完整藏文原文 · 德格版页 当前仅加载第 66 函德格 104b 版页；藏文 NFD、目录标记与异常页序保留在来源切片中，重复版页行以稳定序号区分。
དེ་གང་གི་ཚེ་ཁྱིམ་གྱི་གཞི་དང་། ཞིང་གི་གཞི་དང་། ཀུན་དགའ་ར་བའི་གཞི་དང་། བྲན་དང་། བྲན་མོ་དང་། གླང་པོ་ཆེ་དང་། རྟ་དང་། རྔ་མོ་དང་། བོང་བུ་དང་། ལུག་དག་གང་ཟག་གིར་སྲེལ་བར་བྱེད་ན་དེ་ནི་དེའི་ཚུལ་ཁྲིམས་འཆལ་བའི་མགོ་བྱུང་བ་ཡིན་ཏེ། ཚུལ་
D257.066.0104b01.01ཁྲིམས་འཆལ་པའི་མགོ་དེས་ནི་སྡིག་པ་ཅན་གྱི་དགེ་སློང་དེ་དགེ་སློང་གི་དགེ་འདུན་གྱི་ནང་ནས་དོར་བ་ཡིན། གནས་པར་བྱ་བ་མ་ཡིན། ལོངས་སྤྱོད་པར་བྱ་བ་མ་ཡིན། དགེ་སློང་གི་དངོས་པོ་ལས་ལྷུང་བ་ཡིན། ཕམ་པར་གྱུར་པ་ཡིན་ཏེ། དགེ་སློང་གི་ཚུལ་ལས་ཀྱང་ཕྱིས་
D257.066.0104b02.01བསླང་དུ་མེད་པར་འགྱུར་བ་ཡིན་ནོ། །རྒྱལ་པོ་ཆེན་པོ་མི་གདོལ་པ་གནས་ན་གནས་པར་བྱེད་པ་ནི་སླའི། དགེ་སློང་གདོལ་པ་ཡོངས་སུ་འཛིན་པ་དང་བཅས་པ། རྒྱུད་ཚིག་པ། དོན་ལ་མི་ལྟ་པ། འཇིག་རྟེན་ཕ་རོལ་བཏང་བ། སྙིང་རྗེའི་བསམ་པ་མེད་པ། ཕྱི་ས་ཁུང་
D257.066.0104b03.01ཆེན་པོ་དང་འདྲ་བ། བདུད་ཀྱི་ལམ་དུ་ཞུགས་པ། ལྷ་དང་མི་རྣམས་ལ་གནོད་པ་བྱེད་པ། དུས་གསུམ་ཐམས་ཅད་ཀྱི་དྲང་སྲོང་ཐུབ་པ་རྣམས་ལ་སླུ་བར་བྱེད་པ། དཀོན་མཆོག་གསུམ་གྱི་གདུང་ཆོས་ཀྱི་མར་མེ་མེད་པར་བྱེད་པ། ཆོས་ཀྱི་རྒྱ་མཚོ་སྐེམས་པར་བྱེད་པ། ཆོས་
D257.066.0104b04.01སྨྲ་བའི་དབྱེན་བྱེད་པ། སྦྱིན་པ་པོ་དང་སྦྱིན་བདག་རྣམས་ལ་འདྲིད་པར་བྱེད་པ། དགེ་སློང་ཆོས་ཀྱིས་གནས་པ་རྣམས་ལ་ཐོ་འཚམ་པར་བྱེད་པ། དགེ་འདུན་འཐུན་པར་བྱེད་པའི་རྒྱུན་གཅོད་པར་བྱེད་པ་ནི་དེ་ལྟ་མ་ཡིན་ནོ། །སྡིག་པ་ཅན་གྱི་དགེ་སློང་དེ་ནི་ཡོངས་སུ་འཛིན་པའི་རྐྱེན་
D257.066.0104b05.01གྱིས་མཐོ་རིས་ཀྱི་ལམ་ལས་རྒྱལ་པོ་ལྡོག་པར་བྱེད་པ་ཡིན་ནོ། །རྒྱལ་རིགས་དང་། བྲམ་ཟེ་དང་། རྗེའུ་རིགས་དང་། དམངས་རིགས་དང་། སྐྱེས་པ་དང་། བུད་མེད་དང་། ཁྱེའུ་དང་། བུ་མོ་ལྡོག་པར་བྱེད་པ་ཡིན་ནོ། །ངན་སོང་གི་ལམ་གསུམ་ལ་རབ་ཏུ་གཞོག་
D257.066.0104b06.01པར་བྱེད་པ་ཡིན་ནོ། །རྒྱལ་པོ་ཆེན་པོ་སྡིག་པ་ཅན་གྱི་དགེ་སློང་དེ་ཡོངས་སུ་འཛིན་པའི་རྒྱུ་མཚན་གྱིས་ལྷ་དང་། མི་ཇི་སྙེད་ཅིག་མི་སྐྱིད་པར་བྱེད་པར་འགྱུར་བ་ལ་ལྟོས། རྒྱལ་པོ་ཆེན་པོ་དེ་ལྟ་བས་ན་ཡོངས་སུ་འཛིན་པ་དང་བཅས་པའི་དགེ་སློང་དང་། དགེ་སློང་ཆོས་ཀྱིས་
D257.066.0104b07.01