完整藏文原文 · 德格版页 当前仅加载第 85 函德格 131a 版页；藏文 NFD、目录标记与异常页序保留在来源切片中，重复版页行以稳定序号区分。
དུ་ནི། །ཆོ་ག་ཇི་བཞིན་ཐབ་ཁུང་རྐོ། །རྡོ་རྗེས་མཐའ་མ་བསྐོར་བ་ཡི། །འཁོར་ལོ་དབུས་སུ་བྲི་བར་བྱ། །རིགས་ལྔ་ཡི་ནི་ཕྱག་རྒྱ་རྣམས། །ཇི་བཞིན་རང་གི་ཕྱོགས་སུ་བྲི། །ཇི་བཞིན་སེམས་དཔའ་རྣམས་དང་ནི། །འཇིག་རྟེན་ལ་སོགས་ཕྱི་ནས་
D485.085.0131a01.01བྲི། །དེ་ནས་བུམ་པ་གང་བ་དང་། །གཏོར་མས་སྣོད་རྣམས་བཀང་བ་ནི། །བརྒྱད་དམ་བཅུ་དྲུག་དག་ཏུ་གཞག །བཟའ་དང་བཅའ་བ་ཞལ་ཟས་དང་། །མེ་ཏོག་ཕྲེང་སོགས་དེ་བཞིན་ཏེ། །བླ་རེ་རྒྱལ་མཚན་དར་ལ་སོགས། །གདུགས་མཆོག་རྣམས་ཀྱིས་ལེགས་
D485.085.0131a02.01པར་བརྒྱན། །དེ་ལྟར་སྦྱིན་སྲེག་ཐབ་ཁུང་ནི། །མཆོག་ཏུ་ཡང་དག་སྦྱིན་སྲེག་བྱ། །ཆོ་ག་ཤེས་པས་དེ་བྲིས་ནས། །ལྷ་ཡི་ཚོགས་ནི་སྤྱན་དྲངས་ཏེ། །སྔགས་ཤེས་པས་སྔགས་ཕྱག་རྒྱ་ཡིས། །ཨརྒྷ་ལ་སོགས་ཕུལ་ནས་ནི། །མདོར་བསྡུས་མཆོད་པ་བྱས་ནས་སུ། །
D485.085.0131a03.01ལྷ་ཡི་སྦྱོར་བས་རབ་གནས་ལ། །ག་པུར་གུར་གུམ་ལ་སོགས་པས། །མར་དང་འོ་མ་ཏིལ་བསྒོས་ལ། །ཏིལ་དང་ཡུངས་ཀར་འབྲས་རྣམས་དང་། །དྲི་ཡི་ཆུས་ནི་ལེགས་བཀང་སྟེ། །འབྲས་ཆན་སྤོས་དང་ལ་དུ་དང་། །སྦྲང་རྩི་ཤ་ཀ་རར་ལྡན་ལ། །བརྒྱ་ཕྲག་དུ་མར་ཡོངས་སུ་
D485.085.0131a04.01བཟླས། །ཡམ་ཤིང་ལ་ཡང་དེ་བཞིན་ཏེ། །རང་གིས་སྔགས་ཀྱིས་བཏབ་པའི་ཤིང་། །ཁུང་བུའི་ནང་དུ་གཞག་པར་བྱ། །ལྷ་དང་ཀླུ་དང་གནོད་སྦྱིན་དང་། །དྲི་ཟ་ལ་སོགས་སུ་གནས་པའི། །རོ་ལ་སྔགས་ཀྱིས་བཏབ་ནས་སུ། །ཆུ་མཆོག་གིས་ནི་བཀྲུས་ནས་ནི། །སྔགས་བཟླས་དྲི་ཡིས་བྱུག་པར་བྱ། །གོས་
D485.085.0131a05.01དང་རྒྱན་གྱིས་བརྒྱན་བྱ་ཞིང་། །སྔགས་ཀྱིས་བཏབ་པའི་བདུག་པས་བདུག །མེ་ཏོག་ཕྲེང་བ་ལ་སོགས་མཆོད། །གཙུག་ཕུད་དཔུང་པར་དེ་བཞིན་དུ། །སྔགས་བྲིས་ནས་ནི་གདགས་པར་བྱ། །སྙིང་ག་མགྲིན་པ་ཁ་ཕྱོགས་སུ། །སརྦ་བིདྱཱས་བྱིན་གྱིས་བརླབས། །དཔྲལ་བ་མཛོད་སྤུ་རྣ་བ་གཉིས། །མགོ་བོ་སྤྱི་གཙུག་
D485.085.0131a06.01དཔུང་པ་གཉིས། །རྣ་བ་དཀུ་དང་པུས་མོ་བོལ། །སྣ་ཡི་རྩེ་མོ་ལོང་བུ་དང་། །མིག་གཉིས་དང་ནི་གསང་བ་ཡི། །དབང་པོ་རྣམས་ཀྱི་གནས་དང་ནི། །དེ་ལྟར་གཞན་དུའང་གནས་ཡི་གེ། །མཆོག་ཏུ་དགེ་བ་དེ་དག་གཞག །དེ་དག་ངན་སོང་ཡོངས་སྦྱང་ཕྱིར། །སྟན་དང་བཅས་ཏེ་ཐེབ་དབུས་གཞག །དེ་ནས་སྔགས་པས་
D485.085.0131a07.01