完整藏文原文 · 德格版页 当前仅加载第 85 函德格 128a 版页；藏文 NFD、目录标记与异常页序保留在来源切片中，重复版页行以稳定序号区分。
བསང་གཏོར་ཡང་བྱ་དེ་ཉིད་ཀྱིས། །བདུག་པ་ཡིས་ཀྱང་བདུག་པར་བྱ། །དབང་བསྐུར་བ་ནི་བུམ་པ་བཅས། །འབྲུ་ལ་སོགས་པ་ཐམས་ཅད་ལྡན། །ཅུང་ཟད་ཅུང་ཟད་གང་དུ་བླུགས། །རིག་པའི་རྒྱལ་པོས་མངོན་པར་བསྔགས། །ཆོ་ག་བཞིན་དུ་ལྷག་གནས་བྱ། །
D485.085.0128a01.01དྲི་ཡི་ཆུ་ཡིས་མཆོད་ཡོན་སྦྱིན། །མེ་ཏོག་ཀྱང་ནི་གཞུག་པར་བྱ། །བདུག་པ་ཡིས་ཀྱང་བདུག་པར་བྱ། །དབང་བསྐུར་བ་ནི་བུམ་པ་བཅས། །མཁས་པས་ཡང་དག་ཡོངས་སུ་བཟླས། །དེ་ཡིས་དབང་བསྐུར་བྱ་བ་ཡིན། །སླར་ཡང་བཟླས་པ་དཀྱིལ་འཁོར་དུ། །སློབ་མ་དམ་
D485.085.0128a02.01ཚིག་ཅན་རྣམས་ནི། །ཐལ་མོ་སྦྱར་ཞིང་མངོན་ཕྱོགས་ལ། །དེ་ནས་སོ་ཤིང་སྦྱིན་པར་བྱ། །སློབ་མ་རྣམས་ནི་{གོ་རིམས་,གོ་རིམ་}བཞིན། །གཟུང་ཞིང་ཤར་དུ་ཁ་བལྟས་ཏེ། །ཕྱི་རོལ་ཉིད་དུ་སོ་ཤིང་བཅའ། །མ་གས་པར་ནི་འཆོས་ནས་སུ། །ལོགས་མ་ཡིན་པར་འདོར་བྱ་སྟེ། །སོ་
D485.085.0128a03.01ཤིང་མདུན་དུ་དོར་བྱས་པ། །གང་ཚེ་མདུན་དུ་རྩེ་མོ་ལྷུང་། །དེ་ཚེ་དངོས་གྲུབ་མཆོག་ཤེས་བྱ། །གང་ཞིག་སྟེང་དུ་བལྟས་པ་ཡང་། །དེ་བཞིན་ཤར་དུ་རྩེ་མོ་བསྟན། །དངོས་གྲུབ་འབྲིང་དུ་ཡོངས་སུ་གྲགས། །བྱང་དུ་བསྟན་ན་ཐད་ཀ་ཉིད། །རིག་པའི་དངོས་གྲུབ་འཇིག་རྟེན་པ། །
D485.085.0128a04.01སོ་ཤིང་དོར་བ་བརྒྱ་ལམ་ན། །གང་ཚེ་འོག་ཏུ་ཁ་བལྟས་པ། །དེ་ཚེས་འོག་དངོས་གྲུབ་ནི། །འབྱུང་བ་འདི་ལ་ཐེ་ཚོམ་མེད། །སློབ་མ་ཉེ་བར་རེག་པ་ནི། །སྔ་མ་བཞིན་དུ་གཟུང་བྱས་ལ། །ཐམས་ཅད་ལས་བྱེད་སྔགས་ཀྱིས་ནི། །བླ་མས་དྲི་{བཟངས་,བཟང་}ཆུ་སྦྱིན་ནོ། །རེ་རེ་ལ་ཡང་བཏུང་བའི་
D485.085.0128a05.01ཕྱིར། །ཁྱོར་བ་གསུམ་ནི་སྦྱིན་པར་བྱ། །དེ་ནས་བློ་ལྡན་ལངས་ནས་སུ། །འདི་དག་ཀུན་དུ་སྤྱད་པར་བྱ། །དེ་ནས་མཆོད་པ་ཡང་བྱས་ནས། །ལག་པས་སྤོས་ནི་བཏེག་ནས་སུ། །བློ་ལྡན་གུས་པས་ལྷ་རྣམས་ལ། །གསོལ་བ་གདབ་ཅིང་གུས་གནས་བྱ། །དང་པོར་སྔགས་ནི་སྙན་
D485.085.0128a06.01གསན་དབབ། །དེ་ཡི་དཀྱིལ་འཁོར་གང་ཡིན་པ། །དེ་ཡི་རིམ་པའི་སྦྱོར་བ་ཡིས། །ལྷ་རྣམས་སྤྱན་འདྲེན་པ་ཡིན་ནོ། །བཅོམ་ལྡན་ཆེ་གེ་མོ་ཞེས་བྱ། །རིག་པའི་རྒྱལ་པོ་ཁྱོད་ལ་འདུད། །སློབ་མ་རྣམས་ལ་བརྩེ་ཕྱིར་དང་། །ཁྱེད་རྣམས་ལ་ཡང་མཆོད་པའི་ཕྱིར། །ཉིད་ཀྱི་དཀྱིལ་
D485.085.0128a07.01