完整藏文原文 · 德格版页 当前仅加载第 86 函德格 95a 版页；藏文 NFD、目录标记与异常页序保留在来源切片中，重复版页行以稳定序号区分。
སྦྱར་ལ། །རིན་ཆེན་གྱིས་བཀང་མེ་ཏོག་བཅས། །གསང་སྔགས་བརྗོད་དེ་གཏོར་བར་བྱ། །ཅི་བདེ་བར་ནི་བཞེས་སུ་གསོལ། །དེ་ནས་རང་གིས་དབང་བསྐུར་བྱ། །དེ་ཡི་སྔགས་དང་ཕྱག་རྒྱ་ཡིས། །ས་ལ་ལག་པས་རེག་ནས་སུ། །བསྙེམས་པ་ཡིས་ནི་འཐོན་
D492.086.0095a01.01པར་བྱ། །དེ་ནས་སློབ་མ་གཞུག་པར་བྱ། །མེ་ཏོག་དྲིས་ནི་ཡང་དག་སྡུད། །སེར་པོའི་གོས་བཟང་ཡང་དག་གྱོན། །ལག་ན་རིན་ཆེན་དྲི་བཟང་པོ། །དགའ་དང་བཅས་ཏེ་སྙིམ་པ་དེ། །སྔ་མའི་སྔགས་ཀྱིས་དོར་བར་བྱ། །གང་གི་དྲུང་དུ་ལྷུང་གྱུར་པ། །ལྷ་དེ་དེ་ཡིས་
D492.086.0095a02.01འགྲུབ་པ་ཡིན། །དེ་ནས་གཡས་ནས་རྣམ་བསྐོར་ཏེ། །སློབ་མ་དེ་ནི་འབྱུང་བར་བྱ། །བཟང་པོའི་སེང་གེའི་ཁྲིར་བཞག་སྟེ། །དབང་བསྐུར་བ་ཡི་སྦྱོར་བ་བྱ། །གདུགས་དང་རྒྱལ་མཚན་བ་དན་དང་། །མཛེས་པའི་རྔ་ཡབ་གཡོབ་པ་ཡིས། །དེ་བཞིན་དུ་ཡང་དབང་
D492.086.0095a03.01བསྐུར་ཏེ། །བུམ་པ་བརྒྱད་དམ་བཅུ་དྲུག་ལ། །དེ་ཡི་སྔགས་དང་ཕྱག་རྒྱ་ཡིས། །{གོ་རིམས་,གོ་རིམ་}ཇི་ལྟ་བ་བཞིན་ནོ། །དེ་ནས་སྦྱོར་བ་དེར་འོངས་ཏེ། །འཁོར་ལོས་སྒྱུར་བའི་རིམ་པ་ཡིས། །འཁོར་ལོ་རིན་ཆེན་བཟང་པོའི་ལག །རྒྱལ་བ་རྒྱལ་བའི་སྒྲ་དགེ་བས། །
D492.086.0095a04.01གསང་བའི་སྦྱོར་བའི་རྣལ་འབྱོར་གྱིས། །ལྟེ་བ་རུ་ནི་དབང་བསྐུར་རོ། །འདི་བདག་གཏེར་ཅན་རིན་ཆེན་འཛིན། །རྡོ་རྗེ་རིན་ཆེན་འཛིན་པར་འགྱུར། །དམ་ཚིག་གི་ནི་དམ་པ་ཡིས། །སངས་རྒྱས་ཀུན་གྱི་དོན་རྒྱས་པ། །འབད་པས་དེ་རིང་བླངས་པ་ཡིས། །ཕོངས་པའི་
D492.086.0095a05.01དྲི་མ་འཕྲོག་པར་བྱེད། །དེ་ནས་དཔའ་བོ་འཆི་མེད་འཛིན། །རིན་ཆེན་ཚོགས་ཀྱིས་མཆོད་པར་བྱ། །གཞན་པ་ཡི་ཡང་དུ་མ་ནི། །རྒྱལ་པོ་དབང་ཕྱུག་དམ་པས་སོ། །དེ་བཞིན་དབང་བསྐུར་ལྔ་པོ་ཡིས། །སྐལ་མེད་ཀྱང་ནི་བདག་མེད་འགྱུར། །གླིང་བཞིའི་དབང་ཕྱུག་
D492.086.0095a06.01དཔལ་ལྡན་ཡང་། །གནོད་པ་མེད་པར་ཐོབ་པར་འགྱུར། །གསང་བ་ལས་ཀྱང་ཆེས་ཤིན་ཏུ། །གསང་བ་ཡི་ནི་མནའ་བསྒགས་ཏེ། །དེ་ཡི་བསྒོམ་དང་སྒྲུབ་པའི་ཐབས། །སློབ་མ་ལ་ནི་དེ་ནས་བསླབ། །གུར་གུམ་དང་ནི་ཙནྡན་དང་། །དྲི་དང་མར་མེ་བཟང་པོ་ལ། །དམ་
D492.086.0095a07.01