完整藏文原文 · 德格版页 当前仅加载第 66 函德格 230b 版页；藏文 NFD、目录标记与异常页序保留在来源切片中，重复版页行以稳定序号区分。
ལ་སྩལ་པ་དེ་བདག་ཅག་གིས་ལོངས་སྤྱད་ལགས་སོ། །སྡིག་པའི་ལས་དེས་ཀྱང་སེམས་ཅན་དམྱལ་བ་རྣམས་ཀྱི་ནང་དུ་སྡུག་བསྔལ་མི་བཟད་པ་ཆེན་པོ་རྣམ་པ་སྣ་ཚོགས་རབ་ཏུ་མི་བཟད་པ་མང་པོ་ཡང་དང་ཡང་ཉམས་སུ་མྱོང་ལགས་སོ། །དུད་འགྲོ་དང་ཡི་
D257.066.0230b01.01དགས་རྣམས་ཀྱི་ནང་དུ་དུས་ཡུན་རིང་པོར་རྟག་ཏུ་སྡུག་བསྔལ་གྱིས་གཟིར་ལགས་སོ། །ལས་ཀྱི་ལྷག་མ་དེས་བདག་ཅག་ཀླུའི་སྐྱེ་གནས་དམན་པ་འདིར་སྐྱེས་ནས་ཆབ་བསྐོལ་བ་ཀུན་ཏུ་ཚ་བའི་ནང་དུ་བཙོས་ལགས་སོ། །བྱེ་མ་ཀུན་ཏུ་ཚ་བའི་ནང་དུ་བསྲེགས་
D257.066.0230b02.01ལགས་སོ། །བདག་ཅག་གི་ཁའི་སྒོར་ཁ་ཟས་སྩལ་བ་ཡང་ལྕགས་ཀྱི་ཐུ་ལུམ་དུ་གྱུར་ལགས་སོ། །དེ་བཞིན་དུ་ཁར་བཏུང་བ་སྩལ་བ་ཡང་ལྕགས་དང་ཟངས་སུ་གྱུར་ལགས་སོ། །གང་དང་གང་དུ་མཆིས་པ་ཐམས་ཅད་དུ་སྡུག་བསྔལ་གྱི་ཚོར་བ་དེ་ལྟ་བུ་མྱོང་
D257.066.0230b03.01ལགས་ན་བདག་ཅག་ཡོངས་སུ་བསྐྱབ་ཏུ་གསོལ། བཅོམ་ལྡན་འདས་ཀྱིས་བཀའ་སྩལ་པ། ཀྱེ་ལག་འགྲོ་དག་ཁྱེད་ཀྱིས་དགེ་འདུན་གྱི་ལོངས་སྤྱོད་པ་དེ་ནི་འོས་པ་མ་ཡིན་ཏེ། མཚམས་མེད་པ་དང་ཉེ་བ་ཡིན་ནོ། །རྣམ་པར་མ་སྨིན་པར་གང་གིས་ཀྱང་མྱུར་
D257.066.0230b04.01དུ་བཤགས་པར་མི་ནུས་སོ། །ཀྱེ་ལག་འགྲོ་དག་དེ་ལྟ་ཡིན་ཡང་ཇི་སྲིད་འཚོའི་བར་དུ་སྐྱབས་གསུམ་དུ་འགྲོ་བ་ལ་འཁོད་ཅིག་དང་། དེ་ལྟ་ན་ཁྱེད་ལ་ཕན་པ་དང་བདེ་བར་འགྱུར་རོ། །རྒྱུ་དེས་དེ་བཞིན་གཤེགས་པས་ཁྱེད་འདོད་པ་བཞིན་འཁོར་བར་གཞོག་པར་མཛད་
D257.066.0230b05.01དོ། །དེ་དག་ཐམས་ཅད་གསུམ་ལ་སྐྱབས་སུ་འགྲོ་བ་ལ་ཡང་བཀོད་པར་གྱུར་ཏོ། །ཡང་འཁོར་དེའི་ནང་ན་ཀླུ་མོ་ལོང་མ་ཞིག་ཡོད་དེ། དེའི་ཁ་སྲིན་བུས་གང་ཞིང་གཅིན་རུལ་པ་ལྟ་བུའི་རྣག་དྲི་ང་བ་ཟག་གོ། །སྨད་ཀྱི་མཚན་མ་ལ་ཡང་དེ་བཞིན་ནོ། །དེའི་ལུས་
D257.066.0230b06.01ཐམས་ཅད་རུལ་ཅིང་རྣག་འཛག་པ་ཕོལ་མིག་དང་སྲིན་བུས་གང་བ་ལ་ཤ་སྦྲང་དང་། སྦྲང་བུ་མཆུ་{རིངས་,རིང་}དང་། སྦྲང་བུ་གདུག་པ་རྣམས་ཀྱིས་ཟ་བར་བྱེད་དོ། །དེའི་ཚེ་བཅོམ་ལྡན་འདས་ཀྱིས་ཐུགས་རྗེ་ཆེན་པོས་གཟིགས་ཏེ། བཀའ་སྩལ་པ། སྲིང་མོ་ཁྱོད་ཀྱིས་ལུས་
D257.066.0230b07.01