完整藏文原文 · 德格版页 当前仅加载第 85 函德格 120a 版页；藏文 NFD、目录标记与异常页序保留在来源切片中，重复版页行以稳定序号区分。
ལ་བསླུས་པར་གྱུར་ཅིག །དེའི་ཚེ་བདག་བྱེ་ཚན་གྱིས་སྲེགས་པར་གྱུར་ཅིག །རྡོ་རྗེ་ཀུན་དུ་འབར་བས་བདག་ཅག་གི་མགོ་འགེམས་པར་གྱུར་ཅིག །རྟག་པར་དུས་ཐམས་ཅད་དུ་སེམས་ཅན་ཆེན་པོ་དེ་བསྲུང་བ་དང་། བསྐྱབ་པ་དང་། སྦ་བར་བགྱིའོ། །གཟི་
D485.085.0120a01.01བྱིན་ཆེན་པོ་དང་། སྟོབས་དང་། བརྩོན་འགྲུས་བསྐྱེད་པར་བགྱིའོ། །དེའི་དུག་རྣམས་དུག་མ་མཆིས་པར་བགྱིའོ། །དུས་དང་དུས་སུ་ཆར་དབབ་པར་བགྱིའོ། །མེ་ཏོག་ཐམས་ཅད་ཡོངས་སུ་རྫོགས་པར་བགྱིའོ། །ཕ་རོལ་གྱི་གཡུལ་ཐམས་ཅད་ལ་དུས་དང་དུས་མ་ཡིན་
D485.085.0120a02.01པའི་ཆར་དབབ་པར་བགྱིའོ། །འཇིག་རྟེན་པ་ཐམས་ཅད་བསྐྱེད་པར་བགྱིའོ། །རྒྱལ་བའི་བཀའ་དང་རྡོ་རྗེ་འཛིན་པའི་བཀའ་རབ་ཏུ་བསྒྲུབ་པར་བགྱིའོ། །དེ་ནས་སྒྲུབ་པ་བཤད་དེ། ལྷ་རྫས་འོད་འཕྲོ་དཀར་པོ་ཅན། །ཀླུ་རྣམས་འདུད་པས་གནས་པ་ཡི། །རྡོ་རྗེ་འཛིན་
D485.085.0120a03.01གཙོ་བསམས་ནས་ནི། །ཕུད་ཅེས་བྱ་བ་འབུམ་དུ་བཟླས། །དེ་ནས་དུག་གིས་ཟིན་པ་ལ། །ཕུད་ཅེས་བྱ་བའི་དཀྱིལ་འཁོར་ནི། །ལྷ་རྫས་འོད་ཟེར་ཕྲེང་བ་འཁྲིགས། །བསམས་ནས་དེ་ལ་ཕུད་ཡིག་བསམ། །ལག་པ་སྦྲུལ་མགོ་ཞགས་འདྲ་དང་། །ཕུད་ཀྱི་རླུང་གིས་
D485.085.0120a04.01པགས་པ་ཤ། །རུས་གནས་ཕུད་ཀྱི་རྣམ་པའི་དུག །མཐའ་དག་དྲངས་ཏེ་གསོ་བར་བྱ། །དེ་ནས་ལས་རྣམས་ཀུན་བྱེད་ཅིང་། །དུག་རིམས་དུག་སྦྱར་ལ་སོགས་པ། །ཁུ་ཚུར་གྱིས་ཀྱང་ཀུན་སེལ་ན། །སྦྲུལ་མགོའི་ཕྱག་རྒྱས་སྨོས་ཅི་དགོས། །དེ་ནས་ལྟོ་འཕྱེ་ཆེན་པོའི་
D485.085.0120a05.01བདག་པོ་འཇིགས་བྱེད་ཆེན་པོའི་མ་མོ་ཆེན་མོ་བརྒྱད་ཀྱིས་བསྐོར་བས་བཅོམ་ལྡན་འདས་ལ་ཕྱག་འཚལ་ནས་འདི་སྐད་ཅེས་གསོལ་ཏོ། །བཅོམ་ལྡན་འདས་བདག་ཅག་གིས་འཇིགས་པ་དང་མ་མོ་རྣམས་ཀྱིས་འཇིགས་པས་ལྷ་དང་ཀླུ་ལ་སོགས་པ་ཀུན་དུ་སྐྲག་རྣམ་པར་སྐྲག་སྟེ་ཁ་བུབ་ཏུ་
D485.085.0120a06.01འགྱེལ་ནས་གོས་དང་བྲལ་ཏེ་སེམས་སྟོར་ནས་ཀུན་དུ་འཕྱན་པ་དག་ལ་ཕན་གདགས་པའི་སླད་དུ་བདག་ཅག་གི་སྙིང་པོ་འབུལ་བར་འཚལ་གྱིས་བཅོམ་ལྡན་འདས་ཀྱིས་དེ་ལེགས་པར་བྱིན་གྱིས་བརླབ་ཏུ་གསོལ། འཇིགས་བྱེད་ཆེན་པོ་ལེགས་སོ་ལེགས་སོ། །རབ་ཏུ་འཇིགས་པར་བྱེད་
D485.085.0120a07.01