完整藏文原文 · 德格版页 当前仅加载第 66 函德格 205b 版页；藏文 NFD、目录标记与异常页序保留在来源切片中，重复版页行以稳定序号区分。
སོང་། །ཟླ་ཉ་ཟླ་བ་རངས་པའི་ཚེ། །སྨིན་དྲུག་ཀྱང་ནི་འགྲོ་བར་གྱིས། །ལྷ་དང་མི་དང་དྲང་སྲོང་རྣམས། །བྱེད་པ་གང་གིས་སྔར་བསྟན་བཞིན། །ཞག་ནི་སུམ་ཅུ་ཟླ་བ་རངས། །ཉིན་དང་མཚན་ནི་མཉམ་པ་སྟེ། །ཡུད་ཙམ་བཅོ་ལྔ་བཅོ་ལྔ་ཡིན། །གྲིབ་མའི་
D257.066.0205b01.01གོམ་དྲུག་འདིར་ཀུན་འཁོར། །ཐ་སྐར་གྱི་ནི་མཚན་མོ་ཐོབ། །ཉི་མའི་མདུན་ན་ལྷ་མཚམས་ཏེ། །ལྷོ་ཕྱོགས་སུ་ནི་ཉི་མ་འཁོར། །ཞིང་གི་དཀྱིལ་འཁོར་མིག་དམར་ཡིན། །ཉི་བུ་ལྷ་སྲོང་རབ་སྤྲོ་བྱས། །ཁྱོད་ཀྱིས་ཟླ་བ་འདི་ལ་ནི། །རྩྭ་དང་ལག་འགྲོ་གནོད་སྦྱིན་
D257.066.0205b02.01དང་། །སྡིག་པ་ལས་སོགས་བསྲུང་བར་གྱིས། །ཆ་དང་ཆར་ནི་དུས་བཞག་པར། །སྡིག་པ་ཞེས་བྱ་ཁྱོད་ཕན་སོང་། །ཕྱོགས་དང་ཕྱོགས་སུ་ལས་བཞག་པར། །ཁྱོད་ནི་ཡང་དག་ཕན་པར་སོང་། །མི་འཐུན་འཐུན་དང་འཕེལ་འདི་ཡིན། །འགྲོ་བ་ལ་ནི་ཕན་
D257.066.0205b03.01པ་ཡི། །རྗེས་སུ་འཐུན་པ་བདག་གིས་སུ། །དང་པོར་བསྡུ་བ་བྱས་འདི་ཡིན། །དེ་ནས་དྲང་སྲོང་རྔ་བོང་གིས་ཐམས་ཅད་ལ་ཐལ་མོ་རབ་ཏུ་སྦྱར་ཏེ་འཁོར་ལ་གོ་བར་བྱེད་ཅིང་སྨྲས་པ། འདི་ལྟར་བདག་གིས་{གོ་རིམས་ཀྱི་,གོ་རིམ་གྱི་}དང་པོ་དང་། མཚན་མོ་དང་། ཉིན་མོ་དང་། ཟླ་
D257.066.0205b04.01བ་དང་། ཟླ་བ་ཕྱེད་དང་། རྒྱུ་སྐར་དང་། གཟའ་དང་། དུས་དང་། ཁྱིམ་དང་། གནས་དང་། འགྲོ་བར་བྱེད་པ་དང་། འཁོར་བ་དང་། འགྲོ་བ་དང་། མཐོང་བ་དང་། ཐོས་པ་དང་། རྣམ་པར་ཤེས་པ་དེ་བཞིན་དུ་ད་ལྟར་ཡང་བསྟན་ཅིང་རྣམ་པར་གཞག་ན། ཅི་
D257.066.0205b05.01ཁྱེད་ཅག་འདི་ལྟར་རྣམ་པར་གཞག་པ་དང་། གདགས་པར་རྒྱུ་སྐར་དང་། གཟའ་ཡོངས་སུ་མགུ་བ་ལ་རྗེས་སུ་ཡི་རང་བར་བྱེད་དམ། འོན་ཏེ་མ་ཡིན། དེ་ནས་དེ་ཉིད་ཀྱི་ཚེ་ལྷ་མ་ཡིན་དང་། མི་དང་། དྲང་སྲོང་དང་། ལྷ་དང་། ལག་འགྲོ་དང་། མི་འམ་ཅིའི་
D257.066.0205b06.01ཚོགས་ཐམས་ཅད་ཀྱིས་ཐལ་མོ་རབ་ཏུ་སྦྱར་བ་བཏུད་ནས་འདི་སྐད་ཅེས་སྨྲས་སོ། །ཀྱེ་ཁྱོད་ནི་ལྷ་ཐམས་ཅད་ཀྱི་བླ་མ། ལྷ་དང་ལྷ་མ་ཡིན་དུ་བཅས་པའི་འགྲོ་བའི་ནང་ན་གཙོ་བོ། མཚུངས་པ་མེད་པར་མཁས་ལ་མངོན་པར་རྟོགས་པའི་སྙིང་བརྩེ་བས་བསྐལ་པ་ཕ་རོལ་དྲན་
D257.066.0205b07.01