完整藏文原文 · 德格版页 当前仅加载第 66 函德格 178b 版页；藏文 NFD、目录标记与异常页序保留在来源切片中，重复版页行以稳定序号区分。
སེམས་ཅན་ཐམས་ཅད་ལ་རིམ་གྲོའི་སྤྱོད་པ་བགྱིའོ། །ཆོས་གོས་དང་། བསོད་སྙོམས་དང་། མལ་ཆ་དང་། ན་བའི་གསོས་སྨན་དང་། ཡོ་བྱད་རྣམས་ཀྱིས་མི་བྲེལ་བར་བགྱིའོ། །ཀུན་ཏུ་འཁྲུག་པའི་འཇིགས་པ་{བཅྭ་,བཅོ་}ལྔ་ལས་ཡོངས་སུ་ཐར་བར་བགྱིའོ། །
D257.066.0178b01.01{བཅྭ་,བཅོ་}ལྔ་གང་ཞེ་ན། ལུས་ཀྱི་ཀུན་ཏུ་འཁྲུག་པའི་འཇིགས་པ་ལས་ཡོངས་སུ་ཐར་བར་བགྱིའོ། །བོང་བ་དང་། དབྱུག་གུ་དང་། མཚོན་ཆ་དང་། དུག་དང་། རྡོ་དང་། སེམས་ཅན་སྡང་བ་དང་། རྩུབ་པ་དང་། དད་པ་མ་མཆིས་པ་རྣམས་ལས་ཡོངས་སུ་
D257.066.0178b02.01ཐར་བར་བགྱིའོ། །ཁམས་ཀུན་ཏུ་འཁྲུག་པའི་འཇིགས་པ་ལས་བསྲུང་བར་བགྱིའོ། །ཇི་ལྟར་འཐུན་པའི་བཟའ་བ་དང་། བཏུང་བ་དང་། སྨན་དང་། ཡོ་བྱད་ཀྱི་གཞི་ལས་རིམ་གྲོ་བ་དང་། ཉེ་དུ་དང་། སྦྱིན་པ་པོ་དང་། སྦྱིན་བདག་ཡོངས་སུ་མི་ཉམས་པའི་ཆོས་
D257.066.0178b03.01ཅན་རྣམས་ནད་དང་དགྲའི་ཀུན་ཏུ་འཁྲུག་པའི་འཇིགས་པ་དང་། འབྱུང་པོ་ཐམས་ཅད་དང་། དགྲ་ཐམས་ཅད་ཀྱི་ཀུན་དུ་འཁྲུག་པའི་འཇིགས་པ་ལས་བསྲུང་བར་བགྱིའོ། །དུག་གི་ཀུན་ཏུ་འཁྲུག་པའི་འཇིགས་པ་དང་། རྒྱལ་པོའི་ཀུན་ཏུ་འཁྲུག་པའི་འཇིགས་པ་དང་།
D257.066.0178b04.01ནང་གི་དམག་ཚོགས་དང་། ཕ་རོལ་གྱི་དམག་ཚོགས་དང་། མུ་གེའི་ཀུན་ཏུ་འཁྲུག་པའི་འཇིགས་པ་ལས་ཡོངས་སུ་བསྲུང་བར་བགྱི་སྟེ། ཀུན་ཏུ་འཁྲུག་པའི་འཇིགས་པ་{བཅྭ་,བཅོ་}ལྔ་པོ་དེ་དག་གོ། །གང་དག་ད་ལྟར་དང་མ་འོངས་པའི་དུས་ན་དམ་པའི་ཆོས་ལྟར་བཅོས་
D257.066.0178b05.01པ་ལ་གནས་པའི་བར་གྱི་དགེ་སློང་དང་། དགེ་སློང་མ་དང་། དགེ་བསྙེན་དང་། དགེ་བསྙེན་མ་དང་། དད་པ་དང་ལྡན་པའི་རིགས་ཀྱི་བུའམ། རིགས་ཀྱི་བུ་མོ་དེ་དག་དང་། གང་དག་མི་སྡུག་པ་སྔོན་དུ་གཏོང་བའི་ཚུལ་དེ་ལྟ་བུས་ཞེས་བགྱི་བ་ནས་འགོག་པའི་
D257.066.0178b06.01སྙོམས་པར་འཇུག་པའི་བར་གྱི་ཚུལ་གྱིས་གནས་པར་བགྱིད་ལ། ཇི་སྐད་སྔར་བཤད་པ་བཞིན་ནམ་གྱི་ཆ་སྟོད་དང་ནམ་གྱི་ཆ་སྨད་ལ་མི་ཉལ་བར་སྦྱོར་བ་ལ་རྗེས་སུ་བརྩོན་པར་གནས་པར་བགྱིད་པ་འཁོར་དང་བཅས་པ་དེ་དག་ཐམས་ཅད་དང་། གང་དུ་གནས་པའི་ཡུལ་
D257.066.0178b07.01