完整藏文原文 · 德格版页 当前仅加载第 85 函德格 112a 版页；藏文 NFD、目录标记与异常页序保留在来源切片中，重复版页行以稳定序号区分。
ནས་འདི་ཡི་ཐབ་ཁུང་ནི། །ཁྲུ་གང་ཙམ་ལ་སྦྱིན་སྲེག་བྱ། །ངན་འགྲོ་ཀུན་དུ་གནས་པ་ཡི། །སེམས་ཅན་དེ་རྗེས་དྲན་བྱས་ནས། །དགེ་བའི་རྒྱུད་ཕྱིར་སྡིག་པ་དང་། །སྒྲིབ་པ་ཞི་ཕྱིར་བསྲེག་བྱ་སྟེ། །མར་དང་འོ་མ་སྦྲང་རྩི་དང་། །འབྲས་ཡོས་ཉུངས་ཀར་
D485.085.0112a01.01བསྲེས་པ་དང་། །ཏིལ་དང་འབྲུ་དང་འབྲས་ལ་སོགས། །བུད་ཤིང་རྣམས་སུ་ལག་གཉིས་ཀྱིས། །ལས་རྣམས་གཞན་དང་གཞན་དག་ཀྱང་། །སྔ་མ་ཇི་ལྟར་དེ་ལྟར་གྱིས། །དེ་ཡིས་མྱུར་དུ་སེམས་ཅན་རྣམས། །བདེ་བ་ཕུན་སུམ་ཚོགས་པ་འཐོབ། །ལས་ཀྱི་རྒྱལ་པོ་མཆོག་
D485.085.0112a02.01ཅེས་བྱ་བའི་ཏིང་ངེ་འཛིན་ཏོ། །དེ་དག་ཀྱང་སེམས་ཅན་དེ་ལ་བྱས་པ་དེ་ནས་དེ་དམྱལ་བའི་སྡུག་བསྔལ་ལས་རྣམ་པར་གྲོལ་བར་འགྱུར་ཏེ། དགའ་ལྡན་གྱི་གནས་སུ་སེམས་ཅན་ཐམས་ཅད་ལ་ཕན་པར་མཛད་པ་བདེ་བར་གཤེགས་པ་དང་ལྡན་པར་སྐྱེས་སོ། །དེ་ནས་དབང་པོ་དང་བཅས་
D485.085.0112a03.01པའི་ལྷ་རྣམས་སྙན་གྲགས་དང་བཅས་པས་གར་བྱེད་ཅིང་། སྔགས་ཀྱི་མཆོད་པའི་སྤྲིན་མཐའ་ཡས་པས་སྐྱེ་བ་འདི་ཉིད་ལ་དེ་བཞིན་གཤེགས་པ་ལ་མཆོད་པའི་ཕྱིར་ལྷའི་ཚོགས་རྣམས་མདུན་དུ་བྱ་སྟེ། བྱང་ཆུབ་ཀྱི་སེམས་བསྐྱེད་ནས་ལྷ་རྫས་ཀྱི་མེ་ཏོག་དང་། བདུག་པ་དང་། མར་མེ་དང་།
D485.085.0112a04.01དྲི་དང་། གདུགས་དང་། རྒྱལ་མཚན་དང་། བ་དན་ལ་སོགས་པ་སྣ་ཚོགས་པ་དང་། རྒྱན་དུ་མ་རྣམས་ཀྱིས་ཀྱང་མཛེས་ཤིང་ན་བཟའ་དང་རིན་པོ་ཆེའི་ཆར་ལ་སོགས་པས་ཀྱང་དགའ་བའི་ཚལ་ཡོངས་སུ་གང་བར་བྱས་སོ། །དེ་ནས་ངོ་མཚར་ཆེ་བར་གྱུར་ཏོ། །ངན་སོང་ཐམས་ཅད་
D485.085.0112a05.01ཡོངས་སུ་སྦྱོང་བ་གཟི་བརྗིད་ཀྱི་རྒྱལ་པོའི་བརྟག་པ་ཕྱོགས་གཅིག་པ་ལས་བརྟག་པ་དང་པོའོ།། །།དེ་ནས་བཅོམ་ལྡན་འདས་བྱང་ཆུབ་སེམས་དཔའ་སེམས་དཔའ་ཆེན་པོ་ཕྱག་ན་རྡོ་རྗེས་བཅོམ་ལྡན་འདས་ཀྱིས་བྱིན་གྱིས་བརླབས་ཀྱིས་སྔགས་ཀྱི་བརྟག་པའི་རྒྱལ་པོ་
D485.085.0112a06.01བརྟག་པ་ཕྱི་མ་གསུངས་ཏེ། དཔའ་བོ་གདན་ལས་བཞེངས་ནས་ནི། དགྱེས་པས་རྡོ་རྗེ་གསོར་ཞིང་ཤཱཀྱའི་བདག་པོ་དགྱེས་པ་ཐུབ་པའི་དབང་ཕྱུག་ལ་ཕྱག་འཚལ་ནས་སྒྲིབ་པ་ཐམས་ཅད་རྣམ་པར་སྦྱོང་བའི་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་ངན་སོང་ཐམས་ཅད་ཡོངས་
D485.085.0112a07.01