完整藏文原文 · 德格版页 当前仅加载第 66 函德格 171a 版页；藏文 NFD、目录标记与异常页序保留在来源切片中，重复版页行以稳定序号区分。
དེ་བཞིན་དུ་ཤ་ཁུ་དང་། ཐུག་པ་དང་། ཚོད་མ་དང་། སྲན་ཚོད་ཀྱང་རུང་སྟེ། དེ་ལ་འདི་ནི་མིའི་ཁྲག་གོ། །འདི་ནི་མིའི་ཀླད་པའོ་ཞེས་བྱ་བ་དང་། དེ་བཞིན་དུ་སྔ་སྔོ་ལ་འདི་ནི་མིའི་སྐྲའོ། །འདི་ནི་མིའི་སོའོ་ཞེས་བྱ་བ་དང་། དེ་བཞིན་དུ་ཤ་ལ་འདི་ནི་མིའི་ཤའོ་ཞེས་བྱ་བ་དང་། དེ་བཞིན་དུ་
D257.066.0171a01.01ལི་ཁར་དང་། བུ་རམ་དང་། རྒུན་ཆང་དང་། བལ་པོ་སེའུའི་ཁུ་བ་ལ་འདི་ནི་མིའི་ཁྲག་གོ། །མིའི་ཀླད་པའོ། །མིའི་བད་ཀན་ནོ། །མིའི་རུས་པའི་རྐང་ངོ་ཞེས་བྱ་བ་དེ་ལྟ་བུར་འདུ་ཤེས་སྐྱེད་དེ། ཀཽ་ཌི་ནྱ་མཁས་པས་དེ་ལྟར་ཟས་ལ་མི་འཐུན་པའི་འདུ་ཤེས་བསྐྱེད་པར་བྱའོ། །ཀཽ་ཌི་ནྱ་མཁས་
D257.066.0171a02.01པས་ཇི་ལྟར་ཁྱིམ་མམ། གནས་ཁང་ངམ། ཁང་པ་བརྩེགས་མར་འཇུག་པའི་ཚེ་འཇིགས་པའི་འདུ་ཤེས་བསྐྱེད་པར་བྱ་ཞེ་ན། གྲོང་ཁྱེར་ཆེན་པོ་སྒོ་བཞི་པ་འདིར་ཞུགས་པས་བདག་སྲེག་གོ། །འཇུག་པ་ན་ཤིང་ལ་མེར་འདུ་ཤེས་པ་དང་། འཇིམ་པ་ལ་མིའི་ཤར་འདུ་ཤེས་པ་དང་། རི་མོ་ལ་
D257.066.0171a03.01མིའི་ཁྲག་ཏུ་འདུ་ཤེས་པ་དང་། མལ་ཆ་ལ་མིའི་པགས་པ་ཉིད་དུ་འདུ་ཤེས་པ་དང་། སྟན་ལ་མིའི་རུས་གོང་གི་ཕུང་པོ་འམ། མི་རོར་བྱིན་གྱིས་རློབ་པར་བྱེད་པ་དེ་ལྟ་བུར་འདུ་ཤེས་པ་འཇུག་པར་བྱའོ། །རྩིའི་རྣམ་པ་དེ་ལྟ་བུ་ལ་སོ་སོར་སྟེན་པར་བྱེད་པ་ན་ཡང་ཆོས་དེ་དག་ཡིད་ལ་བྱའོ། །
D257.066.0171a04.01ཀཽ་ཌི་ནྱ་མཁས་པ་དེ་ལྟ་བུར་འདུ་ཤེས་པ་ནི་འཇིག་རྟེན་ཐམས་ཅད་ལ་མངོན་པར་མི་དགའ་བའི་འདུ་ཤེས་ཐོབ་པར་འགྱུར་རོ། །སུ་འཇིག་རྟེན་ཐམས་ཅད་ལ་མངོན་པར་མི་དགའ་བར་འདུ་ཤེས་པར་འགྱུར་བ་དེ་ཡོན་ཏན་དང་ཕན་ཡོན་ཅི་ཐོབ་ཅེ་ན། དེ་རྗེས་སུ་འཐུན་པའི་བཟོད་པ་
D257.066.0171a05.01གསུམ་ཐོབ་པར་འགྱུར་རོ། །གསུམ་གང་ཞེ་ན། སྨོན་པ་མེད་པ་དང་རྗེས་སུ་འཐུན་པའི་བཟོད་པ་དང་། སྟོང་པ་ཉིད་དང་རྗེས་སུ་འཐུན་པའི་བཟོད་པ་དང་། མཚན་མ་མེད་པ་དང་རྗེས་སུ་འཐུན་པའི་བཟོད་པའོ། །འཇིག་རྟེན་གྱི་བཟོད་པ་གསུམ་པོ་དེ་དག་ཐོབ་པས་ཕན་ཡོན་ཐོབ་པར་བྱེད་
D257.066.0171a06.01དེ། དེའི་སེམས་སྟོང་པ་ཉིད་ཀྱི་ལྟ་བ་ལ་འཇུག་པར་བྱེད་དོ། །དེ་སྐྱེ་བ་དང་འཇིག་པའི་ཚུལ་གྱིས་མངོན་པར་འདུ་བྱེད་པ་མེད་པ་ལ་ཡིད་འཇུག་པར་བྱེད་དོ། །དེ་ཕུང་པོའི་རང་བཞིན་ལ་མི་རྟག་པ་དང་། སྡུག་བསྔལ་བ་དང་། སྟོང་པ་ཉིད་དང་བདག་མེད་པའི་སྟོང་པ་ཉིད་ཡང་དག་པར་རྗེས་སུ་མཐོང་
D257.066.0171a07.01