完整藏文原文 · 德格版页 当前仅加载第 66 函德格 112b 版页；藏文 NFD、目录标记与异常页序保留在来源切片中，重复版页行以稳定序号区分。
རོ། །དེ་རྣམས་ཀྱི་ནང་དུ་ལྷའི་དྲང་སྲོང་དུ་འགྱུར་ཞིང་ལྷ་རྣམས་ཀྱིས་མཆོད་པའི་འོས་སུ་འགྱུར་རོ། །དེ་དེ་ནས་ཤི་འཕོས་ནས་མི་རྣམས་ཀྱི་ནང་དུ་ཚེ་རབས་བདུན་འཁོར་བར་བྱེད་ཅིང་འདིར་འདོད་པ་རྣམས་ཀྱིས་རྗེས་སུ་གོས་པར་ཡང་མི་འགྱུར་རོ། །འདིར་མི་རྣམས་ཀྱི་ནང་
D257.066.0112b01.01དུ་མིའི་དྲང་སྲོང་དུ་འགྱུར་ཞིང་ལྷ་དང་མི་ཐམས་ཅད་ཀྱིས་ཕྱག་བྱ་བའི་འོས་སུ་གྱུར་པ་དང་། མཆོད་པའི་འོས་སུ་འགྱུར་རོ། །གང་ལ་ལ་ཉི་མ་སྣང་བའི་གཟུངས་སྔགས་སེམས་རྩེ་གཅིག་པས་ལན་བདུན་གྱི་བར་དུ་ཉན་པར་བྱེད་ན་དེ་འཆི་བའི་དུས་བྱས་ནས་ལྷ་རྣམས་ཀྱི་ནང་དུ་ལན་
D257.066.0112b02.01བདུན་གྱི་བར་དུ་དྲང་སྲོང་མངོན་པར་ཤེས་པ་ལྔ་དང་ལྡན་པར་འགྱུར་ཞིང་ལྷ་ཐམས་ཅད་ཀྱིས་ཕྱག་བྱ་བའི་འོས་དང་མཆོད་པའི་འོས་སུ་འགྱུར་རོ། །དེ་འདིར་མི་རྣམས་ཀྱི་ནང་དུ་ལན་བདུན་དུ་དྲང་སྲོང་མངོན་པར་ཤེས་པ་ལྔ་དང་ལྡན་པར་འགྱུར་ཞིང་ལྷ་དང་། ཀླུ་དང་། གནོད་
D257.066.0112b03.01སྦྱིན་དང་། ལྷ་མ་ཡིན་དང་། མི་དང་། མི་མ་ཡིན་པ་རྣམས་ཀྱིས་ཕྱག་བྱ་བའི་འོས་དང་། མཆོད་པའི་འོས་སུ་འགྱུར་རོ། །རིགས་ཀྱི་བུ་གང་ལ་ལ་ལྷ་རྣམས་ཀྱི་ནང་དུ་ཡང་ལྷའི་འདུས་པ་རྣམས་ལ་གཟུངས་སྔགས་ཉི་མ་སྣང་བའི་པད་མ་ཞེས་བྱ་བ་འདི་ལན་བདུན་དུ་རྗོད་པར་
D257.066.0112b04.01བྱེད་ལ། དེ་དག་ཀྱང་སེམས་རྩེ་གཅིག་པས་ཉན་པར་བྱེད་ན་ལྷ་དང་ལྷ་མོ་དེ་དག་ཐམས་ཅད་ཀྱང་འདོད་པའི་ཡོན་ཏན་ལྔ་པོ་ཐམས་ཅད་ལ་མི་ལྟ་བའི་སེམས་དང་ལྡན་པར་འགྱུར་ཞིང་། བསམ་གཏན་ལ་མངོན་པར་དགའ་བར་འགྱུར་རོ། །གལ་ཏེ་ལ་ལ་འདིར་རྒྱལ་པོ་རྣམས་
D257.066.0112b05.01སམ། རྒྱལ་རིགས་རྣམས་སམ། བྲམ་ཟེ་རྣམས་སམ། རྗེའུ་རིགས་རྣམས་སམ། དམངས་རིགས་རྣམས་ཀྱི་རྣ་གུང་དུ་ལན་བདུན་དུ་རྗོད་པར་བྱེད་ལ། གལ་ཏེ་དེ་དག་ཀྱང་སེམས་རྩེ་གཅིག་པས་ཉན་པར་བྱེད་ན་དེ་དག་ཐམས་ཅད་འདོད་པའི་ཡོན་ཏན་ལྔ་པོ་ཐམས་ཅད་ལ་
D257.066.0112b06.01མི་ལྟ་བའི་སེམས་དང་ལྡན་པ་དང་། བསམ་གཏན་ལ་མངོན་པར་དགའ་བར་འགྱུར་རོ། །རིགས་ཀྱི་བུ་བུད་མེད་གང་ལ་ལ་གཟུངས་སྔགས་ཉི་མ་སྣང་བའི་པད་མ་ཞེས་བྱ་བ་འདི་ཉན་པར་བྱེད་ཅིང་ཉིན་ཞག་བདུན་དུ་ལས་གཞན་མི་བྱེད་པར་རྣམ་པར་སེམས་པར་བྱེད་དམ།
D257.066.0112b07.01