完整藏文原文 · 德格版页 当前仅加载第 66 函德格 169a 版页；藏文 NFD、目录标记与异常页序保留在来源切片中，重复版页行以稳定序号区分。
ཡང་དང་ཡང་དུ་ངན་སོང་གི་སྡུག་བསྔལ་རྣམས་ཀྱིས་གཟིར་བ་དག་ཡིན་ཏེ། འདི་ནི་འདོད་པ་ན་སྤྱོད་པའི་ལྷ་རྣམས་ལ་མངོན་པར་མི་དགའ་བའི་འདུ་ཤེས་ལྔ་པ་ཡིན་ནོ། །འདི་ནི་རྣམ་པ་ལྔ་པ་ཡིན་ཏེ། མཁས་པས་འདོད་པའི་ཁམས་འདི་ཐམས་ཅད་ལ་མངོན་པར་མི་
D257.066.0169a01.01དགའ་བའི་འདུ་ཤེས་བསྐྱེད་པར་བྱའོ། །ཀཽ་ཌི་ནྱ་དེ་ལ་མཁས་པས་ཇི་ལྟར་གཟུགས་ན་སྤྱོད་པའི་ལྷ་རྣམས་ལ་མངོན་པར་མི་དགའ་བའི་འདུ་ཤེས་བསྐྱེད་པར་བྱ་ཞེ་ན། སེམས་ཅན་གང་དག་གཟུགས་ན་སྤྱོད་པ་བཅུ་དྲུག་ཡོད་པ་དེ་དག་ཀྱང་ལྷའི་རིས་རྣམས་ཀྱི་ནང་ན་འཇིག་རྟེན་པའི་བསམ་
D257.066.0169a02.01གཏན་དག་སྒོམ་པར་བྱེད་དེ། དེ་དག་ཐམས་ཅད་ཟག་པ་དང་བཅས་པའི་སྡུག་བསྔལ་རྣམས་ཀྱིས་ཡོངས་སུ་མ་གྲོལ་བ་ཡིན། སྡུག་བསྔལ་མང་པོས་གཟིར་བ་ཡིན། ལྷག་མ་དང་བཅས་པའི་འགྲོ་བ་ཉིད་ཀྱི་སྡུག་བསྔལ་རྣམས་ཀྱིས་གཟིར་བ་ཡིན། ཕ་རོལ་ལ་མི་ལྟ་བ་རྣམས་ཡིན།
D257.066.0169a03.01ངེས་པར་འབྱུང་བར་མི་ལྟ་བ་རྣམས་ཡིན། ངན་སོང་གི་སྡུག་བསྔལ་རྣམས་ལས་ཡོངས་སུ་མ་གྲོལ་བ་ཡིན་ཏེ། སྡུག་བསྔལ་དེ་དག་གིས་གཟིར་བ་ཡིན་ན་མཁས་པ་སུ་ཞིག་དེ་དག་ལ་དགའ་བར་སེམས་ཤིང་འདོད་པ་སྐྱེད་པར་བྱེད། མཁས་པས་དེ་ལྟར་གཟུགས་ཀྱི་ཁམས་དེ་ལ་མངོན་
D257.066.0169a04.01པར་མི་དགའ་བའི་འདུ་ཤེས་བསྐྱེད་པར་བྱའོ། །གཞན་ཡང་གཟུགས་ཀྱི་ཁམས་དེ་ན་སེམས་ཅན་གང་དག་ཟག་པ་མེད་པའི་བསམ་གཏན་དང་ཡང་དག་པར་ལྡན་ཞིང་ཡོངས་སུ་གྲོལ་བ་མ་ཡིན་པར་གནས་པ་འཕགས་པའི་ལམ་གྱི་ཚེ་སྡུག་བསྔལ་རྣམས་ཀྱིས་གཟིར་བ་ཡིན་ཞིང་། དེ་ཡོངས་
D257.066.0169a05.01སུ་རྫོགས་པ་ཀུན་ཏུ་ཚོལ་བའི་སྡུག་བསྔལ་རྣམས་ཀྱིས་གཟིར་བ་ཡིན། ས་མ་ལུས་པ་ཐམས་ཅད་ཀྱི་ཏིང་ངེ་འཛིན་ལ་དབང་མི་བྱེད་པའི་སྡུག་བསྔལ་རྣམས་ཀྱིས་གཟིར་བ་དག་ཡིན་ཏེ། དེ་དག་རང་རྒྱལ་བ་དང་ཐུན་མོང་བའི་ཏིང་ངེ་འཛིན་ལ་དབང་སྒྱུར་བ་མེད་པ་ཉིད་ཀྱི་སྡུག་བསྔལ་
D257.066.0169a06.01རྣམས་ཀྱིས་གཟིར་བ་ཡིན་ནོ། །དེ་དག་དེ་བཞིན་གཤེགས་པའི་སྤྱོད་ཡུལ་ལ་དབང་སྒྱུར་བ་མེད་པ་ཉིད་ཀྱི་སྡུག་བསྔལ་རྣམས་ཀྱིས་གཟིར་བ་ཡིན་ནོ། །དེ་ན་གང་དག་མགོ་མཉམ་དུ་ཡོངས་སུ་མྱ་ངན་ལས་འདས་པར་བྱེད་པ་དེ་དག་ཐམས་ཅད་སྡུག་བསྔལ་དེ་རྣམས་ཀྱིས་གཟིར་བ་ཡིན་
D257.066.0169a07.01