完整藏文原文 · 德格版页 当前仅加载第 66 函德格 236b 版页；藏文 NFD、目录标记与异常页序保留在来源切片中，重复版页行以稳定序号区分。
བའི་ཕྱིར་མཆོད་རྟེན་ཆེན་པོ་ཉི་ཤུ་པོ་དེ་དག་ལ་གནས་པར་འགྱུར་ཞིང་བྱིན་གྱིས་རློབ་པར་འགྱུར་རོ། །བྱང་ཆུབ་སེམས་དཔའ་སེམས་དཔའ་ཆེན་པོ་དེ་དག་ཐམས་ཅད་དང་། རང་རྒྱལ་བ་ཐམས་ཅད་དང་། ཉན་ཐོས་ཆེན་པོ་ཐམས་ཅད་དང་། དེ་བཞིན་དུ་དྲང་
D257.066.0236b01.01སྲོང་མངོན་པར་ཤེས་པ་ལྔ་དང་ལྡན་པ་རྣམས་ཀྱིས་ཀྱང་སེམས་ཅན་གྱི་དོན་དུ་ལས་ཟད་པར་བྱ་བའི་ཕྱིར་མཆོད་རྟེན་ཆེན་པོ་ཉི་ཤུ་པོ་དེ་དག་ལ་གནས་པར་འགྱུར་ཞིང་བྱིན་གྱིས་རློབ་པར་ཡང་འགྱུར་ཏེ། སེམས་ཅན་དབང་ཆེ་བར་གྲགས་པ་དེ་དག་གི་ལག་ཏུ་ཆང་ཁྱིར་
D257.066.0236b02.01ངས་ཡོངས་སུ་གཏད་པར་མཛད་དོ། །དེ་བཞིན་དུ་ད་ལྟར་ཡང་མཆོད་རྟེན་ཆེན་པོའི་གནས་ཉི་ཤུ་པོ་དེ་དག་ཁྱེད་ཀྱིས་ཇི་ལྟར་མིང་ཡོངས་སུ་བཟུང་བ་བཞིན་ངས་ཡོངས་སུ་གཏད་ཀྱིས། སེམས་ཅན་འཁོར་བས་ཡོངས་སུ་སྐྱོ་བ་རྣམས་ཀྱི་དོན་དུ་ཁྱེད་ཀྱིས་དེ་དག་
D257.066.0236b03.01སྲུངས་ཤིག །ཆོས་རབ་ཏུ་མི་འཇིག་པར་ཡང་དག་པར་ཟུང་ཤིག །དེ་ནས་གང་དག་གི་ལག་ཏུ་མཆོད་རྟེན་ཆེན་པོའི་གནས་ཉི་ཤུ་པོ་དེ་དག་ཡོངས་སུ་གཏད་པའི་ཀླུ་དེ་དག་ཐམས་ཅད་ཀྱིས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས་བདག་ཅག་ཀླུ་
D257.066.0236b04.01རྣམས་ནི་རྨུགས་པ་དང་གཉིད་ཀྱི་སྒྲིབ་པས་ཤིན་ཏུ་མྱོས་པ་ལགས་ཏེ། གང་བདག་ཅག་མཚན་གཅིག་གཉིད་ལོག་པ་དེ་ནི་མིའི་ལྟར་བརྩིས་ན་དགུང་ལོ་ཉི་ཤུ་རྩ་གཅིག་འདས་པར་འགྱུར་ལགས་སོ། །གལ་ཏེ་བདག་ཅག་གཉིད་ཀྱིས་ལོག་ནས་དྲང་སྲོང་ཐུབ་པའི་གནས་
D257.066.0236b05.01དེ་དག་ཏུ་ལྷའི་ཀུན་ཏུ་འཁྲུག་པ་འགའ་ཞིག་བྱུང་བར་གྱུར་ཏམ། མིའི་ཀུན་ཏུ་འཁྲུག་པའམ། ཞུགས་སམ། ཆབ་ཀྱིས་ཀུན་ཏུ་འཁྲུག་པ་འགའ་ཞིག་བྱུང་བར་གྱུར་ན་མཆོད་རྟེན་ཆེན་པོའི་གནས་དེ་དག་རྣམ་པར་འཇིག་པར་འགྱུར་ལགས་ན་བདག་ཅག་གཉིད་ཀྱིས་
D257.066.0236b06.01ལོག་ཅིང་མྱོས་པ་དེ་དག་གིས་རབ་ཏུ་འཇིག་པ་དེ་བསལ་བར་རྔོ་མི་ཐོགས་ལགས་ཏེ། དུས་གསུམ་དུ་གཤེགས་པའི་དེ་བཞིན་གཤེགས་པ་ཐམས་ཅད་ལ་བདག་ཅག་ནོངས་པ་བྱུང་བ་ལགས་པར་འགྱུར་ལགས་སོ། །དེའི་ཚེ་བཅོམ་ལྡན་འདས་ཀྱིས་གནོད་སྦྱིན་གྱི་སྡེ་
D257.066.0236b07.01