完整藏文原文 · 德格版页 当前仅加载第 86 函德格 107a 版页；藏文 NFD、目录标记与异常页序保留在来源切片中，重复版页行以稳定序号区分。
བྱ། །ལག་ན་རྡོ་རྗེ་ཅང་ཏེ་མ། །ཁ་དོག་དཀར་མོ་འོད་ཟེར་ཆེ། །འཁར་རྔ་རྡུང་བའི་ལག་པ་ཅན། །རྡོ་རྗེ་འཁར་རྔ་མ་བྲི་བྱ། །རྒྱུད་གཅིག་པི་ཝང་སྦྲེང་བ་བྲི། །རྡོ་རྗེ་པི་ཝང་སྦྲེང་བ་མོ། །པི་ཝང་རྒྱུད་གསུམ་སྦྲེང་བའི་རྒྱ། །པི་ཝང་རྒྱུད་གསུམ་སྦྲེང་བ་
D492.086.0107a01.01བྲི། །རྡོ་རྗེ་འཁར་ཁྲོལ་ལྷ་མོ་ཆེ། །དམར་པོ་ཡི་ནི་གོས་བགོས་པའོ། །རྡོ་རྗེ་གླིང་བུ་རྣལ་འབྱོར་པས། །གླིང་བུ་འབུད་པ་ལྡན་པ་བྲི། །རྡོ་རྗེ་པི་ཝང་སྐལ་ཆེན་མ། །པི་ཝང་སྦྲེང་ལ་རབ་སྤྲོ་བའོ། །རྡོ་རྗེ་འབུད་དུང་འབད་པས་བྲི། །དུང་དཀར་འབུད་པའི་རང་བཞིན་
D492.086.0107a02.01ཅན། །དུང་མ་ལག་ན་ཟངས་དུང་འཛིན། །འདོད་པའི་གཟུགས་མཆོག་འཛིན་པ་མོ། །རྒྱལ་བའི་དྲིལ་བུས་ལག་པ་མཛེས། །ཁྲོལ་བ་ཡང་དག་བྲི་བར་བྱ། །ལེགས་སྤྲོ་བ་ལ་གཟི་བརྗིད་ཆེ། །རྣམ་པར་རྒྱལ་ལ་སྤྲོ་བྱེད་མའོ། །པདྨ་གར་གྱི་དབང་ཕྱུག་དམར། །པདྨ་
D492.086.0107a03.01དམར་པོ་ཁ་འབྱེད་མ། །གར་གྱི་སྒྱུ་མས་རབ་གནས་པའི། །ལག་པ་སྟོང་ལྡན་བྲི་བར་བྱ། །རིན་ཆེན་གར་མ་ལྷ་མོ་ཆེ། །གར་གྱི་བདག་ཉིད་ལེགས་པར་བྲི། །ལག་ན་རིན་ཆེན་སྙེ་མ་ཅན། །ལག་པ་དུ་མ་གདོང་བརྒྱ་པའོ། །རྡོ་རྗེ་གར་མ་བསྙེམས་བཅས་མ། །
D492.086.0107a04.01ལུས་མཆུ་བ་དན་དང་ལྡན་པ། །རྣལ་འབྱོར་པས་ནི་ཆོ་ག་བཞིན། །རྡོ་རྗེ་སྦྱོར་བས་རབ་གནས་བྲི། །སྣ་ཚོགས་གར་མ་སྐལ་ཆེན་མོ། །རྡོ་རྗེ་ཐལ་མོ་སྤྱི་བོར་འཇོག །འཛུམ་བཅས་པ་ལ་མིག་མཛེས་མའོ། །སྣ་ཚོགས་སྒྱུ་མ་ལེགས་སེམས་མ། །སྨིན་མ་སྒྱུར་བའི་མིག་
D492.086.0107a05.01མཛེས་མ། །སྤྲོས་བཅས་གདོང་གི་རྣམ་འགྱུར་ཅན། །མཐོང་ན་དགའ་མ་འཛུམ་པའི་བཞིན། །གདོང་གི་དཀྱིལ་འཁོར་སྔོ་བསངས་མཆོག །རྡོ་རྗེ་མཐོང་མ་སྐལ་ཆེན་མོ། །རབ་ཏུ་དགོད་ཅིང་མིག་རྒྱས་མའོ། །རྣལ་འབྱོར་ཆེན་པོས་བྲི་བྱ་བ། །རྣལ་འབྱོར་མིག་གིས་ལྟ་བ་མོ། །
D492.086.0107a06.01རབ་ཏུ་གསལ་བས་འཁྲུགས་པ་ཅན། །འཁོར་ལོ་སྐོར་བ་ལྟར་བྱེད་མ། །སྙིང་གར་ལག་པ་འཇོག་པ་ནི། །སྡིག་པ་མ་ལུས་འཇོམས་པར་བྱེད། །རྫི་མར་བཅས་པའི་མིག་གཉིས་ནི། །སྟེང་དང་འོག་ཏུ་འཕགས་པ་ཡིས། །མཐོང་བ་འགུགས་བྱེད་བདེ་ཆེན་གྱིས། །སངས་
D492.086.0107a07.01