完整藏文原文 · 德格版页 当前仅加载第 85 函德格 144a 版页；藏文 NFD、目录标记与异常页序保留在来源切片中，重复版页行以稳定序号区分。
གི་དཀྱིལ་འཁོར་ལ་རྡོ་རྗེ་ཧཱུྃ་གི་རྣམ་པའི་འོད་ཟེར་གྱི་མདོག་དམར་པོ་འབར་བ་གང་བཞིན་པར་བསམ་མོ། །སླར་ཡང་གལ་ཏེ་འབབ་པར་མ་གྱུར་ན། དེའི་ཚེ་དྲིལ་བུ་དང་བཅས་པས་རྡོ་རྗེ་འབེབས་པའི་དམ་ཚིག་གི་ཕྱག་རྒྱ་བཅིངས་ལ་རྐང་པ་གཡོན་པས་དེའི་རྐང་པ་
D485.085.0144a01.01མནན་ལ་སྟེང་གི་ནམ་མཁའི་ཕྱོགས་སུ་རྣམ་པར་སྣང་མཛད་དཔལ་རྡོ་རྗེ་ཧཱུྃ་མཛད་ཀྱི་སྟེང་དུ་དེ་ཉིད་ལ་དབབ་པའི་ཕྱིར་ཁྲོ་བོ་ཧཱུྃ་གི་རྣམ་པའི་འོད་ཟེར་གྱི་ཚོགས་ཀྱིས་མནན་བཞིན་པ་དང་། འོག་ནས་ཀྱང་རྡོ་རྗེ་རླུང་གི་དཀྱིལ་འཁོར་དང་། ཧཱུྃ་གི་རྣམ་པས་བརྡེག་བཞིན་པ་དང་། དེ་བཞིན་
D485.085.0144a02.01དུ་ཤར་ལ་སོགས་པའི་ཕྱོགས་སུ་བཞུགས་པའི་མི་བསྐྱོད་པ་ལ་སོགས་པ་རྣམས་ཀྱིས་ཧཱུྃ་ཏྲཱྃ་ཧྲཱིཿཨཿཞེས་བྱ་བ་རང་གི་ས་བོན་གྱི་འོད་ཟེར་གྱི་ཚོགས་ཀྱིས་ཡང་དག་པར་འབེབས་པར་མཛད་པར་བསམ་ཞིང་དེ་ལ་དབབ་སྟེ། ཧཱུྃ་བཛྲ་ཨཱ་བེ་ཤ་ཡ་ཨཿཞེས་རྣམ་པ་བརྒྱར་བརྗོད་པར་བྱའོ། །གལ་
D485.085.0144a03.01ཏེ་སྡིག་པ་མང་བ་ཉིད་ཀྱིས་འབབ་པར་མ་གྱུར་ན་དེའི་ཚེ་སྡིག་པ་དྲལ་བའི་ཕྱག་རྒྱས་དེའི་སྡིག་པ་རྣམས་ཡང་དང་ཡང་དུ་དྲལ་བར་བྱའོ། །ཡམ་ཤིང་འཇག་མ་རྣམས་ཀྱི་མེ། །རབ་འབར་རྡོ་རྗེ་ཁྲོ་བོ་ཡི། །མཉམ་པར་བཞག་པས་དབུལ་བ་ཡིས། །དེ་ཡི་སྡིག་པ་ཐམས་ཅད་ནི། །
D485.085.0144a04.01ཏིལ་གྱི་སྦྱིན་སྲེག་དེས་ངེས་བསྲེག །ཨོྃ་སརྦ་པཱ་པྃ་ད་ཧ་ན་བཛྲཱ་ཡ་སྭཱ་ཧཱ་ཞེས་བྱ་བ་དང་། ལག་པ་གཡས་པའི་མཐིལ་དུ་ཏིལ་ནག་པོ་ལས་སྡིག་པའི་གཟུགས་བརྙན་བྱས་ལ། ཡི་གེ་ཧཱུྃ་དབུས་སུ་བསམས་ཏེ། མཛུབ་མོ་དང་མཐེ་བོང་དག་གིས་སྦྱིན་སྲེག་བྱའོ། །དེ་ནས་སྦྱིན་སྲེག་
D485.085.0144a05.01གི་ཐབ་ཁུང་ལས་འབྱུང་བའི་འབར་བའི་ཕྲེང་བ་ཀུན་དུ་འཁྲུགས་པའི་རྡོ་རྗེ་རྣམས་ཀྱིས་དེའི་ལུས་ཀྱི་སྡིག་པ་སྲེག་བཞིན་པར་བསམས་ལ་དེ་ནས་ཡང་རྡོ་རྗེ་བབས་པ་དེ་ཁོ་ན་བཞིན་དུ་བཅིངས་ལ་དབབ་པར་བྱ་སྟེ། ངེས་པར་འབེབས་པར་འགྱུར། དེ་ལྟ་བུས་ཀྱང་གང་ལ་བབ་པར་མ་གྱུར་པ་དེ་
D485.085.0144a06.01ལ་དབང་བསྐུར་བར་མི་བྱའོ། །བབས་ན་སྐད་ཅིག་མ་དེ་ཉིད་དེའི་མངོན་པར་ཤེས་པ་ལྔ་ལ་སོགས་པ་རྫོགས་པར་འགྱུར་རོ། །དེ་ནས་ཡང་དག་པར་བབས་པར་ཤེས་ནས་ཡང་ཨོྃ་བཛྲ་ས་ཏྭ་སུ་སྃ་གྲ་ཧཱ་ཏ་ཞེས་པ་ལ་སོགས་པའི་གླུ་བརྗོད་ལ། ཁྲོ་བོའི་ཁུ་ཚུར་དང་དེ་བཞིན་གཤེགས་པ་རྡོ་རྗེ་
D485.085.0144a07.01