完整藏文原文 · 德格版页 当前仅加载第 66 函德格 196b 版页；藏文 NFD、目录标记与异常页序保留在来源切片中，重复版页行以稳定序号区分。
སེར་སྐྱའི་བུ་ཡི་རུས་སུ་ནི། །ལྷོ་ཡི་ཕྱོགས་སུ་ངས་བཞག་གོ། །དབྱངས་ཅན་གྱི་ནི་བུ་གཉིས་པོ། །མིང་གིས་ཀྱང་ནི་གྲེ་ཡིན་ཏེ། །དྲང་སྲོང་གཽ་ཏ་མ་རུས་སུ་ནི། །ལྷོ་ཡི་ཕྱོགས་སུ་ངས་བཞག་གོ། །ལྷ་མོ་ཡི་ནི་བུ་གཉིས་པོ། །མིང་གིས་ཀྱང་ནི་དབོ་ཡིན་ཏེ། །
D257.066.0196b01.01ཀཽ་ཌི་ནྱ་ཡི་རུས་སུ་ནི། །ལྷོ་ཕྱོགས་ཁ་འཛིན་གསུམ་པ་བཞག །སྡིག་པ་ཡི་ནི་བུ་བསྟན་པ། །དྲང་སྲོང་ཀཱ་ཏཱའི་བུ་ཡི་རུས། །ལྷར་བཅས་དྲང་སྲོང་རྣམས་ཀྱིས་དེར། །མེ་བཞི་ཞེས་ནི་བྱ་བར་བཞག །དྲི་ཟའི་བུ་ནི་ནག་པ་སྟེ། །ཀཱ་ཏཱའི་བུ་ཡི་རུས་ཡིན་ནོ། །
D257.066.0196b02.01ས་རི་དེ་ནི་མ་ཡི་བུ། །ཀཱ་ཏཱའི་བུ་ཆེན་རུས་ཡིན་ནོ། །འདིར་ནི་ས་ག་དཔལ་གྱི་བུ། །ཀཱ་ཏཱའི་བུ་རྒན་རུས་ཡིན་ཏེ། །དྲང་སྲོང་རྣམས་ཀྱིས་རྒྱུ་སྐར་བདུན། །ལྷོ་ཕྱོགས་ཁ་འཛིན་རྣམས་སུ་བཞག །མཛའ་བོའི་བུ་ཡི་བུ་བཞི་པོ། །དྲག་པོའི་བུ་ཡི་རུས་ཡིན་ཏེ། །མིང་
D257.066.0196b03.01གིས་ལྷ་མཚམས་ཞེས་བྱ་བ། །ནུབ་ཕྱོགས་སུ་ནི་བཞག་པ་ཡིན། །དབང་པོ་ཡི་ནི་བུ་གསུམ་སྟེ། །ཟླ་བ་ཀཱ་ཏཱའི་བུ་ཡི་རུས། །འཇམ་པའི་ལས་ནི་ཐམས་ཅད་ལ། །གཉིས་པ་སྣྲོན་ནི་བཞག་པ་ཡིན། །ས་ཡི་ལྷ་མོའི་བུ་གསུམ་སྟེ། །སྣྲུབས་ནི་ལག་པའི་
D257.066.0196b04.01བུ་ཡི་རུས། །རྒྱལ་བའི་ལྷ་མོའི་བུ་བཞི་སྟེ། །ཀཱ་ཏཱའི་བུ་ཡི་རུས་ཡིན་ནོ། །ཐམས་ཅད་ལྷ་ཞེས་བྱ་བ་བཞི། །མཽད་གལ་བུ་ཡི་རུས་ཡིན་ནོ། །སྣྲུབས་དང་ཆུ་སྟོད་ཆུ་སྨད་གཉིས། །རྒྱུ་སྐར་གསུམ་པོ་བཞག་པ་ཡིན། །སྲེད་མེད་བུ་ཡི་བུ་གསུམ་པོ། །རྒྱུ་སྐར་
D257.066.0196b05.01རྣམས་ནི་བྱི་བཞིན་འཁོད། །ཁྱབ་འཇུག་གི་ནི་བུ་གསུམ་སྟེ། །ཀཱ་ཏཱའི་བུ་ཕོ་དཔལ་གྱི་རུས། །དེ་ལྟར་དེ་དག་རྒྱུ་སྐར་བདུན། །ནུབ་ཕྱོགས་ཀྱི་ནི་ཁ་འཛིན་ཡིན། །ནོར་ལྷའི་བུ་ནི་མོན་གྲུ་སྟེ། །དྲང་སྲོང་རྣ་བའི་རུས་ཡིན་ནོ། །ཆུ་ལྷའི་བུ་ནི་གཅིག་པུ་སྟེ། །དེབ་
D257.066.0196b06.01རྩེའི་བུ་ཡི་རུས་ཡིན་ཞིང་། །སྨན་མ་སྤྲུལ་གྱི་ལྷ་མོ་ཡི། །རྒྱུ་སྐར་མོན་གྲེ་གནས་པ་ཡིན། །སྡིག་པ་ཡི་ནི་བུ་གཉིས་ཏེ། །ཁྲུམས་སྟོད་ཅེས་ནི་བྱ་བར་བཤད། །ཆུ་ཡི་རྣ་བའི་རུས་སུ་ནི། །གསུམ་པ་འདི་ནི་བཞག་པ་ཡིན། །ལྷ་ཡི་དྲང་སྲོང་ཆུ་ལྷའི་བུ། །
D257.066.0196b07.01