完整藏文原文 · 德格版页 当前仅加载第 66 函德格 131a 版页；藏文 NFD、目录标记与异常页序保留在来源切片中，重复版页行以稳定序号区分。
བཅུའི་ལས་ཀྱི་ལམ་ཡང་དག་པར་བླངས་པའི་བར་དང་། སྦྱིན་པ་དང་། དུལ་བ་དང་། ཡང་དག་པར་སྡོམ་པ་ལ་མངོན་པར་དགའ་བ་དང་། འཇིག་རྟེན་ཕ་རོལ་ལ་འཇིགས་པར་ལྟ་བ་ཡིན་པ་དག་ཀྱང་ཡོངས་སུ་ཞུས་སོ། །ངས་གསང་སྔགས་གང་དག་
D257.066.0131a01.01དང་། སྨན་གང་དག་གིས་སེམས་ཅན་དེ་ལྟ་བུ་དག་ཡོངས་སུ་སྨིན་པར་མཛད་པར་སྤྱོད་པའི་གསང་སྔགས་དེ་དག་ནི་གང་ཡིན། སྨན་དེ་དག་ནི་གང་ཡིན་ཞེ་ན། གཟུངས་སྔགས་གང་གིས་ངས་སེམས་ཅན་བྱེ་བ་ཁྲག་ཁྲིག་བརྒྱ་སྟོང་དཔག་ཏུ་མེད་པ་ཡོངས་སུ་སྨིན་པར་མཛད་པ་
D257.066.0131a02.01དང་། ཕ་རོལ་ཏུ་ཕྱིན་པ་དྲུག་ལ་བཀོད་པ་རིག་པ་ཡོད་པའི་སྦུབས་ཞི་བ་གསང་སྔགས་ཀྱི་གཞིའི་གཟུངས་སྔགས་ལུང་བསྟན་པ་ཆེན་པོ་འདི་སྔོན་གྱི་ཡང་དག་པར་རྫོགས་པའི་སངས་རྒྱས་དེ་དག་གིས་ཀྱང་ང་ལ་བསྟན་པར་གྱུར་ཏོ། །རྟག་ཏུ་བརྩོན་འགྲུས་དང་། བརྟུལ་བ་བརྟན་
D257.066.0131a03.01པ་ངས་རྟག་པར་རྒྱུན་དུ་ཚེ་རབས་དེ་དང་དེ་དག་ཏུ་མངལ་ན་བུ་ཡོད་པའི་བུད་མེད་ལ་རིག་པ་ཡོད་པའི་སྦུབས་ཞི་བ་གཟུངས་སྔགས་གསང་སྔགས་ཀྱི་གཞི་རིག་སྔགས་འདིས་བསྲུང་བ་བྱས་སོ། །བུད་མེད་དེ་མངལ་ན་བུ་ཡོད་པ་དང་བཅས་ཏེ་སྐྱབས་གསུམ་ལ་རྣམ་པར་གཞག་གོ། །
D257.066.0131a04.01ཕྱིན་ཆད་ཀྱང་ལྷའམ་ཞེས་བྱ་བ་ནས། བདུད་དམ། བརྗེད་བྱེད་དམ། མི་དང་། མི་མ་ཡིན་པ་ཞེས་བྱ་བའི་བར་གྱིས་མའི་མངལ་ན་བུ་ཡོད་པ་དང་བཅས་ཏེ་རྣམ་པར་ཐོ་བཙམས་པའམ། རྣམ་པར་གཙེ་བའམ། ལུས་དཀྲུག་པའམ། ཁམས་དཀྲུག་པའམ། སེམས་
D257.066.0131a05.01དཀྲུག་པར་བྱ་བར་མི་ནུས་སོ། །ལྷ་དང་ལྷ་མ་ཡིན་དུ་བཅས་པའི་འཇིག་རྟེན་གྱི་བར་གྱིས་ཀྱང་མདངས་འཕྲོག་པའམ། སྨན་དང་སྔགས་ཀྱི་སྦྱོར་བ་བྱ་བར་མི་ནུས་སོ། །དེ་དག་གིས་མངལ་ན་བུ་ཡོད་པའི་མ་རྣམ་པར་ཐོ་མ་བཙམས་པ་དང་། མངལ་ན་བུ་གནས་པ་ཡང་སྔོན་
D257.066.0131a06.01གྱི་ཚེ་རབས་དྲན་པར་འགྱུར་རོ། །ཉིང་མཚམས་སྦྱོར་བའི་ལུས་ཀྱི་དབང་པོ་ཐམས་ཅད་ཡོངས་སུ་རྫོགས་པ་དང་། གཟུགས་བཟང་བ། བལྟ་ན་སྡུག་པ། ཁ་དོག་བཟང་པོ་རྒྱས་པ་མཆོག་དང་ལྡན་པ་དག་དང་། ཤིན་ཏུ་བློ་དང་ལྡན་པ་དག་བདེ་ལེགས་སུ་མའི་ལྟོ་ནས་བྱུང་
D257.066.0131a07.01