完整藏文原文 · 德格版页 当前仅加载第 86 函德格 85a 版页；藏文 NFD、目录标记与异常页序保留在来源切片中，重复版页行以稳定序号区分。
རྡོ་རྗེ་དང་། གདུང་བ་སྐྱེད་པ་དང་། འདུལ་བར་བྱེད་པ་དང་། གདུག་པ་ཐམས་ཅད་སེལ་བར་བྱེད་པ་དང་། དེ་ཁོ་ན་ཉིད་ཀྱི་མགོན་པོ་དང་། གནས་པ་པོ་དང་། བརྩེ་བ་ཅན་དང་། ཆོས་འཆང་དང་། བསྐྱོད་པ་པོ་དང་། སྦོ་བ་པོ་དང་། འཆིང་བ་པོ་དང་། སྐོར་
D492.086.0085a01.01བ་པོ་དང་། དེ་དག་ལ་སོགས་པ་རྡོ་རྗེ་ཡབ་རྣམས་སོ། །གཞན་ཡང་མཐའ་ཡས་པའི་རྡོ་རྗེ་ཕོ་ཉ་མོ་འཕྲོག་པའི་རྡོ་རྗེ་བྲན་པོ་རྡོ་རྗེའི་ཚོགས་དང་ཐབས་ཅིག་སྟེ། དེའང་འདི་ལྟ་སྟེ། རྡོ་རྗེ་རླུང་ཞེས་བྱ་བ་དང་། རྡོ་རྗེ་མེ་དང་། རྡོ་རྗེ་མི་འཁྲུགས་པ་དང་། རྡོ་རྗེ་ཆུ་དང་། གཞན་
D492.086.0085a02.01ཡང་རྡོ་རྗེ་རྒྱལ་པོ་ཆེན་པོ་བཞི་ལ་འདི་ལྟ་སྟེ། ཞི་བར་བྱེད་པ་དང་། རྒྱས་པར་བྱེད་པ་དང་། དབང་དུ་བྱེད་པ་དང་། མི་ཤེས་པ་ཐམས་ཅད་ཟད་པར་བྱེད་པ་སྟེ། དེ་དག་ལ་སོགས་པའོ། །གཞན་ཡང་མཆོག་ཏུ་རྒྱ་ཆེན་པོ་སངས་རྒྱས་ཀྱི་ཡེ་ཤེས་རབ་ཏུ་གནས་པའི་མཆོད་པ་དང་
D492.086.0085a03.01ལྡན་པ་བཅོམ་ལྡན་འདས་སྟོན་པ་རྟག་པ་མཆོག་གི་མངའ་བདག་སྟེ། ཀུན་ཏུ་བཟང་པོའི་སྐུ་ཡི་ནི། །འཇིག་རྟེན་གསུམ་གྱི་དཀྱིལ་འཁོར་སྤྲོས། །བཅོམ་ལྡན་རྡོར་འཛིན་ལེགས་པར་བཞུགས། །གསང་བ་རྒྱན་གྱི་སྦྱོར་བས་སོ། །དེ་ནས་དེ་བཞིན་གཤེགས་པ་ཐམས་ཅད་
D492.086.0085a04.01སྐྱེད་པར་བྱེད་པའི་ཡུམ་གསང་བའི་རྡོ་རྗེ་འདུས་པ་ཐོབ་སྟེ། དེ་བཞིན་གཤེགས་པ་ཐམས་ཅད་ཀྱི་ཡབ་དང་ལྷན་ཅིག་ཏུ་དགའ་བའི་བདེ་བ་རྗེས་སུ་བྱུང་སྟེ་འཁོར་དང་བཅས་པ་རྣམས་བཅོམ་ལྡན་འདས་ཀྱི་སྤྱན་སྔར་ལྷགས་ཏེ། རྡོ་རྗེའི་གླུ་འདིས་མངོན་པར་བསྟོད་ནས་ཞུ་བ་ཞུས་པ། སངས་
D492.086.0085a05.01རྒྱས་ཀུན་དོན་ཁྱོད་ཕྱག་འཚལ། །རྡོ་རྗེ་འབྱུང་བ་ཁྱོད་ལ་འདུད། །ཐུགས་ཀྱི་རིན་ཆེན་མཆོག་ཁྱོད་འདུད། །ཆོས་ཀྱི་བློ་གྲོས་ཁྱོད་ལ་འདུད། །ཆོས་རྣམས་ཀུན་མཆོག་ཁྱོད་ལ་འདུད། །སྣ་ཚོགས་དགོངས་པ་ཁྱོད་ལ་འདུད། །དམ་ཚིག་མཆོག་གི་མཆོག་ཁྱོད་འདུད། །རྡོ་རྗེ་
D492.086.0085a06.01སེམས་དཔའ་ཕྱག་འཚལ་འདུད། །གྲགས་པ་ཆེན་པོ་བདག་ཅག་ནི། །མགོན་པོ་ཁྱོད་ལ་ཞུ་བ་ཞུ། །སངས་རྒྱས་ཐམས་ཅད་སྐྱེད་བྱེད་ཡུམ། །དཀྱིལ་འཁོར་གྱི་ནི་དཀྱིལ་འཁོར་མཆོག །དེ་ནས་བཅོམ་ལྡན་འདས་རྡོ་རྗེ་སེམས་དཔའ་དེས་དེ་བཞིན་གཤེགས་པ་ཐམས་ཅད་ཀྱི་
D492.086.0085a07.01