完整藏文原文 · 德格版页 当前仅加载第 66 函德格 243a 版页；藏文 NFD、目录标记与异常页序保留在来源切片中，重复版页行以稳定序号区分。
བརྗོད་དུ་མེད་པ་དག་ཡིན། ཕ་རོལ་དང་ཚུ་རོལ་ལ་གནས་པ་དང་། ཡང་དག་པའི་མཐའ་ལ་ཡང་དག་པར་རྟེན་པ་དག་ཡིན་ནོ། །ཀྱེ་ཡང་བཅོམ་ལྡན་འདས་ཀྱིས་བསྟན་པ་འདི་བཤད་པ་ན་བདུད་ཀྱི་བུ་འོད་འཕྲོ་རྩུབ་བདུད་ཀྱི་འཁོར་སྔོན་གྱི་རྒྱལ་བ་
D257.066.0243a01.01ལ་ལྷག་པར་བྱ་བ་བྱས་པ་ཉི་ཁྲི་དང་ལྷན་ཅིག་ཏུ་རྗེས་སུ་འཐུན་པའི་བཟོད་པ་ཐོབ་པར་གྱུར་ཏོ། །དེའི་ཚེ་ལྷ་དང་མི་སྔོན་གྱི་རྒྱལ་བ་ལ་ལྷག་པར་བྱ་བ་བྱས་པ། སེམས་ཅན་དཔག་ཡས་པ་ཡང་བསམ་གཏན་དང་པོ་ལ་གནས་པར་གྱུར་པ་ནས་བསམ་གཏན་བཞི་པའི་བར་ཐོབ་
D257.066.0243a02.01པར་གྱུར་ཏོ། །ཁ་ཅིག་ནི་འབྲས་བུ་དང་པོ་ལ་གནས་པར་གྱུར་པ་ནས་འབྲས་བུ་གསུམ་པ་ལ་གནས་པར་གྱུར་པའི་བར་དུའོ། །ཁ་ཅིག་གིས་ནི་ཉན་ཐོས་ཀྱི་ཐེག་པ་ལ་ས་བོན་བསྐྱེད་པ་ནས་རྐྱེན་གྱི་ཐེག་པ་ལ་ས་བོན་བསྐྱེད་པའི་བར་དུའོ། །ཁ་ཅིག་གིས་ནི་བླ་ན་མེད་པ་ཡང་དག་པར་རྫོགས་
D257.066.0243a03.01པའི་བྱང་ཆུབ་ཏུ་སེམས་བསྐྱེད་དོ། །ཀླུའི་འཁོར་དེའི་ནང་ནས་ཀྱང་ཀླུ་དཀྲིགས་ཕྲག་དྲུག་ཅུས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སྔོན་མ་བསྐྱེད་པའི་སེམས་བསྐྱེད་པར་གྱུར་ཏོ། །སངས་རྒྱས་ཀྱི་ཞིང་མི་མཇེད་ཐམས་ཅད་དུ་ས་ཆེན་པོ་རྣམ་པ་དྲུག་ཏུ་རབ་ཏུ་འགུལ་ཏོ། །དེར་ཕྱོགས་
D257.066.0243a04.01བཅུ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་གང་དག་ལྷགས་པ་དེ་དག་གིས་བཅོམ་ལྡན་འདས་ལ་མཆོད་པའི་ལས་བྱ་བའི་ཕྱིར་བྱང་ཆུབ་སེམས་དཔའི་ཏིང་ངེ་འཛིན་རྣམ་པ་སྣ་ཚོགས་ཀྱིས་རབ་ཏུ་ཕྱེ་བའི་རིན་པོ་ཆེའི་ཆར་པ་དང་། རས་བཅོས་བུའི་ཆར་པ་དང་།
D257.066.0243a05.01མེ་ཏོག་གི་ཆར་པ་སྣ་ཚོགས་རབ་ཏུ་ཕབ་སྟེ་གསོལ་པ། སྔོན་མ་ཐོས་པའི་འདུས་པ་འདི་དང་། ཏིང་ངེ་འཛིན་བསྟན་པ་འདི་ནི་མཆོག་ཏུ་ངོ་མཚར་ལགས་ཤིང་རྨད་དུ་བྱུང་བ་ལགས་སོ། །འདི་ནི་ཤཱཀྱ་ཐུབ་པའི་ཆོས་ཀྱི་འཁོར་ལོ་བསྐོར་བ་གཉིས་པ་ལགས་སོ། །
D257.066.0243a06.01བཙུན་པ་བཅོམ་ལྡན་འདས་བདག་ཅག་གིས་ཀྱང་ཉི་མའི་སྙིང་པོ་ལུང་བསྟན་པ་ཆེན་པོ་ཤིན་ཏུ་རྒྱས་པའི་སྡེའི་མདོའི་གཟུངས་སྔགས་འདི་བཟུང་ནས་རང་རང་གི་སངས་རྒྱས་ཀྱི་ཞིང་རྣམས་སུ་སེམས་ཅན་རྣམས་ལ་རབ་ཏུ་བསྟན་པར་བགྱི་ལགས་སོ། །དེར་བདུད་དང་།
D257.066.0243a07.01