完整藏文原文 · 德格版页 当前仅加载第 85 函德格 101a 版页；藏文 NFD、目录标记与异常页序保留在来源切片中，重复版页行以稳定序号区分。
བཟུང་བ་ནི་རྡོ་རྗེ་འཇིགས་བྱེད་སྤྱན་གྱི་ཕྱག་རྒྱའོ། །དེའི་འོག་ཏུ་རྡོ་རྗེ་གནོད་སྦྱིན་གྱི་ཕྱག་རྒྱ་དང་བཅས་པས་སླར་སྟེང་བཅིང་བར་བྱ་སྟེ། །ཨོྃ་བཛྲ་ཡཀྵ་ཧཱུྃ་ཞེས་པ་འདི་དང་རྡོ་རྗེ་ཐལ་མོ་མཐེ་བོ་གཉིས་བརྐྱང་ལ་མཛུབ་མོ་གཉིས་མཆེ་བ་ལྟ་བུར་བྱས་པ་ནི་རྡོ་རྗེ་གནོད་སྦྱིན་གྱི་
D485.085.0101a01.01ཕྱག་རྒྱའོ། །རྡོ་རྗེ་གཙུག་ཏོར་གྱི་ཕྱག་རྒྱ་དང་བཅས་པས་ཤར་ཕྱོགས་བཅིང་བར་བྱ་སྟེ། །ཨོྃ་དྲུྃ་བྷནྡྷ་ཧྃ་ཞེས་པའོ། །དྲུྃ་ཞེས་པ་ཡང་ངོ་། །རྡོ་རྗེ་ཁུ་ཚུར་གཉིས་ཀྱིས་མཐེའུ་ཆུང་ལུ་གུ་རྒྱུད་དུ་སྦྲེལ་ལ་མཛུབ་མོ་གཉིས་རྩེ་སྦྱར་ལ་བཟློག་ནས་སྤྱི་བོར་བཞག་པ་ནི་རྡོ་རྗེ་གཙུག་ཏོར་གྱི་ཕྱག་རྒྱའོ། །
D485.085.0101a02.01ཡང་རྡོ་རྗེ་ཞགས་པས་ཤར་དེ་ཉིད་བཅིང་བར་བྱ་སྟེ། ཨོྃ་བཛྲ་པཱ་ཤ་ཧྲཱིཿཞེས་པ་དང་། རྡོ་རྗེ་ཁུ་ཚུར་གཉིས་ཀྱིས་མཁྲིག་མ་མདུད་པ་བྱས་པ་ནི་རྡོ་རྗེ་ཞགས་པའི་ཕྱག་རྒྱའོ། །རྡོ་རྗེ་བ་དན་གྱིས་ནུབ་ཕྱོགས་བཅིང་བར་བྱ་སྟེ། །ཨོྃ་བཛྲ་པཱ་ཏཱཾ་ཀེ་པ་ཏཱཾ་གི་ནི་ར་ཊ་ཞེས་པ་དང་། རྡོ་རྗེ་བསྡམས་པ་ལས་
D485.085.0101a03.01མཐེ་བོང་གཉིས་སེམས་དཔའི་སྐྱིལ་ཀྲུང་བྱས་ལ་མཛུབ་མོ་གཉིས་མཉམ་པོར་གཤིབས་ཏེ་ཕྱེ་ལ་མཐེའུ་ཆུང་བ་དན་ལྟར་བྱས་པ་ནི་རྡོ་རྗེ་བ་དན་གྱིའོ། །ཕྱོགས་དང་མཚམས་དང་སྟེང་དང་འོག་གི་བགེགས་རྣམས་ཚར་གཅད་པར་བྱའོ། །རྡོ་རྗེ་དུས་ཀྱིས་བྱང་ཕྱོགས་བཅིངས་ཏེ་ཧྲཱིཿབཛྲ་ཀཱ་ལི་རུ་ཊ་མ་ཊ་
D485.085.0101a04.01ཞེས་པ་དང་། རྡོ་རྗེ་གནོད་སྦྱིན་གྱི་ཕྱག་རྒྱ་སྙིང་གར་བསྟན་པར་བྱས་པ་ནི་རྡོ་རྗེ་དུས་ཀྱིའོ། །རྡོ་རྗེ་རྩེ་མོས་ལྷོ་བཅིངས་ཏེ། ཨོྃ་བཛྲ་ཤི་ཁ་རེ་རུ་ཊ་མ་ཊ་ཞེས་པ་དང་། རྡོ་རྗེ་ཁུ་ཚུར་གཉིས་ཀྱིས་རི་བོ་འདེགས་པའི་ཚུལ་ནི་རྡོ་རྗེ་རྩེ་མོའིའོ། །རྡོ་རྗེ་ལས་ཀྱིས་དཀྱིལ་འཁོར་བཅིང་བར་བྱས་ལ་ར་བ་བྱའོ། །
D485.085.0101a05.01ཧཱུྃ་བཛྲ་ཀརྨ་ཞེས་པའོ། །ཡང་རྡོ་རྗེ་ཧཱུྃ་མཛད་ཀྱིས་ནང་དུ་རབ་བྱ་སྟེ་ཧཱུྃ་ཞེས་པ་དང་། རྡོ་རྗེ་ཁུ་ཚུར་གཉིས་བཅིངས་ལ་རྡོ་རྗེ་མཁྲིག་མ་གཉིས་བསྣོལ་ཏེ་མཐེའུ་ཆུང་གཉིས་ལྕགས་ཀྱུར་སྦྲེལ་ལ་མཛུབ་མོ་གཉིས་སྡིགས་མཛུབ་ཏུ་སྒྲེང་བ་ནི་འཇིག་རྟེན་གསུམ་ལས་རྣམ་པར་རྒྱལ་བ་ཞེས་བྱ་བ་རྡོ་རྗེ་ཧཱུྃ་མཛད་
D485.085.0101a06.01ཀྱིའོ། །འདི་ཉིད་ལས་མཛུབ་མོ་དང་གུང་མོ་གཉིས་རྡོ་རྗེ་ལྟར་བྱས་པ་ནི་རྡོ་རྗེ་ལས་ཀྱིའོ། །རྡོ་རྗེ་བསྡམས་པས་རྡོ་རྗེའི་གུར་སྦྱིན་པར་བྱ་སྟེ། བཛྲ་བནྡྷ་པྃ་ཞེས་པ་འདིས་སོ། །དེ་ནས་རྡོ་རྗེ་འཁོར་ལོའི་ཕྱག་རྒྱས་ངན་སོང་ཐམས་ཅད་ཡོངས་སུ་སྦྱོང་བའི་དཀྱིལ་འཁོར་མདུན་དུ་རྫོགས་པར་བྱ་སྟེ། ཨོྃ་བཛྲ་
D485.085.0101a07.01