完整藏文原文 · 德格版页 当前仅加载第 66 函德格 108b 版页；藏文 NFD、目录标记与异常页序保留在来源切片中，重复版页行以稳定序号区分。
པ་དང་། ཀླུ་རྣམ་པར་འཇིག་པར་མཛད་པའི་འོད་ཟེར་གྱི་ལེའུ་དང་། སེམས་ཅན་རྣམས་ཀྱི་ལས་ཟད་པར་འགྱུར་བའི་གཟུངས་སྔགས་ཉན་པར་ཡང་བྱེད་དོ། །རིགས་ཀྱི་བུ་ཁྱོད་ཀྱང་ད་ལྟར་ཏིང་ངེ་འཛིན་ལས་ལངས་པས་རིགས་ཀྱི་བུ་ཁྱོད་ད་མི་མཇེད་ཀྱི་འཇིག་རྟེན་གྱི་ཁམས་སུ་
D257.066.0108b01.01འགྲོ་བར་བྱའོ། །རིགས་ཀྱི་བུ་སངས་རྒྱས་ཀྱི་ཞིང་མི་མཇེད་དེ་ན་ནི་སེམས་ཅན་རྣམས་ཤིན་ཏུ་སྲེད་པའི་ཀུན་ཏུ་སྦྱོར་བ་དང་ལྡན་ཞིང་སྲིད་པའི་ལྟུང་ལ་བཏགས་པ་དག་ཡིན་ཏེ། སངས་རྒྱས་ཀྱི་ཞིང་དེ་ན་ནང་ན་ཡང་བུད་མེད་གཟུགས་མི་སྡུག་པ་དང་། ཚུལ་དུ་མི་ཤིས་པ་དང་། མཆོག་
D257.066.0108b02.01ཏུ་གཟུགས་ཀྱི་རྒྱགས་པས་དྲེགས་པ་དང་། དྲི་ང་བ་དང་། མི་གཙང་བ་དང་། གཙང་སྦྲར་སྤྱོད་པའི་རྒྱགས་པས་དྲེགས་པ་དང་། ངོ་གཉིས་བྱེད་པ་དང་། བདེན་པ་མ་ཡིན་པའི་ཚིག་སྨྲ་བ་དང་། ཚངས་པར་སྤྱོད་པར་ང་རྒྱལ་བྱེད་པ་དང་། བླུན་པ་དང་། མཁས་པར་ང་རྒྱལ་
D257.066.0108b03.01ཅན་དང་། སེར་སྣ་ཅན་དང་། གཏོང་བར་ང་རྒྱལ་ཅན་དང་། མ་དད་པ་དང་། དད་པར་ང་རྒྱལ་ཅན་དང་། གཡོ་སྒྱུ་ཅན་དང་། སྒྱུ་བྱེད་པ་དང་། དྲང་པོའོ་སྙམ་པའི་ང་རྒྱལ་ཅན་དང་། ཕྲག་དོག་ཅན་དང་། ཕྲག་དོག་མེད་པའོ་སྙམ་པའི་ང་རྒྱལ་ཅན་དང་། གནོད་སེམས་དང་
D257.066.0108b04.01ལྡན་པའི་སེམས་དང་། བྱམས་པར་ང་རྒྱལ་ཅན་དང་། རྣམ་པར་དབྱེན་བྱེད་པ་དང་། འཐུན་པར་ང་རྒྱལ་ཅན་དང་། ལོག་པར་ལྟ་བ་པ་དང་། ཡང་དག་པར་ལྟ་བའི་ང་རྒྱལ་ཅན་ཡིན་ཏེ། སྐྱེས་བུ་དམ་པ་མཁས་པ་ཆེན་པོ་རྫུ་འཕྲུལ་དང་ལྡན་པ་མངོན་པར་ཤེས་པས་རྣམ་པར་
D257.066.0108b05.01རྩེ་བདག་བསམ་གཏན་ཡོངས་སུ་སྦྱོང་བ་བྱས་སུ་ཟིན་ཀྱང་ཡུད་ཙམ་གྱིས་བུད་མེད་ཀྱི་དབང་དུ་འགྱུར་བ་ཡིན་ནོ། །བུད་མེད་ཀྱི་ཉེས་པས་དགེ་བའི་རྩ་བ་ཐམས་ཅད་ལས་ཡོངས་སུ་ཉམས་པ་དག་དང་། ངན་སོང་བ་དག་དང་། སེམས་ཅན་དམྱལ་བ་པ་དག་ཏུ་འགྱུར་བ་ཡིན་
D257.066.0108b06.01ནོ། །རིགས་ཀྱི་བུ་ཁྱེད་དེ་བཞིན་གཤེགས་པ་ཤཱཀྱ་ཐུབ་པ་དེ་ལ་ངའི་བཀས་ཞུ་བའི་ཕྱིར་ངའི་བཀས་མི་མཇེད་ཀྱི་འཇིག་རྟེན་གྱི་ཁམས་སུ་འགྲོ་བར་སྤྲོ་ན། དེར་ཉི་མའི་སྙིང་པོའི་ཆོས་ཀྱིས་གནས་པ་ཀླུའི་ཡུལ་རྣམ་པར་འཇིག་པར་མཛད་པའི་འོད་ཟེར་གྱི་ལེའུ་སེམས་ཅན་རྣམས་ཀྱི་
D257.066.0108b07.01