完整藏文原文 · 德格版页 当前仅加载第 85 函德格 100a 版页；藏文 NFD、目录标记与异常页序保留在来源切片中，重复版页行以稳定序号区分。
ངན་སོང་དུ་འགྲོ་བར་མི་འགྱུར་རོ། །སྐྱེས་པ་དང་། བུད་མེད་དང་། ལྷ་དང་། ཀླུ་དང་། གནོད་སྦྱིན་དང་། སྲིན་པོ་དང་། བྱོལ་སོང་དང་། {ཡི་དགས་,ཡི་དྭགས་}དང་། དམྱལ་བ་ལ་སོགས་པ་གང་ཡང་རུང་བ་ཤི་བའི་ལུས་རྣམས་དཀྱིལ་འཁོར་དུ་བཅུག་སྟེ་དབང་བསྐུར་ན་དེ་དམྱལ་བར་
D485.085.0100a01.01སྐྱེས་ན་ཡང་དེ་མ་ཐག་ཉིད་དུ་རྣམ་པར་ཐར་ནས་ལྷའི་རིགས་སུ་སྐྱེ་བར་འགྱུར་རོ། །ལྷའི་རིགས་དེར་སྐྱེས་པར་གྱུར་ནས་དེ་བཞིན་གཤེགས་པ་ཐམས་ཅད་ཀྱི་ཆོས་ཉིད་མངོན་སུམ་དུ་བྱེད་ཅིང་ཕྱིར་མི་ལྡོག་པར་ཡང་འགྱུར་རོ། །རྒྱུད་ངེས་པ་ཅན་དུ་ཡང་འགྱུར་ཞིང་དེ་བཞིན་གཤེགས་པ་ཐམས་ཅད་ཀྱི་
D485.085.0100a02.01རིགས་སུ་རབ་ཏུ་སྐྱེ་བར་འགྱུར་རོ། །སྒྲིབ་པ་རྣམས་རབ་ཏུ་སྤངས་ནས་དེ་བཞིན་གཤེགས་པ་ཐམས་ཅད་ཀྱི་རིགས་སམ། ལྷའི་རིགས་སམ། གཞན་དུ་ཡང་བདེ་བ་མྱོང་བར་འགྱུར་རོ། །ལྷའི་དབང་པོ་མདོར་ན་འཇིག་རྟེན་དང་འཇིག་རྟེན་ལས་འདས་པའི་ཕན་པ་དང་། བདེ་བ་ཐམས་ཅད་མྱོང་
D485.085.0100a03.01བར་འགྱུར་རོ། །དེ་ནས་ལྷའི་དབང་པོས་བཅོམ་ལྡན་འདས་ལ་སྔ་མ་བཞིན་དུ་བསྐོར་བ་བྱས་ཏེ་ཕྱག་འཚལ་ནས་འདི་སྐད་ཅེས་གསོལ་ཏོ། །བཅོམ་ལྡན་འདས་ངན་སོང་ཐམས་ཅད་ཀྱི་དབང་དུ་གྱུར་པ་རྣམས་ལ་ཕན་པ་དང་བདེ་བར་བགྱི་བ་དང་། ཇི་ལྟར་སེམས་ཅན་རྣམས་ངན་སོང་ཐམས་ཅད་ལ་རྒྱབ་
D485.085.0100a04.01ཀྱིས་ཕྱོགས་པར་བགྱི་བ་དང་། བླ་ན་མ་མཆིས་པ་ཡང་དག་པར་རྫོགས་པའི་བྱང་ཆུབ་བདེ་བླག་ཏུ་རྟོགས་པར་བགྱི་བའི་སླད་དུ་ཆོས་བཤད་དུ་གསོལ། དེ་ནས་བཅོམ་ལྡན་འདས་ཤཱཀྱ་ཐུབ་པས་ངན་སོང་ཐམས་ཅད་ཡོངས་སུ་སྦྱོང་བའི་ཡེ་ཤེས་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་
D485.085.0100a05.01ནས་དེ་བཞིན་གཤེགས་པ་ཐམས་ཅད་ཀྱིས་ངན་སོང་ཐམས་ཅད་ཡོངས་སུ་སྦྱོང་བ་གཟི་བརྗིད་ཀྱི་རྒྱལ་པོ་ཞེས་བྱ་བའི་དཀྱིལ་འཁོར་ཆེན་པོ་གསུངས་ཏེ། དེ་མགོན་པོ་ཤཱཀྱ་ཐུབ་པ་ཉིད་ཀྱིས་གསུངས་པ་ནི། དང་པོ་རེ་ཞིག་རྣལ་འབྱོར་པས་སྐྱེ་བོས་དབེན་པའི་ཡིད་དང་རྗེས་སུ་མཐུན་པའི་ས་ཕྱོགས་སུ།
D485.085.0100a06.01འཇམ་ཞིང་ཤིན་ཏུ་འབོལ་བའི་གདན་ལ་འདུག་སྟེ། དྲི་བཟང་པོས་མཎྜལ་བྱས་ནས་ཉེ་བར་སྤྱོད་པ་ལྔའི་མཆོད་པ་བྱའོ། །དེ་ནས་ཆོས་ཐམས་ཅད་བདག་མེད་པར་བསྒོམས་ལ། བདག་ཉིད་ཡི་གེ་ཧཱུྃ་གིས་རྡོ་རྗེ་འབར་བ་མེ་ཉི་མར་བསྒོམས་ཏེ། དེའི་མགྲིན་པར་ཡི་གེ་ཧྲཱི་ལས་པདྨ་དང་དེའི་སྟེང་དུ་
D485.085.0100a07.01