完整藏文原文 · 德格版页 当前仅加载第 85 函德格 127a 版页；藏文 NFD、目录标记与异常页序保留在来源切片中，重复版页行以稳定序号区分。
པས་དཀྱིལ་འཁོར་བྲི། །གང་བསྔགས་ནག་པོའི་ཕྱོགས་ལ་ཡང་། །དཀྱིལ་འཁོར་འགལ་བ་མ་ཡིན་ནོ། །ལྔ་པ་དེ་རྗེས་བདུན་པ་དང་། །ཉ་གང་བ་ནི་ཁྱད་པར་དུ། །བསྔགས་ཏེ་ཕྱག་ན་པདྨ་ཡི། །དཀྱིལ་འཁོར་བྱ་བའི་ཆོ་ག་ལའོ། །གང་ཡང་དྲག་པོའི་ལས་རྣམས་ལ། །
D485.085.0127a01.01དེ་ནི་ནག་པོ་ལ་ཡང་བྲི། །ཁྲོ་བོ་རྣམས་ཀྱི་དཀྱིལ་འཁོར་ཡང་། །ཟླ་བ་ཉ་བ་ཁྱད་པར་དུ། །རྒྱལ་པོ་རྣམས་ཀྱིས་དཀྱིལ་འཁོར་བསྔགས། །གཞན་ཡང་རང་གིས་འདུས་བྱས་པའི། །དཀྱིལ་འཁོར་ལ་བརྩོན་གདབ་བྱ་ཞིང་། །ཤར་ནས་འཆར་བའི་དབང་བྱ་སྟེ། །ཕྱོགས་ཀྱི་ཆ་ནི་
D485.085.0127a02.01བརྟག་པར་བྱ། །དེ་ནས་དཀྱིལ་འཁོར་དགོད་པ་ནི། །ཡིད་ཀྱིས་ཡོངས་སུ་བརྟག་པར་བྱ། །སྔགས་དང་རྒྱུད་ནི་དང་པོར་བྱས། །འཇམ་ཞིང་སྔགས་གཟུགས་དགེ་ཞིང་ཞི། །རྗེས་མཐུན་རང་གི་སློབ་ཉིད་ཀྱི། །སློབ་མ་ལྷན་ཅིག་ཙམ་གྱིས་སྤྱད། །དེ་ནས་ནང་པར་རབ་སྔར་ལངས། །
D485.085.0127a03.01ལེགས་བཀྲུས་གོས་དཀར་འཆང་ཞིང་གཙང་། །བློ་ལྡན་བླ་མ་སློབ་མར་བཅས། །དཀྱིལ་འཁོར་དྲུང་དུ་ཀུན་ནས་འགྲོ། །དཀྱིལ་འཁོར་ཕྱོགས་ཉིད་ཤིན་ཏུ་ཡང་། །ཉེ་བར་བྱུགས་ཤིང་ལེགས་པར་མཉེས། །ཁྲོ་བོ་ཆེན་པོ་བཟླས་པ་ཡི། །དྲི་ཡི་ཆུ་ཡིས་བསངས་པ་ཡི། །དབུས་སུ་
D485.085.0127a04.01རིགས་རྣམས་སྙིང་པོ་ཡིས། །ལྷག་པར་གནས་པར་བྱ་བ་ཉིད། །དཀྱིལ་འཁོར་གྱི་ནི་གཙོ་བོ་ཡི། །སྔགས་ཀྱི་ལས་རྣམས་ཐམས་ཅད་བྱ། །ས་ལ་སོར་ནི་བཅུ་གཉིས་པའི། །དཀྱིལ་འཁོར་དྲི་ཡིས་བྱས་ནས་སུ། །དཀྱིལ་འཁོར་རིག་པས་ལན་བདུན་དུ། །ལྷག་པ་དེ་ནས་བཟླས་
D485.085.0127a05.01པར་བྱ། །དེ་རྗེས་ལྷ་རྣམས་ཉིད་ཀྱི་ཡང་། །བྱང་ཆུབ་ཆེན་པོ་ཞེས་བྱ་བའི། །སྙིང་པོས་སྐལ་བ་ཇི་ལྟ་བ། །དྲི་དང་མེ་ཏོག་སོགས་མཆོད་པ། །བྱས་ནས་གཏོར་མ་དབུལ་བྱ་ཞིང་། །མངོན་པར་བསྔགས་པའི་སྤོས་ཀྱང་ངོ་། །དེ་ནས་ཙནྡན་ལ་སོགས་པ། །བསྲེས་པའི་ཆུ་ལ་
D485.085.0127a06.01མངོན་པར་བསྔགས། །དེ་ལ་དབུལ་བའི་མེ་ཏོག་དང་། །བདུག་པ་ལ་ཡང་ཆོ་ག་བཞིན། །སོ་ཤིང་ཨུ་དུམ་བཱ་ར་དང་། །ཨ་ཤྭཏྠ་སོགས་རྨ་མེད་ཅིང་། །ཤིན་ཏུ་ཕྲ་མིན་སྦོམ་པ་མིན། །སོར་མོ་བཅུ་གཉིས་ཚད་ཙམ་ནི། །དྲི་ཡི་ཆུ་ཡིས་རབ་བཀྲུས་ཤིང་། །མེ་ཏོག་ཕྲེང་བ་ཡིས་ཀྱང་
D485.085.0127a07.01