完整藏文原文 · 德格版页 当前仅加载第 66 函德格 119b 版页；藏文 NFD、目录标记与异常页序保留在来源切片中，重复版页行以稳定序号区分。
སྦུབས་ལུང་བསྟན་པ་ཆེན་པོ་འདི་ནི་དེ་ལྟར་ཕན་ཡོན་ཆེ་བ་ཡིན་ནོ། །སངས་རྒྱས་ཀྱི་ཞིང་ཡོངས་སུ་དག་པ་ཐམས་ཅད་ནས་སྨད་ཅིང་བོར་བ་མཚམས་མེད་པ་བྱེད་པ་དང་། དམ་པའི་ཆོས་སྤོང་བ་དང་། འཕགས་པ་ལ་སྐུར་པ་འདེབས་པ་དང་། ལྟུང་བའི་རྩ་བ་བྱུང་བའི་སེམས་
D257.066.0119b01.01ཅན་གང་མི་ཟད་པའི་སྦུབས་ལུང་བསྟན་པ་ཆེན་པོ་འདི་ཐོས་ནས་བྱམས་པའི་སེམས་དང་ལྡན་པ་དང་། སེམས་ཅན་ཐམས་ཅད་ལ་སྙིང་བརྩེ་བའི་སེམས་དང་ལྡན་པ་དང་། མཉམ་པའི་སེམས་དང་ལྡན་པ་དང་། ཕྲ་མ་མི་བྱེད་པའི་སེམས་དང་ལྡན་པ་དང་། ཚིག་ཀྱལ་པ་མི་
D257.066.0119b02.01སྨྲ་བའི་སེམས་དང་ལྡན་པས་ལོ་བདུན་དུ་གནས་པར་བྱེད་ཅིང་རྟག་ཏུ་སངས་རྒྱས་རྗེས་སུ་དྲན་པ་སྒོམ་པར་བྱེད་ལ། ཉིན་ལན་གསུམ་མཚན་ལན་གསུམ་དུ་ཆོས་གོས་ཕྲག་པ་གཅིག་ཏུ་བགོས་ནས་པུས་མོའི་ལྷ་ང་གཉི་ག་ས་ལ་བཙུགས་ཏེ། ཐལ་མོ་སྦྱར་ནས་མངོན་དུ་སངས་
D257.066.0119b03.01རྒྱས་ཡིད་ལ་བྱེད་པས་མི་ཟད་པའི་སྦུབས་ལུང་བསྟན་པ་འདི་དྲན་པར་བྱེད་ན་ལོ་བདུན་འདས་ནས་དེའི་ལས་དྲག་པོ་ཐམས་ཅད་མ་ལུས་པར་ཟད་པར་འགྱུར་ཞིང་སྦྱངས་པར་འགྱུར་ཏེ། རིགས་ཀྱི་བུ་མི་ཟད་པའི་སྦུབས་ལུང་བསྟན་པ་ཆེན་པོ་འདི་ནི་དེ་ལྟར་རྫུ་འཕྲུལ་ཆེ་བ་ཡིན་
D257.066.0119b04.01ནོ། །འདིར་དབང་ཕྱུག་ལ་མངོན་པར་འདོད་པའི་བུད་མེད་གང་ཞིག་མི་ཟད་པའི་སྦུབས་ལུང་བསྟན་པ་འདི་ཐོས་ནས་ཟླ་བ་བདུན་དུ་ཉིན་ལན་གསུམ་མཚན་ལན་གསུམ་པུས་མོའི་ལྷ་ང་གཉི་ག་ས་ལ་བཙུགས་ཏེ། ཐལ་མོ་སྦྱར་ནས་མདུན་དུ་མངོན་དུ་སངས་རྒྱས་ཡིད་ལ་བྱེད་པས་མི་ཟད་
D257.066.0119b05.01པའི་སྦུབས་ལུང་བསྟན་པ་འདི་དྲན་པར་བྱེད་ན་བུད་མེད་དེ་རིས་འཐུན་པར་དབང་ཕྱུག་ཆེན་པོ་ཐོབ་པར་འགྱུར་རོ། །ཕྱིས་ཀྱང་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཀྱི་བར་དུ་རང་གི་སྨོན་ལམ་མ་གཏོགས་པར་འཁོར་བར་བུད་མེད་ཀྱི་དངོས་པོ་འཐོབ་པར་མི་འགྱུར་རོ། །ཁྱོད་
D257.066.0119b06.01མངོན་པར་འདོད་པའི་བུད་མེད་གང་ཞེས་བྱ་བ་ནས་རིགས་མངོན་པར་འདོད་པའི་བུད་མེད་གང་ཞེས་བྱ་བའི་བར་དང་། ནོར་མངོན་པར་འདོད་པའི་བུད་མེད་གང་ཞེས་བྱ་བའི་བར་དང་། མངལ་ན་བུ་ཡོད་པའི་ཁུར་གྱིས་སྐྱོ་བའི་བུད་མེད་གང་ཞེས་བྱ་བའི་བར་དང་། བུ་མངོན་པར་
D257.066.0119b07.01