完整藏文原文 · 德格版页 当前仅加载第 85 函德格 119a 版页；藏文 NFD、目录标记与异常页序保留在来源切片中，重复版页行以稳定序号区分。
ཨོྃ་ཨཱ། ཨོྃ་སོ། ཨོྃ་ཨཾ། ཨོྃ་བུ། ཨོྃ་བྲྀ། ཨོྃ་ཤུ། ཨོྃ་ས། ཨོྃ་རཱ། དེ་ནས་དེ་དག་གི་དཀྱིལ་འཁོར་འབྱུང་སྟེ། དབུས་སུ་བཅོམ་ལྡན་འདས་ཕྱག་ན་རྡོ་རྗེ་ཉིད་འཇིག་རྟེན་གསུམ་ལས་རྣམ་པར་རྒྱལ་བའི་གཟུགས་སུ་བྲིའོ། །མཐའ་རྣམས་སུ་ནི་རྒྱ་མཚོ་
D485.085.0119a01.01ཆེན་པོ་བཞི་བྲིའོ། །དེ་ཡི་མདུན་དུ་པ་བ་སངས། །ཟླ་བ་རྒྱབ་ཏུ་བྲི་བར་བྱ། །གཡས་སུ་ཕུར་བུ་བྲི་བྱ་ཞིང་། །གཡོན་དུ་ལྷག་པ་བྲི་བར་བྱ། །མེ་ཡི་གནས་སུ་མིག་དམར་ཉིད། །རླུང་གི་ཕྱོགས་སུ་ཉི་མ་སྟེ། །དབང་ལྡན་དུ་ནི་སྤེན་པ་ཉིད། །སྲིན་པོའི་ཕྱོགས་སུ་སྒྲ་གཅན་བྲི། །
D485.085.0119a02.01དཀྱིལ་འཁོར་ཕྱི་རོལ་ཁོར་ཡུག་ཏུ། །རྒྱུ་སྐར་ཐམས་ཅད་བྲི་བར་བྱ། །སྒོ་སྒོར་དེ་བཞིན་སྒོ་བ་རྣམས། །ཁྲོས་པའི་ཡིད་དུ་བྲི་བར་བྱ། །རྡོ་རྗེ་འཛིན་པས་འཇུག་བྱ་སྟེ། །རྡོ་རྗེ་ལྕགས་ཀྱུ་ལ་སོགས་པས། །ཐམས་ཅད་ཀྱང་ནི་སྤྱན་དྲང་ངོ་། །དེ་ནས་སློབ་མ་རྣམས་གཞུག་སྟེ། །
D485.085.0119a03.01ཨོྃ་བཛྲ་ཧ་ན་ཧཱུྃ་ཕཊ། ཨོྃ་བཛྲ་གྲ་ཧེ་ས་མ་ཡེ་ཧཱུྃ། ཨོྃ་བཛྲ་གྲ་ཧ་པྲ་ཏཱིཙྪ་ཧཱུྃ། དེ་ནས་གཟའ་བརྒྱད་སྔགས་ནི་སྔགས་པ་ཡིས། བུམ་པ་བརྒྱད་པོ་རྣམས་ཀྱིས་དབང་བསྐུར་རོ། །དེ་ནས་རྡོ་རྗེ་ཕྱག་རྒྱས་དབང་བསྐུར་ཏེ། དེ་ནས་གཟའ་རྣམས་ཐམས་ཅད་བསྒྲུབ་པར་བྱའོ། །དེ་ནས་
D485.085.0119a04.01གཟའ་ཆེན་པོ་དག་གིས། བཅོམ་ལྡན་འདས་ལ་ཕྱག་འཚལ་ནས་འདི་སྐད་ཅེས་གསོལ་ཏོ། །བཅོམ་ལྡན་འདས་བདག་ཅག་གཟའ་ཆེན་པོ་བརྒྱད་ཀྱིས་རྒྱལ་པོ་ཆེན་པོ་དེ་དང་། རྒྱལ་པོའི་བུ་ལ་ཀུན་དུ་དུས་ཐམས་ཅད་དུ་དེ་ཁོ་ན་བཞིན་དུ་ཐམས་ཅད་བགྱིའོ། །དེ་ནས་
D485.085.0119a05.01རྒྱུ་སྐར་དང་། སྐད་ཅིག་དང་། ཐང་ཅིག་དང་། ཡུད་ཙམ་རྣམས་སོ། །ཚེས་དང་། སྦྱོར་བ་དང་། ཁྱིམ་དང་། དུས་སྦྱོར་དང་། འཇུག་ཕོད་ལ་སོགས་པའི་དཀྱིལ་འཁོར་གྱི་ལྷ་རྣམས་ཀྱིས་དེ་བཞིན་དུ་ཕྱག་འཚལ་ནས་འདི་སྐད་ཅེས་གསོལ་ཏོ། །བཅོམ་ལྡན་འདས་བདག་ཅག་གིས་
D485.085.0119a06.01ཀྱང་དུས་ཐམས་ཅད་དུ་སེམས་ཅན་ཆེན་པོའི་བཀའ་མི་བཅག་ཅིང་དཔོན་པོ་བཞིན་དུ་བསྐྱང་བར་བགྱིའོ། །གྲོང་ཁྱེར་དང་། གྲོང་རྡལ་དང་། ལྗོངས་དང་། ཡུལ་འཁོར་དང་། རྒྱལ་པོའི་ཕོ་བྲང་གི་གནས་ཐམས་ཅད་སོ་སོར་བསྐྱབ་པར་བགྱིའོ། །འཇིགས་པ་ཆེན་པོ་འབྱུང་བའི་
D485.085.0119a07.01