ། །དེ་ཤེས་རབ་ཀྱི་སྟོབས་དང་ལྡན་པས་འདོད་ན་གཟུགས་ཉེ་བར་འཁོར་དུ་གྱུར་པ་དང་མཚུངས་པར་ཡང་མཐོང་བར་འགྱུར། འདོད་ན་མི་མཐོང་བར་ཡང་འགྱུར། དེ་འདོད་ན་གཟུགས་
D167.059.0183a06.01ཅུང་ཟད་ཀྱང་ཡོང་ཡེ་མིག་སྔར་སྣང་བར་མི་འགྱུར་རོ། །དེ་སྲོག་ཆགས་འབུམ་ཕྲག་དུ་མའི་ནང་ན་འདུག་ཀྱང་བསམ་གཏན་དང་། རྣམ་པར་ཐར་པ་དང་། ཏིང་ངེ་འཛིན་དང་། སྙོམས་པར་འཇུག་པ་རྣམས་ཀྱིས་གནས་ཏེ། སེམས་ཅན་གང་ཡང་དེའི་མིག་ལམ་དུ་སྣང་བར་མི་འགྱུར་
D167.059.0183a07.01