完整藏文原文 · 德格版页 当前仅加载第 85 函德格 109b 版页；藏文 NFD、目录标记与异常页序保留在来源切片中，重复版页行以稳定序号区分。
བརྗོད་ནས་སུ། །ཐུགས་ཀ་ནས་ཀྱང་དབྱུང་བྱ་སྟེ། །བདུག་པ་ལ་སོགས་ལྷ་མོ་བཞི། །པདྨ་ལ་གནས་ཟླ་བ་ཡི། །དཀྱིལ་འཁོར་དུ་ནི་མཚམས་བཞི་པོ། །ཐམས་ཅད་དུ་ཡང་སྐུ་མདོག་ནི། །རིགས་ཀྱི་རིམ་པ་ཉིད་ཀྱིས་སོ། །ཨོྃ་སརྦ་སྃ་སྐཱ་ར་པ་རི་ཤུདྡྷ་དྷརྨ་ཏེ་ག་ག་ན་ས་མུཏྒ་ཏེ་
D485.085.0109b01.01སྭ་བྷཱ་བ་བི་ཤུདྡྷེ་མ་ཧཱ་ན་ཡ་པ་རི་བཱ་རེ་སྭཱ་ཧཱ། །སྔགས་ཀྱིས་དབྱུང་སྟེ་ཤར་གྱི་སྒོའི། །གཞོགས་གཉིས་དག་ཏུ་གནས་པ་ནི། །བྱམས་པ་ལ་སོགས་གནས་བཞི་པོ། །པད་གནས་ཟླ་བའི་དཀྱིལ་འཁོར་ལ། །ཐམས་ཅད་སེམས་དཔའི་སྐྱིལ་ཀྲུང་ཅན། །ཕྱག་རྒྱ་སྐུ་མདོག་རིམ་པ་ཡང་། །བྱམས་
D485.085.0109b02.01པ་ཐུགས་ནི་རྣམ་དག་པ། །སྐུ་མདོག་སེར་པོ་འོད་ཟེར་བཟང་། །གཡས་པ་ཀླུ་ཤིང་མེ་ཏོག་ཅན། །གཡོན་པས་སྤྱི་བླུགས་བསྣམས་པའོ། །གཉིས་པ་མཐོང་བ་དོན་ཡོད་ནི། །སྐུ་མདོག་སེར་པོ་འོད་ཟེར་འབར། །ཕྱག་གཡས་པདྨ་སྤྱན་ཅན་ཏེ། །གཡོན་པའི་ཕྱག་ནི་དཀུར་བཞག་
D485.085.0109b03.01པའོ། །བྱང་ཆུབ་སེམས་དཔའ་གསུམ་པ་ཡང་། །མཚན་ནི་ངན་སོང་སྤོང་འཇོམས་པ། །སྐུ་མདོག་དཀར་པོ་འོད་འབར་ཞིང་། །ཕྱག་རྒྱ་ལྕགས་ཀྱུ་བསྣམས་པ་ཅན། །བཞི་པ་མྱ་ངན་མུན་པ་ཀུན། །ངེས་འཇོམས་བློ་གྲོས་དེ་བཞིན་ཏེ། །དཀར་སེར་འདྲེས་པའི་མདོག་ཏུ་སྣང་། །དེ་ཡི་
D485.085.0109b04.01ཕྱག་རྒྱ་དབྱུག་བ་བསྣམས། །གཡོན་པ་ཁུ་ཚུར་དཀུར་བཞག་ཅིང་། །སེམས་དཔའི་སྐྱིལ་མོ་ཀྲུང་དུ་བཞུགས། །བྱང་ཆུབ་སེམས་དཔའ་བཞི་རྣམས་ཀྱང་། །ལྷོ་སྒོར་རབ་ཏུ་བཞུགས་པའོ། །དང་པོ་སྤོས་ཀྱི་གླང་པོ་ཡང་། །དཀར་པོ་སྔོ་བའི་སྐུ་མདོག་ཅན། །འདི་ཡི་ཕྱག་རྒྱ་ཕྱག་གཡས་
D485.085.0109b05.01ན། །དྲི་ཡིས་དུང་ནི་རབ་ཏུ་བཀང་། །གཡོན་པ་ཁུ་ཚུར་དཀུར་བཞག་ལ། །སྒྲིབ་པ་ཐམས་ཅད་རྣམ་པར་སྦྱོང་། །གཉིས་པ་དཔའ་བར་འགྲོ་བ་མཚོན། །ཉོན་མོངས་ཐམས་ཅད་རབ་གྲོལ་མཛད། །ཤེལ་གྱི་མདོག་ཅན་འོད་བཟང་བ། །འདི་ཡི་ཕྱག་རྒྱ་རལ་གྲི་བསྣམས། །གཡོན་པའི་ཕྱག་
D485.085.0109b06.01ནི་དཀུར་བཞག་ནས། །སེམས་ཅན་སྡུག་བསྔལ་ཞི་མཛད་པའོ། །གསུམ་པ་ནམ་མཁའ་མཛོད་ཉིད་དེ། །རྒྱན་ནི་ཐམས་ཅད་ཀྱིས་བརྒྱན་པ། །དཀར་སེར་བསྲེས་པའི་སྐུ་མདོག་འོད། །སྒྲིབ་པ་ཐམས་ཅད་རྣམ་པར་སྤངས། །འདི་ཡི་ཕྱག་རྒྱ་ཕྱག་གཡས་ན། །པདྨ་ལ་གནས་ཆོས་ཀྱི་མཛོད། །
D485.085.0109b07.01