完整藏文原文 · 德格版页 当前仅加载第 59 函德格 190a 版页；藏文 NFD、目录标记与异常页序保留在来源切片中，重复版页行以稳定序号区分。
ཆབ་ཀྱི་ཆར་འབབ་པར་སྣང་ངོ་། །སེམས་ཅན་ཐམས་ཅད་ཀྱི་མདུན་ན་ཡང་བདག་གི་ལུས་ཉེ་བར་སྟོན་ཏེ། བརྒྱ་བྱིན་དུ་སྟོན་པའམ། ཚངས་པར་སྟོན་པའམ། ཉན་ཐོས་སུ་སྟོན་པའམ། རང་སངས་རྒྱས་སུ་སྟོན་པའམ། སངས་རྒྱས་སུ་སྟོན་པ་ཇི་
D167.059.0190a01.01ལྟར་མོས་པའི་གཟུགས་སུ་སྟོན་ཏོ། །རྣམ་པར་འཕྲུལ་པའི་རྒྱལ་པོ་དེ་ནི་བྱང་ཆུབ་སེམས་དཔའ་རྣམས་ཀྱི་མངོན་པར་ཤེས་པའི་རྣམ་པར་འཕྲུལ་པ་སྟེ། འདི་ལྟ་སྟེ། ལྷའི་མིག་གཟུགས་ལྟ་བ་ལ་ཐོགས་པ་མེད་པ་དང་། ལྷའི་རྣ་བས་ཉན་པ་ལ་སྒྲིབ་པ་མེད་པ་དང་།
D167.059.0190a02.01སེམས་ཅན་ཐམས་ཅད་ཀྱི་སེམས་ཀྱི་སྤྱོད་པ་ཤེས་པ་ལ་ཐོགས་པ་མེད་པའི་ཤེས་པ་ཉིད་དང་། བསྐལ་པ་གྲངས་མེད་པ་རྗེས་སུ་དྲན་ཞིང་བསྐལ་པ་གྲངས་མེད་པར་གནས་པ་ལ་ཐོགས་པ་མེད་པ། སྒྲིབ་པ་མེད་པ་དང་། ཐམས་ཅད་ཉེ་བར་སྟོན་ཅིང་། ལེན་པ་མེད་པ་དང་།
D167.059.0190a03.01དོར་བ་མེད་པར་བྱེད་པ་འདི་ནི་མངོན་པར་ཤེས་པའི་རྣམ་པར་འཕྲུལ་པ་ཞེས་བྱ་སྟེ། རྣམ་པར་འཕྲུལ་པའི་རྒྱལ་པོ་སངས་རྒྱས་ཐམས་ཅད་བསྟན་པར་བྱ་བའི་ཕྱིར་མངོན་པར་ཤེས་པ་གང་ཡིན་པ་དང་། སེམས་ཅན་ཐམས་ཅད་མཆོག་མ་ཡིན་པ་ཤེས་པའི་མངོན་པར་ཤེས་པ་གང་
D167.059.0190a04.01ཡིན་པ་དང་། ཉན་ཐོས་ཀྱི་ཐེག་པས་འདུལ་བའི་མངོན་པར་ཤེས་པ་གང་ཡིན་པ་དང་། རང་སངས་རྒྱས་ཀྱི་ཐེག་པས་འདུལ་བའི་མངོན་པར་ཤེས་པ་གང་ཡིན་པ་དང་། ཐེག་པ་ཆེན་པོས་འདུལ་བའི་མངོན་པར་ཤེས་པ་གང་ཡིན་པ་དང་། འཆི་འཕོ་བ་དང་སྐྱེ་བ་དག་
D167.059.0190a05.01ཤེས་པའི་མངོན་པར་ཤེས་པ་གང་ཡིན་པ་དང་། སེམས་ཅན་ཡོངས་སུ་སྨིན་པར་བྱ་བ་ཤེས་པའི་མངོན་པར་ཤེས་པ་གང་ཡིན་པ་དང་། མངོན་པར་འབྱུང་བ་ཡང་དག་པར་ཤེས་པ་སྤྱོད་པ་དག་མངོན་པར་ཤེས་པ་གང་ཡིན་པ་དང་། ཐབས་མཁས་པ་མངོན་པར་ཤེས་པ་གང་
D167.059.0190a06.01ཡིན་པ་དང་། སྦྱིན་པ་ཡོངས་སུ་བསྔོ་བའི་མངོན་པར་ཤེས་པ་གང་ཡིན་པ་དང་། ཚུལ་ཁྲིམས་དང་། བཟོད་པ་དང་། བརྩོན་འགྲུས་དང་། བསམ་གཏན་དང་། ཤེས་རབ་ཡོངས་སུ་བསྔོ་བ་དང་། བདུད་ཚར་གཅོད་པ་དང་། དགེ་བའི་རྩ་བ་ལ་སྦྱོར་བ་མངོན་
D167.059.0190a07.01