完整藏文原文 · 德格版页 当前仅加载第 66 函德格 197a 版页；藏文 NFD、目录标记与异常页序保留在来源切片中，重复版页行以稳定序号区分。
ཁྲུམས་སྨད་ཅེས་ནི་བྱ་བར་བཤད། །བྲ་ཉེ་དྲང་སྲོང་རུས་ཡིན་པར། །བཞི་པ་འདི་ནི་བཞག་པ་ཡིན། །ལྷ་ཡི་དྲང་སྲོང་རྒྱལ་གྱི་བུ། །ནམ་གྲུ་ཞེས་བྱ་དེ་བསྟན་ཏེ། །དྲང་སྲོང་དབང་པོའི་རུས་སུ་ནི། །ལྔ་པ་འདི་ནི་བཞག་པ་ཡིན། །དྲི་ཟའི་རྒྱལ་པོའི་
D257.066.0197a01.01བུ་གསུམ་སྟེ། །ལྔ་ལེན་བུ་ཡི་རུས་ཡིན་ཞིང་། །རྒྱུ་སྐར་ཐ་སྐར་ཞེས་བྱ་བ། །འཇིག་རྟེན་མཁས་པ་རྣམས་ཀྱིས་བཞག །དྲག་པོའི་བུ་ནི་གསུམ་ཡིན་ཏེ། །བྲ་ཉེ་ངན་སྤོང་རུས་ཡིན་ནོ། །རྒྱུ་སྐར་བདུན་པོ་དེ་དག་ནི། །བྱང་ཕྱོགས་ཁ་འཛིན་རྣམས་སུ་བཞག །
D257.066.0197a02.01རྒྱུ་སྐར་ཉི་ཤུ་རྩ་བརྒྱད་པོ། །ཁ་འཛིན་བཞིར་ནི་གཞུང་ལས་བཤད། །གཏོར་མ་ལས་དང་ཡོན་ཏན་རྣམས། །མདོར་ན་ང་ཡིས་བཤད་པར་བྱ། །ཐམས་ཅད་རབ་ཏུ་ཐལ་སྦྱར་འཁོད། །ལྷ་དང་ཤེད་ལས་སྐྱེས་རྣམས་ཀྱིས། །དྲང་སྲོང་རྔ་བོང་ལ་ནི་སྨྲས། །མི་དགེ་
D257.066.0197a03.01སྔོན་དུ་འགྲོ་བའི་ལས། །གང་བྱས་ཁྱོད་ནི་མི་སྡུག་སྐྱེས། །གང་དུ་ཐམས་ཅད་མྱུར་ཟད་འགྱུར། །འདི་ནི་ལྷ་དང་མི་རྣམས་དང་། །དྲང་སྲོང་དག་ནི་ཞི་བ་རྣམས། །ཐམས་ཅད་གཟུགས་ནི་བཟང་པོར་གྱུར། །རིགས་དང་སྙན་ལྡན་དེ་དག་ཀུན། །དྲང་སྲོང་རྔ་བོང་
D257.066.0197a04.01དེ་ལ་ནི། །བརྒྱ་བྱིན་ལྷན་ཅིག་འཁོད་ནས་སུ། །འཁོར་ཀུན་རངས་ཏེ་ཐལ་སྦྱར་གྱུར། །བསམ་པ་གཅིག་ཏུ་སྨྲས་པ་ནི། །ནམ་མཁའ་འདི་ལ་རྒྱུ་སྐར་ནི། །གང་ཞིག་དང་པོར་རྒྱུ་བར་བྱེད། །ཁ་ཟས་སུ་ནི་ཅི་ཟ་ཤོད། །མི་རྣམས་ཀྱི་ནི་ལས་ཅི་སྒྲུབ། །ཡུན་ནི་ཇི་སྲིད་
D257.066.0197a05.01རྒྱུ་བར་བྱེད། །དྲང་སྲོང་དེ་དག་ཐམས་ཅད་ལ། །རྔ་བོང་གིས་ནི་ཇི་སྐད་སྨྲས། །ཇི་ལྟར་ང་ཡིས་བརྗོད་པ་བཞིན། །འདིར་ནི་ཁྱེད་ཀྱིས་དད་པ་ཕུལ། །རྒྱུ་སྐར་འདི་ལ་ངས་མཆོག་ཕྱིན། །དེ་ནི་ཁྱོད་ལ་བརྗོད་པར་བྱ། །{གོ་རིམས་,གོ་རིམ་}ཤེས་པ་ང་བདག་བཞིན། །གླིང་
D257.066.0197a06.01བཞིའི་སེམས་ཅན་ཕན་པའི་ཕྱིར། །ལོ་སྐོར་ཡང་ནི་ཤེས་པར་བྱ། །དང་པོར་ཉི་མ་གང་ཡིན་པ། །ངས་བྱས་པ་ནི་ང་ཡི་མིག །བུ་དྲུག་གཡོ་ཅན་སེམས་རངས་པ། །དེ་ནི་ང་ཡིས་དང་པོར་བརྗོད། །དེ་ཡི་ཕྱིར་ན་སྨིན་དྲུག་ནི། །རྒྱུ་སྐར་ཚོགས་ནི་ཐམས་ཅད་དུ། །
D257.066.0197a07.01