完整藏文原文 · 德格版页 当前仅加载第 85 函德格 128b 版页；藏文 NFD、目录标记与异常页序保留在来源切片中，重复版页行以稳定序号区分。
འཁོར་ཐུགས་རྗེ་ཡི། །བདག་ཉིད་ཀྱང་ནི་བྲི་བར་འཚལ། །བཅོམ་ལྡན་དེ་ནི་བདག་གུས་ལ། །བཀའ་དྲིན་མཛད་པར་རིགས་ལགས་སོ། །འཇིག་རྟེན་མགོན་པོ་བརྩེ་བ་ཅན། །སངས་རྒྱས་བྱང་ཆུབ་སེམས་དཔའ་དང་། །དགྲ་བཅོམ་གང་གཞན་སྔགས་ཀྱི་ལྷ། །ལྷ་དང་
D485.085.0128b01.01འཇིག་རྟེན་སྐྱོང་རྣམས་དང་། །འབྱུང་པོ་རྫུ་འཕྲུལ་ཆེ་གང་དང་། །སངས་རྒྱས་བསྟན་ལ་མངོན་དགའ་རྣམས། །བདག་ལ་ཡང་དག་དགོངས་སུ་གསོལ། །ཆེ་གེ་མོ་ཞེས་བྱ་བ་དང་། །ཆེ་གེ་མོ་ཡི་དཀྱིལ་འཁོར་ནི། །རང་ཉིད་འབྱུང་བ་བགྱིད་པར་འཚལ། །ཇི་ལྟར་གུས་པའི་ཉེར་སྤྱོད་
D485.085.0128b02.01ཀྱིས། །སློབ་མ་དང་བཅས་བདག་ལ་ནི། །རྗེས་སུ་བརྩེ་བ་ཉེར་བཟུང་ནས། །དཀྱིལ་འཁོར་དང་བཅས་ཐམས་ཅད་ནི། །ཉེ་བར་བྱོན་པར་མཛད་པར་རིགས། །དེ་སྐད་སྨྲས་ཏེ་ཚིག་གང་ཞིག །བཅོམ་ལྡན་འདས་ལ་ཕྱག་འཚལ་ནས། །བསྟོད་པའི་ཉེར་སྤྱོད་ཀྱང་བྱས་ནས། །
D485.085.0128b03.01དེ་དག་གཤེགས་སུ་གསོལ་བར་བྱ། །ཆགས་བྲལ་སོ་སོར་ལྡན་པ་ཡི། །སློབ་མ་རྣམས་ལ་ཆོས་བཤད་བྱ། །བློ་ལྡན་ཤར་དུ་མགོ་བསྟན་ཏེ། །དགེ་བའི་གཉིད་ཀྱིས་ཉལ་དུ་གཞུག །དེ་ནས་སྔ་དྲོ་ཉིད་དུ་ནི། །མཚན་མོའི་རྨི་ལམ་མཐོང་བ་དྲི། །གང་ཚེ་དགེ་བའམ་མི་དགེ་བ། །
D485.085.0128b04.01དོགས་མེད་ཉིན་པར་ཐོས་ནས་སུ། །སངས་རྒྱས་རྡོ་རྗེ་འཛིན་པས་ནི། །རིགས་བདུན་རྣམས་ཀྱི་དམ་ཚིག་བསྐྱང་། །དེ་ནས་བུ་ཁྱོད་དམ་ཚིག་དང་། །སྡོམ་པ་རྒྱལ་བ་ཡིས་གསུངས་པ། །དད་པས་བླ་མའི་བཀའ་ཡང་བསྐྱང་། །ཁྱེད་ཀྱིས་སྲོག་ཆགས་གསད་མི་བྱ། །མ་བྱིན་མི་བླང་
D485.085.0128b05.01འདོད་ལོག་དང་། །དངོས་གྲུབ་འདོད་པས་མི་བྱའོ། །ཆང་མི་བཏུང་ཞིང་ཤ་ལ་སོགས། །བཟའ་བ་ནམ་ཡང་མ་ཡིན་ཉིད། །སེམས་ཅན་ཀུན་ལ་གནོད་མི་བྱ། །དཀོན་མཆོག་གསུམ་ཡང་མི་སྤང་ཞིང་། །དུས་རྣམས་ཀུན་དུ་བྱང་ཆུབ་སེམས། །སྙིང་པོ་སྔགས་དང་ཕྱག་རྒྱ་དང་། །བླ་
D485.085.0128b06.01མ་ལྷ་རྣམས་དེ་བཞིན་ཉིད། །བླ་མའི་བཀའ་ལས་འདའ་མི་བྱ། །གང་ལས་སྡིག་འགྱུར་དེ་ལས་འདའ། །དེ་ལ་ཕུལ་བའི་རྙིང་པ་དང་། །གྲིབ་མ་ལ་ཡང་འགོམ་མི་བྱ། །ཕྱག་རྒྱའི་རྣམ་པའང་དེ་བཞིན་ཉིད། །སྔགས་དང་ལྷ་ལ་མི་སྨད་ཅིང་། །གདོན་གྱི་ལས་རྣམས་མི་བྱའོ། །
D485.085.0128b07.01