完整藏文原文 · 德格版页 当前仅加载第 85 函德格 143b 版页；藏文 NFD、目录标记与异常页序保留在来源切片中，重复版页行以稳定序号区分。
གལ་ཏེ་ཚུལ་འདི་སྨྲས་ན་ནི། །དེ་མ་ཐག་ཏུ་དྲལ་ཏེ་གཤེགས། །བཛྲ་ཨུངྐ་ཋཿཞེས་བྱའོ། །དེ་ནས་སློབ་མ་ལ་འདི་སྐད་ཅེས་སྨྲའོ། །དེང་ནས་བརྩམས་ནས་ཁྱོད་ཀྱི་ཕྱག་ན་རྡོ་རྗེ་ང་ཡིན་གྱི། ངས་འདི་གྱིས་ཤིག་ཅེས་གང་བསྒོ་བ་དེ་བྱ་དགོས་སོ། །ཁྱོད་ཀྱིས་ང་ལ་བརྙས་པར་མ་
D485.085.0143b01.01བྱེད་ཅིག །ཁྱོད་ཡ་ང་བ་མ་སྤངས་པར་ཚེའི་དུས་བྱས་ནས་དམྱལ་བར་ལྟུང་བར་འགྱུར་ཏ་རེ་ཞེས་པའོ། །དེའི་རྗེས་ལ་རང་གི་སྙིང་གར་ཡི་གེ་ཨ་རྡོ་རྗེའི་འོད་ཟེར་གྱི་ཕྲེང་བ་དང་ལྡན་པར་བསམ་མོ། །དེ་ནས་སློབ་མའི་སྙིང་ག་དང་། མཛོད་སྤུ་དང་། མགྲིན་པ་དང་། སྤྱི་བོ་རྣམས་སུ་ཟླ་
D485.085.0143b02.01བའི་དཀྱིལ་འཁོར་ལ་གནས་པའི་རྡོ་རྗེ་རྩེ་ལྔ་པ་འབར་བ་དང་། རིན་པོ་ཆེ་དང་། པདྨ་དང་། སྣ་ཚོགས་རྡོ་རྗེ་བསམས་ཏེ། ཧཱུྃ་ཏྲཱྃ་ཧྲཱིཿཨཿཞེས་པ་འདི་དག་གི་{གོ་རིམས་,གོ་རིམ་}བཞིན་དུའོ། །སྒོ་དབྱེ་བའི་ཕྱག་རྒྱས་རང་དང་སློབ་མའི་སྙིང་གར་ཕྱེ་ལ་རང་གི་སྙིང་གར་ཡི་གེ་ཡྃ་ལས་ཡི་གེ་ཕྱུང་ལ་སློབ་
D485.085.0143b03.01མའི་སྙིང་གར་གནས་པའི་རྡོ་རྗེ་དབུས་སུ་བློས་བཅུག་ལ་ལུས་ཐམས་ཅད་གང་བར་བསམ་མོ། །འདི་སྐད་ཅེས་བརྗོད་དོ། །དེ་བཞིན་གཤེགས་པ་ཐམས་ཅད་ཀྱིས་ཀྱང་བྱིན་གྱིས་རློབས་ལ། རྡོ་རྗེ་སེམས་དཔའ་བདག་ལ་འབབ་ཏུ་གསོལ་ཞེས་སྨྲོས་ཤིག །དེ་ནས་མྱུར་དུ་རྡོ་
D485.085.0143b04.01རྗེ་སློབ་དཔོན་གྱིས་ཁྲོ་བོ་ཏི་རིནྟི་རི་བཅིངས་ལ་འདི་སྐད་བརྗོད་པར་བྱ་སྟེ། འདི་དེ་དམ་ཚིག་རྡོ་རྗེ་ཡིན། །རྡོ་རྗེ་སེམས་དཔའ་ཞེས་བྱར་གྲགས། །རྡོ་རྗེ་ཡེ་ཤེས་བླ་ན་མེད། །ཁྱོད་ལ་དེ་ཉིད་འབབ་གྱུར་ཅིག །བཛྲ་ཨཱ་བེ་ཤ་ཨཱཿཞེས་པ་བཅུ་དང་། ཉི་ཤུ་དང་། སུམ་ཅུ་དང་། བཞི་བཅུ་དང་།
D485.085.0143b05.01ལྔ་བཅུ་དང་། དྲུག་ཅུ་དང་། བདུན་ཅུ་དང་། བརྒྱད་ཅུ་དང་། དགུ་བཅུ་དང་། ལན་བརྒྱར་བརྗོད་དེ་ངེས་པར་འབབ་པར་འགྱུར་རོ། །དེ་ནས་རྡོ་རྗེའི་ཁུ་ཚུར་བཅིངས་ལ་སེམས་མ་རྡོ་རྗེ་མའི་ཕྱག་རྒྱ་དྲལ་བར་བྱ་ཞིང་འདི་དག་བརྗོད་དེ། ཨོྃ་སུམྦྷ་ནི་སུམྦྷ་ཧཱུྃ། གྲྀཧྞ་གྲྀཧྞ་ཧཱུྃ། གྲྀ་ཧྞཱ་པ་ཡ་གྲྀཧྞཱ་
D485.085.0143b06.01བ་ཡ་ཧཱུྃ། ཨཱ་ན་ཡ་ཧོ་བྷ་ག་བཱ་ན་བཛྲ་བི་དྱཱ་རཱ་ཛ་ཧཱུྃ་ཕཊ། ཨཿཨཿཨཿཨཿཨཿ། བཅུ་དང་། ཉི་ཤུ་དང་། སུམ་ཅུ་དང་། བཞི་བཅུ་དང་། ལྔ་བཅུ་དང་། དྲུག་ཅུ་དང་། བདུན་ཅུ་དང་། བརྒྱད་ཅུ་དང་། དགུ་བཅུ་དང་། ལན་བརྒྱར་བརྗོད་པར་བྱའོ། །བཅོམ་ལྡན་འདས་ཀྱིས་ཀྱང་རྡོ་རྗེ་རླུང་
D485.085.0143b07.01