完整藏文原文 · 德格版页 当前仅加载第 85 函德格 132b 版页；藏文 NFD、目录标记与异常页序保留在来源切片中，重复版页行以稳定序号区分。
བཞིན་དུ་བྱས་སོ། །འབྲས་བུ་དེ་བཞིན་དུ་ཐོབ་པར་གྱུར་ཏོ། །དབང་ལྡན་དུ་མགྲིན་པ་སྔོན་པོ་གླང་ཁྱུ་མཆོག་ལ་ཞོན་པ། སྐུ་མདོག་དཀར་པོ་ཕྱག་བཞི་པ། གཡས་པའི་དང་པོ་དང་གཉིས་པ་རྡོ་རྗེ་རྩེ་གསུམ་པ་དང་མཆོག་སྦྱིན་དུ་བཅས་པ། གཡོན་པའི་གཅིག་གིས་རྩེ་གསུམ་པ་འཛིན་ཅིང་
D485.085.0132b01.01གཉིས་པས་རལ་གྲི་འཛིན་པ་སྦྲུལ་གྱི་མཆོད་ཕྱིར་ཐོགས་པ་ཅན་བྲིས་ཏེ། ཨོྃ་པ་ཤུ་པ་ཏི་ནཱི་ལ་ཀཎྜ་ཨུ་མཱ་པྲཱི་ཡ་སྭཱ་ཧཱ་ཞེས་པ་འདིས་སོ། །དེ་ནས་ཕྱག་རྒྱ་འདི་ཡིན་ཏེ། ལག་པ་རྡོ་རྗེ་ཁུ་ཚུར་བྱས་ལ་མཐེའུ་ཆུང་མཐེ་བོང་གིས་མནན་ཏེ་སོར་མོ་ལྷག་མ་རྣམས་རྡོ་རྗེའི་མཚན་ཉིད་དུ་བྱས་ཤིང་མིང་མེད་
D485.085.0132b02.01དང་མཛུབ་མོའང་རྡོ་རྗེའི་རྣམ་པར་ཅུང་ཟད་འདུད་པར་བྱའོ། །འདི་ནི་ཕྱུགས་བདག་གི་ཕྱག་རྒྱའོ། །ཁྱབ་འཇུག་ཁྱུང་ལ་ཞོན་པ། མདོག་ནག་པོ་ཕྱག་བཞི་པ། ཕྱག་གཡས་པ་དག་ན་དབྱུག་ཏོ་དང་རྡོ་རྗེ་འཛིན་ཅིང་། གཡོན་པ་དག་ན་དུང་དང་འཁོར་ལོ་འཛིན་པའོ། །གསེར་གྱི་རྡོ་རྗེ་མ་
D485.085.0132b03.01ཁྱབ་འཇུག་ལྟ་བུ་གསེར་གྱི་མདོག་ཅན་དུ་ཤེས་པར་བྱའོ། །རྡོ་རྗེ་དྲིལ་བུ་མ་རྨ་བྱ་ལ་ཞོན་པ། ཞལ་དྲུག་པ། དམར་པོ་གཡས་པ་དག་ན་ཤཀྟི་དང་རྡོ་རྗེ། གཡོན་པ་དག་ན་ཁྱིམ་བྱ་དང་དྲིལ་བུ་འཛིན་པའོ། །རྡོ་རྗེ་གཞོན་ནུ་མ་རྡོ་རྗེ་དྲིལ་བུ་ལྟ་བུར་ཤེས་པར་བྱའོ། །མི་སྨྲ་བ་རྡོ་རྗེ་དང་པ་ལ་
D485.085.0132b04.01ལ་ཞོན་པ། གསེར་མདོག་ཅན་ཞལ་བཞི་པ། ཕྱག་བཞི་པ་ཕྱག་གཡས་པ་དག་ན་རྡོ་རྗེ་དང་བགྲང་ཕྲེང་འཛིན་ཅིང་། གཡོན་པ་དག་ན་དབྱུག་ཐོ་དང་སྤྱི་བླུགས་འཛིན་པའོ། །རྡོ་རྗེ་ཞི་བ་མ་ཚངས་པ་ལྟ་བུར་ཤེས་པར་བྱའོ། །རྡོ་རྗེ་མཚོན་ཆ་གླང་པོ་ཆེ་དཀར་པོ་ལ་ཞོན་པ། ཕྱག་གཡོན་
D485.085.0132b05.01པས་རང་གི་རྡོ་རྗེ་འཛིན་ཅིང་གཡས་པས་འཇིག་རྟེན་ལས་འདས་པའི་རྡོ་རྗེ་འཛིན་པའོ། །རྡོ་རྗེ་ཁུ་ཚུར་རྡོ་རྗེ་མཚོན་ཆ་ལྟར་ཤེས་པར་བྱའོ། །རྡོ་རྗེ་འཁྱིལ་བ་ཁྲོ་བོ་ཡང་ཤིང་རྟ་ལ་ཞོན་པ། མདོག་དམར་པོ། གཡས་པ་དང་གཡོན་པ་ན་པདྨ་དང་། ཉི་མའི་དཀྱིལ་འཁོར་འཛིན་པའོ། །
D485.085.0132b06.01རྡོ་རྗེ་བདུད་རྩི་མ་དང་རྡོ་རྗེ་འཁྱིལ་པ་ཁྲོ་བོ་ལྟ་བུ་ཉིད་དོ། །རྡོ་རྗེ་འོད་ཟེར་ཁྲོ་བོ་དཀར་པོ་ངང་པ་ལ་ཞོན་པ་གཡས་པས་རྡོ་རྗེ་འཛིན་ཅིང་། གཡོན་པས་པདྨ་དང་ཟླ་བ་འཛིན་པའོ། །རྡོ་རྗེ་འོད་ཟེར་མ་རྡོ་རྗེ་ཁྲོ་བོ་ལྟ་བུའོ། །རྡོ་རྗེ་དབྱུག་པ་ཁྲོ་བོ་རུས་སྦལ་ལ་ཞོན་པ་མདོག་སྔོན་པོ་ཕྱག་གཡས་ན་རྡོ་རྗེ་འཛིན་
D485.085.0132b07.01