完整藏文原文 · 德格版页 当前仅加载第 66 函德格 157b 版页；藏文 NFD、目录标记与异常页序保留在来源切片中，重复版页行以稳定序号区分。
ཀྱི་འདོད་ཆགས་ཐམས་ཅད་དང་། དབྱིབས་ཀྱི་འདོད་ཆགས་དང་། རེག་པའི་འདོད་ཆགས་དང་། རྣམ་པར་གྲོལ་བ་མ་ཡིན་པའི་རྩེ་བའི་འདོད་ཆགས་ཐམས་ཅད་སྤོང་བར་འགྱུར་རོ། །འཕགས་པའི་གང་ཟག་རྣམས་ཀྱི་ནི་ལྷག་མ་མེད་པར་འགྱུར་རོ། །སོ་སོའི་སྐྱེ་བོ་རྣམས་
D257.066.0157b01.01ཀྱི་ནི་ཉམ་སྨད་པར་འགྱུར་ཏེ། རྐྱེན་གྱི་དབང་གིས་ཕྱིས་སྐྱེ་བར་འགྱུར་ཞིང་ངན་སོང་གི་རྒྱུར་འགྱུར་རོ། །འདི་ནི་བདེན་པ་དང་རྗེས་སུ་འཐུན་པའི་གཟུངས་སྔགས་ཀྱིས་དོན་གླེང་གཞི་དང་བཅས་པ་རྒྱས་པ་དང་བཅས་པ་ཡིན་ཏེ། གང་དེ་བཞིན་གཤེགས་པ་ཙམ་པ་ཀའི་མདོག་གིས་
D257.066.0157b02.01ང་ལ་བྱང་ཆུབ་སེམས་དཔའ་སེམས་དཔའ་ཆེན་པོ་ཉི་མའི་ཤུགས་ཀྱི་སྙིང་པོའི་ལག་ནས་བསྐུར་བ་མཐུ་ཆེ་བ། ཕན་ཡོན་ཆེ་བ་ཡིན་ནོ། །འདུས་པ་ཆེན་པོ་འདི་ངས་བཤད་པ་ལ་དད་པ་སྦྱིན་པར་མཛད་པ་ཡིན་ནོ། །འདོད་པའི་འདོད་ཆགས་ཐམས་ཅད་ཡང་དག་པར་ཟད་པར་བྱེད་པ་
D257.066.0157b03.01གཟུགས་ཀྱི་འདོད་ཆགས་ཐམས་ཅད་དང་། གཟུགས་མེད་པའི་འདོད་ཆགས་ཐམས་ཅད་དང་། ང་རྒྱལ་དང་། ལྷག་པའི་ང་རྒྱལ་དང་། ང་རྒྱལ་ལས་ཀྱང་ང་རྒྱལ་ཐམས་ཅད་དང་། ཕྲག་དོག་ཐམས་ཅད་ཡང་དག་པར་ཟད་པར་བྱེད་པ། ཡོངས་སུ་ཚོལ་བ་ཐམས་ཅད་དང་། བརྣབ་
D257.066.0157b04.01སེམས་ཐམས་ཅད་དང་། རྒོད་པ་ཐམས་ཅད་དང་། མ་རིག་པ་ཐམས་ཅད་དང་། འཇིག་ཚོགས་ལ་ལྟ་བ་དང་། ཐེ་ཙོམ་དང་། ཚུལ་ཁྲིམས་དང་། བརྟུལ་ཞུགས་མཆོག་ཏུ་འཛིན་པ་ཐམས་ཅད་དང་། རྟག་པར་ལྟ་བ་དང་། ཆད་པར་ལྟ་བ་དང་། སེམས་ཅན་
D257.066.0157b05.01དུ་ལྟ་བ་དང་། སྲོག་ཏུ་ལྟ་བ་དང་། གསོ་བར་ལྟ་བ་དང་། གང་ཟག་ཏུ་ལྟ་བ་ཐམས་ཅད་དང་། བྱེད་པ་པོ་དང་། ཚོར་བ་པོར་ལྟ་བ་ཐམས་ཅད་དང་། གཟུགས་སུ་ལྟ་བ་ཐམས་ཅད་ཅེས་བྱ་བ་ནས་རེག་པར་ལྟ་བ་ཐམས་ཅད་ཅེས་བྱ་བའི་བར་དང་། སྐྱེ་བར་ལྟ་བ་
D257.066.0157b06.01ཐམས་ཅད་དང་། འབྱུང་བ་ཆེན་པོར་ལྟ་བ་ཐམས་ཅད་ཡོངས་སུ་ཤེས་པར་བྱེད་པ་ཞེས་བྱ་བ་ནས་ཕུང་པོ་དང་། ཁམས་དང་། སྐྱེ་མཆེད་ཐམས་ཅད་རྡུལ་མེད་པར་བྱེད་པའི་བར་དང་། བྱང་གྲོལ་གྱི་བདེ་བ་ཐམས་ཅད་སྟོན་པར་བྱེད་པ་ཡིན་ནོ། །རིམ་པ་དེས་ནི་བདུད་
D257.066.0157b07.01