完整藏文原文 · 德格版页 当前仅加载第 85 函德格 136a 版页；藏文 NFD、目录标记与异常页序保留在来源切片中，重复版页行以稳定序号区分。
མཛད་དང་བཅས་པའི་ཕྱག་རྒྱ་བསྡུ་བས་ཡང་བཅོམ་ལྡན་འདས་རྡོ་རྗེ་ཧཱུྃ་མཛད་བཀླག་པར་བྱའོ། །གཞན་རྣམས་རྡོ་རྗེ་ཧཱུྃ་མཛད་དུ་འགྱུར་བ་རིགས་པ་ཡང་མ་ཡིན་ཏེ། རྒྱུད་ཐམས་ཅད་དུ་ཧཱུྃ་མཛད་ངེས་པར་བསྟན་པར་ཡང་མ་ཡིན་ནོ། །དེའི་རྗེས་སུ་དེ་ཁོ་ན་བཞིན་
D485.085.0136a01.01ལྕེ་ལ་རྡོ་རྗེ་བཀོད་དེ་རིམ་པ་བཞིན་དུ་སངས་རྒྱས་རྡོ་རྗེ་འཆང་ལ་སོགས་པའི་ཆོས་ཀྱི་ཡི་གེ་རྣམས་དགོད་དོ། །དེ་རྣམས་ཀྱང་ཧཱུྃ་ཡིག་སངས་རྒྱས་རྡོ་རྗེ་ཅན། ཏྲྭྃ་ཡིག་རྡོ་རྗེའི་སྙིང་པོ་ཡི། །ཧྲཱིཿཡི་རྣམ་པར་རྡོ་རྗེའི་སྡེའི། །ཨཿཡིག་རྡོ་རྗེ་སྣ་ཚོགས་ཀྱི། །ཧཱུྃ་སེམས་དཔའ་རྡོ་རྗེ་མ་ཡི། །
D485.085.0136a02.01ཏྭཱྃ་རིན་ཆེན་རྡོ་རྗེ་མ་ཡི། །ཧྲཱིཿཆོས་ཀྱི་རྡོ་རྗེ་མ་ཡི། །ཨཿལས་ཀྱི་རྡོ་རྗེ་མ་ཡི། །ཧཱུྃ་ཧཱུྃ། ཏྲཱྃ་ཏྲཱྃ། ཧྲཱིཿཧྲཱིཿ། ཨཿཨཿཞེས་བྱའོ། །རྡོ་རྗེ་སེམས་དཔའ་ལ་སོགས་པ་དགའ་བ་ཆེན་པོ་ལ་ཧཱུྃ། གཟུགས་མཛེས་པ་ལ་ཧཱུྃ། མཆོད་པ་ཐམས་ཅད་ལ་ཧཱུྃ། རབ་ཏུ་
D485.085.0136a03.01དགའ་བ་ལ་ཧཱུྃ། དབུས་སུ་བགྲོད་པ་ལ་ཧཱུྃ། ལེགས་པར་གཟི་མཆོག་ལ་ཧཱུྃ། དྲི་{བཟངས་,བཟང་}མཆོག་ལ་ཧཱུྃ། ཨཱ་ཡཱ་ཧི་ཛ་ཧཱུྃ། ཨཱ་ཧི་ཧཱུྃ་ཧཱུྃ་ཧཱུྃ་ཧི་སྤོ་ཊ་བཾ་ཧཱུྃ་གྷ་ཎྚ་ཨ་ཨཿཧཱུྃ། རྡོ་རྗེ་སྒེག་མོ་ལ་སོགས་པ་ནས་རྡོ་རྗེ་འབེབས་པའི་མཐར་ཐུག་པ་རྣམས་ཀྱིའོ། །དེ་མ་ཐག་ཏུ་ཨའི་ཡི་གེ་
D485.085.0136a04.01ལས་སྙིང་གར་སྣ་ཚོགས་རྡོ་རྗེ་བསྐྱེད་པ་ལས་ཀྱི་ཕྱག་རྒྱ་བཅིང་ངོ་། །དེ་ལ་ཁྲོ་བོའི་ཁུ་ཚུར་རྣམ་པ་གཉིས་བྱས་ལ་གཡོན་པའི་རྡོ་རྗེ་སོར་མོ་གཡས་པས་བཟུང་ཞིང་བསྒྲེང་བ་བྱང་ཆུབ་མཆོག་ཅེས་བྱ་བའི་ཕྱག་རྒྱ་འདི་ནི་སངས་རྒྱས་ཀྱི་བྱང་ཆུབ་རབ་ཏུ་སྟེར་རོ། །གཉིས་པོ་དེ་དག་གིས་འགྱིང་
D485.085.0136a05.01བ་དང་བཅས་པས་གསལ་བར་བྱེད་པ་ནི་རྡོ་རྗེ་ཧཱུྃ་མཛད་དང་རྡོ་རྗེ་སེམས་དཔའ་དང་སེམས་དཔའ་རྡོ་རྗེ་མ་རྣམས་ཀྱིའོ། །ལྕགས་ཀྱུ་འཛིན་པར་ཡང་དག་གནས། །མདའ་གསོར་བ་ཡི་སྦྱོར་བ་དང་། །ལེགས་སོ་ཞེས་བྱ་སྙིང་གར་གནས། །རྡོ་རྗེ་གཉིས་ཉིད་དབང་བསྐུར་བ། །རིན་ཆེན་
D485.085.0136a06.01ཧཱུྃ་མཛད་དང་། རྡོ་རྗེ་ཁྲོ་གཉེར་དང་། ཁྲོ་བོ་དང་། རིན་ཆེན་རྡོ་རྗེ་མ་རྣམས་ཀྱིའོ། །སྙིང་གར་ཉི་མ་རབ་ཏུ་བལྟ། །གཡོན་གནས་ལག་ངར་དབྱུག་པ་དང་། །དེ་བཞིན་འདི་ནི་ཡོངས་སུ་བཟློག །གཡས་དང་གཡས་མིན་རྣམ་པར་བསྣོལ། །ཆོས་ཀྱི་ཧཱུྃ་མཛད་དང་། རྡོ་རྗེ་
D485.085.0136a07.01