完整藏文原文 · 德格版页 当前仅加载第 85 函德格 141a 版页；藏文 NFD、目录标记与异常页序保留在来源切片中，重复版页行以稳定序号区分。
ཏོག་དྲི་དང་བྱུག་པ་མར་མེ་དང་། །ཞལ་ཟས་གཏོར་མ་འདི་དག་བཞེས་ནས་ཀྱང་། །གསོལ་མཛོད་སྣོམས་མཛོད་ལེགས་པར་འཐུང་མཛོད་ཅིག །ལས་འདི་རྣམས་ཀྱི་འབྲས་བུ་མཆིས་པར་མཛོད། །དེ་ལ་འདི་ནི་ཕྱི་དང་ནང་ཐམས་ཅད་དུ་གཏོར་མ་རབ་ཏུ་
D485.085.0141a01.01དབུལ་བའི་སྔགས་ཏེ། ཨ་ཀཱ་རོ་མུ་ཁྃ་ས་རྦ་དྷ་རྨཱ་ཎཱ་མཱ་དྱ་ནུ་ཏྭན་ཏྭཱ་ཏ་ཞེས་པའོ། །དེ་ནས་ཉེ་རེག་བྱ་སྟེ་ཤར་སྒོར་མངོན་པར་ཕྱོགས་ཏེ་གནས་པ་ལ། ལས་ཐམས་ཅད་པའི་ཐབ་ཁུང་གི་དབུས་སུ་དཔལ་འཇིག་རྟེན་གསུམ་རྣམ་པར་རྒྱལ་བའི་དཀྱིལ་འཁོར་གྱི་ལྷ་ཐམས་ཅད་ཀྱི་སྔགས་
D485.085.0141a02.01བརྗོད་ཅིང་མེ་ཏོག་དམར་པོས་ངེས་པར་བཀོད་ལ་སྦྱིན་སྲེག་གི་ཚོགས་དཔལ་རྡོ་རྗེ་ཧཱུྃ་མཛད་ཀྱི་སྔགས་ཀྱིས་བའི་མར་གྱིས་སྲེག་བླུགས་བརྒྱ་རྩ་བརྒྱད་དབུལ་ལོ། །དཔལ་རྣམ་པར་སྣང་མཛད་ལ་སོགས་པའི་སྔགས་ནས་རྡོ་རྗེ་འབེབས་པ་ཁྲོ་བོའི་མཐར་ཐུག་པར་ཀྱང་སྲེག་བླུགས་བདུན་བདུན་
D485.085.0141a03.01སླར་ཡང་ངོ་། །དེ་ནས་ཇི་ལྟ་བ་བཞིན་དུ་ཐབ་ཁུང་གི་རྣམ་པར་སྣང་མཛད་ལ་སོགས་པ་རྣམས་མེ་ཏོག་ཁོ་ནས་སྤྱན་དྲངས་ལ་རྣམ་པར་སྣང་མཛད་ལ་སོགས་པའི་སྔགས་ཀྱིས་བྲིས་པའི་དཀྱིལ་འཁོར་གྱི་རང་གི་གནས་སུ་དགོད་དོ། །དེ་ནས་དེ་བཞིན་གཤེགས་པ་ཐམས་ཅད་ལ་ཕྱག་བྱས་ལ་
D485.085.0141a04.01བདག་མིང་ཆེ་གེ་ཞེས་བགྱི་བའི། །རྡོ་རྗེ་སློབ་དཔོན་དཀའ་ཐུབ་ཆེས། །སེམས་ཅན་ཀུན་ལ་ཕན་པའི་ཕྱིར། །སློབ་མ་རྣམས་ནི་གཞུག་པར་བགྱི། །འདིར་ཡང་དཀྱིལ་འཁོར་ཆེན་པོར་འཇུག་པ་ལ་སྣོད་དང་སྣོད་མ་ཡིན་པ་བརྟག་པར་མི་བྱ་སྟེ། དེ་ཅིའི་སླད་དུ་ཞེ་ན། བཙུན་པ་བཅོམ་
D485.085.0141a05.01ལྡན་འདས་སེམས་ཅན་ཁ་ཅིག་ནི་སྡིག་པ་ཆེན་པོ་བགྱིད་པ་དེ་རྡོ་རྗེ་ཧཱུྃ་མཛད་ཀྱི་དཀྱིལ་འཁོར་ཆེན་པོ་འདི་མཐོང་སྟེ་ཞུགས་ནས་ངན་སོང་ཐམས་ཅད་དང་བྲལ་བར་འགྱུར་རོ། །བཅོམ་ལྡན་འདས་ནོར་དང་བཟའ་བ་དང་། བཏུང་བ་དང་། འདོད་པའི་ཡོན་ཏན་ཐམས་ཅད་ལ་ཆགས་པ་དང་།
D485.085.0141a06.01དམ་ཚིག་ལ་མི་འདའ་བ་དང་། སྔགས་སྤྱོད་པ་ལ་སོགས་པ་འདོད་ཅིང་མི་ནུས་པའི་སེམས་ཅན་དག་མཆིས་ཏེ། དེ་དག་ཀྱང་འདིར་ཇི་ལྟར་བྱ་བར་འདོད་པ་བྱ་བའི་ཕྱིར་ཞུགས་པ་རྣམས་ཀྱི་བསམ་པ་ཐམས་ཅད་རྫོགས་པར་འགྱུར་རོ། །བཅོམ་ལྡན་འདས་སེམས་ཅན་ཁ་ཅིག་ནི་གར་དང་།
D485.085.0141a07.01