完整藏文原文 · 德格版页 当前仅加载第 66 函德格 180a 版页；藏文 NFD、目录标记与异常页序保留在来源切片中，重复版页行以稳定序号区分。
ཆོམ་རྐུན་གྱི་ཀུན་ཏུ་འཁྲུག་པའི་སྡུག་བསྔལ་དང་། བུད་མེད་ཀྱི་ཀུན་ཏུ་འཁྲུག་པའི་སྡུག་བསྔལ་དང་། མྱུར་དུ་ཚེ་ཟད་པ་དང་། འཆི་བའི་སྡུག་བསྔལ་ལགས་སོ། །སེམས་ཅན་དེ་དག་ནི་གནོད་པ་དེ་དག་དང་མྱུར་དུ་ལྡན་པར་འགྱུར་ལགས་
D257.066.0180a01.01སོ། །སེམས་ཅན་གང་དག་དེ་ལྟ་བུའི་ཚུལ་བཞིན་དུ་ཡིད་ལ་བགྱིད་པ་ལ་བརྩོན་པ་རྣམས་ཀྱི་ཚིག་མི་མཉན་ཞིང་། མི་བགྱིད་པར་སེམས་པ་དང་། དེ་དག་ལ་ཡང་གཤེ་བར་བགྱིད་པའམ། དོན་མ་ལགས་པ་དང་། ཕན་པ་མ་ལགས་པ་དང་། གནོད་
D257.066.0180a02.01སེམས་དང་། བར་དུ་ཉམས་པར་བགྱི་བའི་སླད་དུ་བརྟུལ་བར་བགྱིད་པའི་སེམས་ཅན་དེ་དག་སྐྲག་ནས་བདག་ཅག་ལ་སྐྱབས་སུ་མཆིས་ཀྱང་རུང་། གསང་སྔགས་སྣ་ཚོགས་སྒྲུབ་པའི་ཡོ་བྱད་ཀྱིས་རིམ་གྲོ་བགྱི་བར་བརྩོན་པར་བགྱིས་སུ་ལགས་ཀྱང་དེ་དག་གི་དོན་
D257.066.0180a03.01དུ་བདག་ཅག་གིས་རིམ་གྲོའི་བསྙེན་བཀུར་བླང་བར་མི་བགྱིའོ། །དེ་དག་གི་སྐྱབས་མི་བགྱིའོ། །དེ་དག་གི་བགྱི་བ་མི་སྒྲུབ་པོ། །དོན་བསྒྲུབ་པར་མི་བགྱིའོ། །ཕུང་ཀྲོལ་གྱི་ལྷའམ། ཀླུ་ནས་ལུས་སྲུལ་པོའི་བར་སྡང་བ་སྙིང་བརྩེ་བ་མ་མཆིས་པ། བགྱིས་པ་མི་
D257.066.0180a04.01གཟོ་བ། འཇིག་རྟེན་ཕ་རོལ་ལ་འཇིགས་པར་མི་ལྟ་བ་གང་དག་འབྱུང་བར་འགྱུར་བ་དེ་དག་དེ་ལྟ་བུའི་དགེ་བའི་ཕྱོགས་ལ་ཚུལ་བཞིན་དུ་ཡིད་ལ་བགྱིད་པར་བརྩོན་པ་དགོན་པ་དང་། ནགས་དང་། བས་མཐའ་དང་། རི་ཁྲོད་དང་། དུར་ཁྲོད་དང་། ཤིང་དྲུང་དང་། ཀུན་
D257.066.0180a05.01དགའི་ར་བ་དང་། གཙུག་ལག་ཁང་དང་། གནས་ཁང་དང་། འཆག་སའི་གནས་ན་གནས་པའི་གང་ཟག་རྣམས་ཀྱི་ཐ་དད་དུ་སྡང་བའི་སེམས་དང་ལྡན་པ་དང་། རྣམ་པར་ཐོ་འཚམ་པའི་སེམས་དང་ལྡན་པ་དང་ཉེ་བར་མཆི་བར་བགྱིད་ཅིང་། དེ་ལྟ་བུའི་གང་ཟག་
D257.066.0180a06.01རྣམས་ཀྱི་ལུས་ཀུན་ཏུ་འཁྲུག་པའམ་སེམས་ཀུན་ཏུ་འཁྲུག་པར་བགྱིད་ལ། མདངས་འཕྲོག་པར་བགྱིད་ཅིང་ཐ་ན་དེ་ལྟ་བུའི་གང་ཟག་རྣམས་ཀྱི་རིམ་གྲོ་པ་དང་། སྦྱིན་བདག་གང་དག་ལགས་པ་དེ་དག་ལ་ཡང་ལྷའམ། ཀླུ་ནས་ལུས་སྲུལ་པོའི་བར་སྡང་བ། བགྱིས་པ་མི་གཟོ་
D257.066.0180a07.01