完整藏文原文 · 德格版页 当前仅加载第 66 函德格 132a 版页；藏文 NFD、目录标记与异常页序保留在来源切片中，重复版页行以稳定序号区分。
ལ་སེམས་སྐྱེད་པར་བྱེད་ན་སེམས་ཅན་དེ་དག་རིས་འཐུན་པ་ཉིད་ཀྱིས་བདེན་པ་དང་རྗེས་སུ་འཐུན་པའི་བཟོད་པ་ཐོབ་པར་བྱེད་དོ། །སེམས་ཅན་དེ་དག་ཐམས་ཅད་ཀྱང་ངན་སོང་གསུམ་དང་བྲལ་བ་དང་མཐོ་རིས་སུ་འགྲོ་བ་དག་ཏུ་གྱུར་ཏོ། །རིགས་ཀྱི་བུ་ངས་ཐབས་
D257.066.0132a01.01ལ་འཇུག་པའི་སྦྱོར་བ་ལ་བརྟུལ་བ་དེས་སེམས་ཅན་དག་ཡོངས་སུ་སྨིན་པར་བྱས་ཤིང་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཀྱང་ཡང་དག་པར་བསྒྲུབས་སོ། །རིགས་ཀྱི་བུ་རིག་པ་ཡོད་པའི་སྦུབས་ཞི་བ་ལུང་བསྟན་པ་ཆེན་པོ་འདི་ནི་དེ་ལྟར་དོན་ཆེ་བ་ཡིན་ནོ། །རིགས་
D257.066.0132a02.01ཀྱི་བུ་ངས་སེམས་ཅན་ནད་པ་གང་དག་མཐོང་བ་དེ་དག་ལ་རིག་པ་ཡོད་པའི་སྦུབས་ཞི་བ་ལུང་བསྟན་པ་ཆེན་པོ་འདིས་སྨན་སིང་ཧ་ཀྵིར་ལ་བྲམས་ནས་ནད་པ་ལ་བྱིན་ནད་ཐམས་ཅད་རབ་ཏུ་ཞི་བར་གྱུར་ཏོ། །གང་ན་སྨན་སིང་ཧ་ཀྵིར་མེད་པར་ཡང་ངས་དེའི་མདུན་དུ་བཟའ་བ་དང་།
D257.066.0132a03.01བཏུང་བ་གང་ཡིན་པ་ལ་རིག་པ་ཡོད་པའི་སྦུབས་ཞི་བ་ལུང་བསྟན་པས་བྲམས་ནས་ནད་པ་ལ་བྱིན་ནད་ཐམས་ཅད་རབ་ཏུ་ཞི་བར་གྱུར་ཏོ། །གལ་ཏེ་དེ་ཡང་མེད་པར་གྱུར་ན་ངས་སྨན་བཀྲུས་ཏེ་བོར་བ་ལ་རིག་པ་ཡོད་པའི་སྦུབས་ཞི་བའི་གསང་སྔགས་ཀྱི་གཞི་དག་གིས་བྲམས་ནས་
D257.066.0132a04.01ནད་པ་ལ་བྱིན་ནད་ཐམས་ཅད་རབ་ཏུ་ཞི་བར་གྱུར་ཏོ། །རིགས་ཀྱི་བུ་ངས་ཐབས་ལ་འཇུག་པའི་སྦྱོར་བ་ལ་བརྟུལ་བ་དེས་སེམས་ཅན་རྣམས་ཡོངས་སུ་སྨིན་པར་བྱས་ཤིང་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཀྱང་ཡང་དག་པར་བསྒྲུབས་སོ། །གང་ན་ཤིང་ལྗོན་པ་དག་
D257.066.0132a05.01མེ་ཏོག་དང་འབྲས་བུ་མི་སྐྱེ་བ་དེར་ཡང་ངས་རིག་པ་ཡོད་པའི་སྦུབས་ཞི་བ་གསང་སྔགས་ཀྱི་གཞི་ཆེན་པོ་དག་གིས་ཆར་པའི་ཆུ་ལ་བྲམས་ནས་ཤིང་དག་ལ་བཏབ་ན་ཤིང་དེ་དག་ལོ་མང་པོར་ཆུ་མེད་ཀྱང་མེ་ཏོག་དང་འབྲས་བུ་དག་དང་ལྡན་པར་གྱུར་ཏོ། །དེ་བཞིན་དུ་བུ་རམ་ཤིང་
D257.066.0132a06.01དང་། རྒུན་འབྲུ་དག་དང་། འབྲུ་དང་། སྨན་དག་གི་བར་དག་ལ་ཡང་བྱས་སོ། །གང་ན་ཆར་མི་འབབ་ཅིང་ཆུ་མེད་པ་དེར་ཡང་ངས་རུ་སྦལ་གྱི་སྙིང་ལ་རིག་པ་ཡོད་པའི་སྦུབས་ཞི་བ་གསང་སྔགས་ཀྱི་གཞི་འདིས་བྲམས་ནས་ཤིང་ཙམ་པ་ཀའི་འདབ་མས་དཀྲིས་ཏེ། ཀླུ་མཚོའི་
D257.066.0132a07.01