完整藏文原文 · 德格版页 当前仅加载第 85 函德格 125a 版页；藏文 NFD、目录标记与异常页序保留在来源切片中，重复版页行以稳定序号区分。
པོ་རྣམས་བརྒྱ་ཕྲག་སྟོང་དུ་བསྲེགས་ན་ངན་སོང་ཀུན་ལས་ཐར་བར་འགྱུར་རོ། །དེའི་ཤ་དང་། རུས་པ་དང་། སྐྲ་དང་། ཐལ་བ་ལ་སོགས་པ་ལ་ཆོ་ག་དེ་བཞིན་ཉིད་ཀྱིས་སྡིག་པ་ཀུན་ལས་རྣམ་པར་གྲོལ་བར་འགྱུར་རོ། །དེ་ཡི་དབུས་སུ་འཁོར་ལོ་ནི། །རྩིབས་
D485.085.0125a01.01བརྒྱད་དཀར་པོ་འོད་ཟེར་འབར། །ཁོར་ཡུག་རྡོ་རྗེ་རྩེ་ལྔ་པ། །འོད་ཟེར་དཀར་པོ་དང་ལྡན་བྲི། །དེ་ནས་སྣ་ཚོགས་རྡོ་རྗེ་བྱ། །རྡོ་རྗེ་རིན་ཆེན་ཆུ་སྐྱེས་མཆོག །དེ་ནས་སྡིག་པ་གཞོམ་པའི་ཕྱིར། །ཕྱག་རྒྱ་རྣམ་པ་སྣ་ཚོགས་བྱ། །ཕྱི་རོལ་རྡོ་རྗེ་རིགས་རྣམས་ཀྱི། །ཕྱག་རྒྱ་རྣམས་ནི་ཕྱི་
D485.085.0125a02.01རོལ་བྲི། །གཟའ་དང་སྐར་མའི་མཚན་མ་དང་། །དེ་ལྟར་འཇིག་རྟེན་འཁོར་རྣམས་ཀྱང་། །གཙོ་བོའི་རི་མོ་ལུགས་མ་དང་། །རྡོ་རྗེ་ཅན་དང་ལྷན་ཅིག་གཞག །བུམ་པ་བུམ་པ་གང་བ་དང་། །གཏོར་མ་ལྷ་བཤོས་ཤིན་ཏུ་དཀར། །མདོར་ན་ཐིག་ནི་བཏབ་ནས་ཀྱང་། །ཆོ་ག་བཞིན་དུ་
D485.085.0125a03.01བྲི་བར་བྱ། །དཀར་པོའི་གོས་ནི་གྱོན་ནས་སུ། །སངས་རྒྱས་གཟུགས་ཅན་མི་འཇིགས་པས། །ངན་སོང་འགྲོ་བར་གནས་པ་ཡི། །སེམས་ཅན་དེ་རྗེས་དྲན་བྱེད་ཅིང་། །སྡིག་པ་སྒྲིབ་པ་ཞི་བའི་ཕྱིར། །རྒྱུད་དག་པ་ཡི་སྦྱིན་སྲེག་ནི། །མར་དང་འོ་མ་སྦྲང་རྩིར་བཅས། །འབྲས་ཡོས་
D485.085.0125a04.01ཡུངས་ཀར་བསྲེས་པ་དང་། །དེ་ཡི་རུས་པ་ཤ་ལ་སོགས། །ཡང་ན་མིང་ཙམ་གྱིས་ཀྱང་བྱ། །དེ་ནས་བདེ་འགྲོར་སྐྱེས་ནས་སུ། །མཁས་པས་རྒྱས་པར་བྱ་བ་ནི། །ཁྲུ་དོ་པའམ་ཁྲུ་བཞི་པ། །དེ་བཞིན་མཆོག་ནི་ཁྲུ་བརྒྱད་པར། །བྱས་ནས་ཐབ་ཁུང་ཁྲུ་བཞི་པ། །ཀུན་དུ་མུ་རན་དང་ལྡན་པ། །
D485.085.0125a05.01དེ་དབུས་པདྨ་རིན་ཆེན་ཅན། །འོད་ཟེར་སེར་པོ་ཅན་བྲི་ཞིང་། །ཁོར་ཡུག་ཏུ་ནི་རིན་ཆེན་དང་། །མུ་རན་ལ་ནི་ཆུ་སྐྱེས་བྲི། །ཕྱི་རོལ་དུ་ནི་རིགས་ལྔ་ཡི། །དབྱེ་བས་ཕྱག་རྒྱ་བྲི་བར་བྱ། །དེ་བཞིན་ཕྱི་ཡི་ལྷ་རྣམས་དང་། །ལྕགས་ཀྱུ་ལ་སོགས་བྲི་བར་བྱ། །ན་བཟའ་སེར་པོར་གྱོན་བྱས་ནས། །
D485.085.0125a06.01མཐོ་རིས་གནས་པ་རྗེས་དྲན་ཞིང་། །དེ་ལ་ཕན་ཕྱིར་རྒྱས་པ་ཡི། །དོན་དུ་རྒྱས་པའི་ལས་བྱས་ན། །ལུས་ཅན་དེ་ཡི་ཚེ་དང་དཔལ། །གཟི་བརྗིད་སྐལ་བ་བཟང་པོ་འཕེལ། །དེ་ནས་དེ་ལ་ཕན་པ་ཡི། །དབང་དུ་བྱ་བའི་ལས་བྱ་སྟེ། །ཐབ་ཁུང་གཞུ་ཡི་དབྱིབས་འདྲ་བ། །ཁྲུ་གང་བའམ་
D485.085.0125a07.01