完整藏文原文 · 德格版页 当前仅加载第 85 函德格 123b 版页；藏文 NFD、目录标记与异常页序保留在来源切片中，重复版页行以稳定序号区分。
མི་བྱའོ། །སློབ་དཔོན་མ་ཡིན་མི་གཟུང་ཞིང་། །མཚན་མ་སློབ་དཔོན་སྤངས་པ་ཡང་། །སྔགས་དང་ཕྱག་རྒྱ་མི་སྨད་དེ། །ལྷ་རྣམས་ལ་ཡང་ག་ལ་ཞིག །གལ་ཏེ་རྨོངས་པས་སྨད་ན་ནི། །ནད་ཀྱིས་ངེས་པར་འཆི་བར་འགྱུར། །མཆོད་རྙིང་ལྷ་ཡི་གྲིབ་མ་དང་། །འཇིག་རྟེན་
D485.085.0123b01.01འཇིག་རྟེན་ལས་འདས་པའི། །ཕྱག་རྒྱ་ཡི་གེ་མཚན་མ་ཡང་། །གོམ་པས་བགོམ་པར་མི་བྱའོ། །བླུན་པོ་དཀོན་མཆོག་གསུམ་སོགས་དང་། །སངས་རྒྱས་བསྟན་ལ་གནོད་བྱེད་དང་། །བླ་མ་སྨོད་ལ་བརྩོན་པ་རྣམས། །མཁས་པས་བསྒྲིམས་ཏེ་གསད་པར་བྱ། །ཆོས་མི་ལྡན་
D485.085.0123b02.01དང་བསྲེག་པ་དག །རྟག་ཏུ་སེམས་ཅན་གནོད་བརྩོན་དང་། །དམ་ཚིག་སྡང་རྣམས་སྙིང་བརྩེ་བས། །སྔགས་པས་སྔགས་ཀྱིས་གཞོམ་པར་བྱ། །འཇུངས་པའི་ནོར་ཡང་ཡང་དག་བླང་། །སེམས་ཅན་སྡུག་བསྔལ་ཅན་ལ་སྦྱིན། །བླ་མ་མཆོད་པའི་རྒྱུ་མཚན་དང་། །དེ་བཞིན་དམ་
D485.085.0123b03.01ཚིག་སྒྲུབ་པ་དང་། །དཀྱིལ་འཁོར་དོན་དང་རྒྱལ་སྲས་ལ། །མཆོད་པའི་དོན་ཕྱིར་བསམས་པ་ཡིས། །ནོར་འཕྲོག་འཇུངས་པའི་ནོར་ཡང་འོང་། །སེམས་ཅན་རྣམས་ལ་ཕན་དགའ་བས། །དམ་ཚིག་དང་ནི་བླ་མའི་རྫས། །སེམས་ཅན་རྣམས་ཀྱི་སྲོག་བསྲུང་ཕྱིར། །རྟག་ཏུ་{བརྫུན་,རྫུན་}ནི་སྨྲ་
D485.085.0123b04.01བར་བྱ། །སངས་རྒྱས་རྣམས་ནི་མཉེས་བྱ་དང་། །དམ་ཚིག་རྣམས་ནི་བསྲུང་བ་དང་། །སྔགས་རིག་པ་ཡི་བསྒྲུབ་པའི་ཕྱིར། །གཞན་གྱི་བུད་མེད་ཀྱང་བསྟེན་བྱ། །རྡོ་རྗེ་སེམས་དཔའི་གནས་འདུག་པས། །ཐམས་ཅད་སྤྱོད་ཅིང་ཀུན་བྱས་ཀྱང་། །འགྲུབ་འགྱུར་ཉེས་པར་མི་འགྱུར་ན། །སྙིང་
D485.085.0123b05.01རྗེ་ལྡན་པས་སྨོས་ཅི་དགོས། །དེ་ནས་འདིས་བཀའི་དབང་བསྐུར་རོ། །ཨོྃ་སརྦ་ཏ་ཐཱ་ག་ཏཱ་ཛྙཱ་ཏེ་དཱ་སྱཱ་མི་གྲྀཧྞ་བཛྲ་སུ་སིདྡྷ་ཡེ། ཨོྃ་བཛྲ་ཏིཥྵ་ཧཱུྃ། འདིས་རྡོ་རྗེ་ལག་ཏུ་བྱིན་ལ་ཕྲིན་ལས་ཀྱི་དབང་བསྐུར་སྦྱིན་ནོ། །ཨོྃ་སརྦ་ཀརྨ་ཎི་ཀུ་རུ་བུ་དྡྷཱ་ནཱཾ་ཧཱུྃ། དེ་ནས་བླ་མ་བླ་མར་བྱ་བའི་ཕྱིར། །ཁྱོད་ཀྱི་
D485.085.0123b06.01ལུས་མཆོག་སྦྱིན་པར་བྱ། །རྫས་དང་ནོར་དང་འབྲུ་རྣམས་དང་། །རྟ་དང་བཞོན་པ་ཉིད་དང་ནི། །བྲན་གྱི་མཆོག་དང་ཁང་པ་དང་། །རྒྱལ་སྲིད་དབང་ཕྱུག་དེ་བཞིན་ཏེ། །བུ་དང་བུ་མོ་ཆུང་མ་དང་། །མ་དང་སྲིང་མོ་ཚ་མོ་དང་། །གཞན་ཡང་ཅི་བཞེད་ཐམས་ཅད་ནི། །ཕན་པའི་བསམ་
D485.085.0123b07.01